عدني دلق يافعي والضالعي هارب ومسكه ردفاني والكوكني يتفرج

[أبو عامر اليافعي]

والله ياكوكني اول ماشفت العنوان دخلت حامي اريد انتف شواربك .
كيف تقول ان واحد عدني دلق يافعي ونحن قبائل حديد يقرط حديد وانتم مالكم بالقبيلة وحابين المدنية والانفتاح على العالم لما جاء فتح مدينتكم عمك علي والان تحملوا الفتوحات الاسلامية طالما وانتم تحبون تنفتحوا وحتى السجن حقكم اسمه الفتح .
ايش حكاية الفتح والانفتاح والفتوحات مخيمة عليكم .
المهم قرات الموضوع وعرفت ان القصة كلها فرة وهربة وقلت الحمد لله وهدات شوي وانا اتابع الردود حصلت واحد يافعي ينخط نخيط وانا ما اخفي عليك اخذتني الحمية اليافعية ونويت عليك الشر المستطير وقلت لنفسي يالله تابع الردود عشان يفتهم الخبر من راسه لارجوله وحصلت المدير العام يقول لاتكون عنصري يابو نخيط وانا استحيت لعاد يقولوا عنصري وبطلت اللي كنت ناوي عليه .
المهم ذلحين كيف نسوي بالدحابشة فرقونا وخلوا كل واحد يخاف من صاحبه وحتى ونحن بالخارج مانتصل ببعض لان كل واحد خايف يكون الثاني جاسوس عليه ولما حد يسالني انت انفصالي ولا وحدوي افكر شوي واقول والله لازم من المخارجة وبلاش زنط وانت تدور لك على بطنك ورزق عيالك وابعد عن الشر وغني له واجاوب اقول انا وحدوي واللي يسال يقول والله مانت جنوبي اصلي يمكن اصلك من بلاد ثانية اقول له انا يافعي يقول لي هاه عرفت الان انكم يقولوا ان اصلكم يهود ولازم نطهركم من الجنوب .
والان ياصاحبي ماحد يثق بالثاني والشكوك بالنفوس كبيرة مع انه نحن كلنا تحت عود اخضر ثقيل لكن للحين مافهمنا .
وانت تقول كله لعب كشاف وكيف بايكون الكشاف هذا وهذه الحالة .
وبعدين انت مالك والقيادات التاريخية للجنوب شوفك تدخل نفسك بدهاليز خطيرة لان اللي تكتبه فيه تحريض واضح عليهم وهم ماصدقوا يحصلوا مهرة بعد السكنة وانت جاي ذلحين تنكوش الكلام .
اعقل ولا با نجهز لك صميل اخضر على طول ظهرك .

[بن دحه الجنوبي]

اخي شامخ العر الكوكني قصده ثاني ان ابناء الجنوب كلهم يدواحده يافعي عدني ضالعي لحجي ابيني شبواني حضرمي
مهري الجميع يدواحده ولافرق بين قبيلي وغيره الشي الذي مافهمته منه وحيرني عن الرئس العطاس ماذا يقصد
بقصعه لبن هل يعني لازال صغير او انه جالس في بلاد ياكل ويشرب لبن وشعبه ماحصل شربت ماء اوحق العلاج
مافهمت اما كلامه بالاجمل فهمته والله يسامح من كان السبب في ماحنا فيه اما اخينا الكوكني اوكذا اسم يحب
ان يسمي نفسه العيش والملح يجب ان يقدس من الكريم اما غيره فلاحاجه لنابه تحياتي وعاش شعب الجنوب العظيم

[salah]

السلام عليكم ورحمت الله وبركاته
يا كوكني الدنيا تقيره وهذا بفضل الفاتح علي قيرت من بسم الحزب الى بسم الله الرحمن الرحيم
سبحان الله مقير الاحوال من حال الى حال
ثانين لتكون تشرب شاهي في اليل لانه ياثر عليك وعلى صحتك ونت عارف ان كبر السن عسا بحسن الختام
ثالثن كن شوف المرايه قبل الخروج ولاتكون مستعجل زي القاده حقناكلواحد يصدر بين من عنده ولعجله من الشيطان
رابعن اليافعي مسكين وين با يجي جهده العدني دعس وثاني زيط وثالث دفس ونت خليه يفتهم لك
خامسن المداهفه هذه الايم انزاده وماحد داري وين نصل عسا يجيب الفرج من عنده
لي رجعه وتعقيب ثاني يا عم كوكني وسامحني لانقص حرف ولا انزاد

[شامخ بسأ]

ما للقفال الجنوبيه الا مفاتيح الشرجبي


شرجوبي بامتياز

[رشدااان]

