خبر عاااجل .. بدون التأكد من صحته افيدونا

[العرب العاربه]

استمعوا الى قول الشاعر الحضرمي مبارك باعكيم حتى تفهموا ان حسن الظن في العدو يعتبر من الغباااااااء

غل خلنا نسمع ونعرف لي معي من لي علي= المؤتمر جبته وناصرته نهار الاقتراع
وكنت مؤتمري ولكنّا اكتشفت انّا غبي = وكثير مثلي أغبيا ساقوا نفُسْهم للضياع
المؤتمر كذاب والكذاب عمره مايفي = واذا وفا بالعهد عِد به عهد مامنه نفاع
لاعهد للخاين ولا كلمة شرف للمرتشي= ونسان ماعنده شرف كثير فيه الاتباع
ماقلت هذا القول الا لجل برّي ذمتّي = ون كان حد مغشوش بايرمي بصك الانتفاع
الصدق باقولُه وبانزّلُه لي في خاطري= لانا من البيضا ولا نا من تهامه او رداع
نا حضرمي بن حضرمي والشافعيّه مذهبي= ربيت عاالعز والشرف ماربيت عاالغش ولخداع
وخوان عزرا ان تبرّوا منّهم ماحد بري = ماصابنا شي منّهم غير المتاعب والصّداع
لاتقول لي هاذاك بن عمّي وهاذا صاحبي = بني قريظه في يهود اخوة بني القينقاع
لا أُمي اخت امّك ولا خالتك تعرف خالتي = لاتّدعي وتقول مابيني ومابينك رضاع
نا اصلي عرابي من العُرب وانته فارسي = من ارض فارس والفروسيّه بغت فارس شجاع
ياهل الحضاره لاتعيدون الزمان الجاهلي = العلم ساس المعرفه والحاجه ام الاختراع
شعبان في رمْضان ماهو مختلف عن لولي= لو ماتردد واقتنع والقى على وجهه قناع
لو هو غشيم الغشم مايضحك بعقلك ياالذكي = لكنّ وش عاده يفيد الهرج والبياع باع
فشلت (ياشعبان) والفاشل عِداد المنتهي = لاتحسب انك باتظل مهما بلغ صيتك وذاع
قدامك (آدم سيف) قد جاب الكلام الواقعي= واليوم لاتلفاز شل بسمُه ولا مذياع ذاع
لو تنتسي كل القصص دحباش ماباينتسي = لأن فيه الفن والابداع مافيه ابتداع
ماحد يغطّي الشمس عين الشمس ماباتختفي=والدحبشه قصه حقيقيه لها فن وايقاع
والليل يامحمد علي ودّعت سعد المنكري= وعْبود باودّعه لاقد جات ساعات الوداع

توضيح :
(شعبان) شخصيه حضرمي في مسلسل شعبان في رمضان
(آدم سيف) المدعو بدحباش شخصيه دحباشيه شماليه كانت السبب في اطلاق لقب دحابشه على الشماليين

ارجو لكم مشاهدة ممتعة مع القاء الشاعر القدير مبارك باعكيم لقصيدته اعلاه في مهرجان القطن عبر هذا الرابط