كوكني

ارجوكم ان تبتعدوا في مواضيعكم السياسية
ان تبتعدوا عن الشخصنة سوى للافراد او بتسمية
قبيلته او اسرته

سلام

[الكوكني ابو مافيش]

المشاركة الأصلية كتبت بواسطة أبو عامر اليافعي

والله ياكوكني اول ماشفت العنوان دخلت حامي اريد انتف شواربك .
كيف تقول ان واحد عدني دلق يافعي ونحن قبائل حديد يقرط حديد وانتم مالكم بالقبيلة وحابين المدنية والانفتاح على العالم لما جاء فتح مدينتكم عمك علي والان تحملوا الفتوحات الاسلامية طالما وانتم تحبون تنفتحوا وحتى السجن حقكم اسمه الفتح .
ايش حكاية الفتح والانفتاح والفتوحات مخيمة عليكم .
المهم قرات الموضوع وعرفت ان القصة كلها فرة وهربة وقلت الحمد لله وهدات شوي وانا اتابع الردود حصلت واحد يافعي ينخط نخيط وانا ما اخفي عليك اخذتني الحمية اليافعية ونويت عليك الشر المستطير وقلت لنفسي يالله تابع الردود عشان يفتهم الخبر من راسه لارجوله وحصلت المدير العام يقول لاتكون عنصري يابو نخيط وانا استحيت لعاد يقولوا عنصري وبطلت اللي كنت ناوي عليه .
المهم ذلحين كيف نسوي بالدحابشة فرقونا وخلوا كل واحد يخاف من صاحبه وحتى ونحن بالخارج مانتصل ببعض لان كل واحد خايف يكون الثاني جاسوس عليه ولما حد يسالني انت انفصالي ولا وحدوي افكر شوي واقول والله لازم من المخارجة وبلاش زنط وانت تدور لك على بطنك ورزق عيالك وابعد عن الشر وغني له واجاوب اقول انا وحدوي واللي يسال يقول والله مانت جنوبي اصلي يمكن اصلك من بلاد ثانية اقول له انا يافعي يقول لي هاه عرفت الان انكم يقولوا ان اصلكم يهود ولازم نطهركم من الجنوب .
والان ياصاحبي ماحد يثق بالثاني والشكوك بالنفوس كبيرة مع انه نحن كلنا تحت عود اخضر ثقيل لكن للحين مافهمنا .
وانت تقول كله لعب كشاف وكيف بايكون الكشاف هذا وهذه الحالة .
وبعدين انت مالك والقيادات التاريخية للجنوب شوفك تدخل نفسك بدهاليز خطيرة لان اللي تكتبه فيه تحريض واضح عليهم وهم ماصدقوا يحصلوا مهرة بعد السكنة وانت جاي ذلحين تنكوش الكلام .
اعقل ولا با نجهز لك صميل اخضر على طول ظهرك .

حياك الله يا ابو عامر والله بيني وبينك شوفنا بلا شنبات احلقه أول باول لأنه بيني وبينك لو كانت تفيد الشنبات كان فادنا شنب هيثم قاسم في حرب أربعه وتسعين من يومها شوفنا حلقت شنبي وخليته ملط ومش انته دخلت حامي بيني وبينك وقده اللعب كشاف كل الأعضاء دخلو حامين وعاده تم تغيير العنوان لأننا حطيته عنوان قوي وفيه قليل عوجه بس ما افتهمش للجماعة واجت على راسي على قوله جنت على نفسها برااقش الي اتهمنا أننا كلب والي اتهمنا أننا افرق الصف والي والي وعينك ما تشوف غير عمك الكوكني يضحك وبيني وبينك القات اليوم بعشره الف ريال لاننا عارف انه بيقع يوم حامي الوطيس وانا عارف انكم قبائل وانتم اصل قبائل حم ير والنعم فيكم ما اقدر أقول في أصلكم شئ ومن حيث ان أصلكم يهود هذه ديانة كانت منتشرة في الجزيرة العربية وشوف قصه أصحاب الأخدود يقول تعالي ::: وَالسَّمَاءِ ذَاتِ الْبُرُوجِ (١) وَالْيَوْمِ الْمَوْعُودِ (٢) وَشَاهِدٍ وَمَشْهُودٍ (٣) قُتِلَ أَصْحَابُ الْأُخْدُودِ (٤) النَّارِ ذَاتِ الْوَقُودِ (٥) إِذْ هُمْ عَلَيْهَا قُعُودٌ (٦) وَهُمْ عَلَى مَا يَفْعَلُونَ بِالْمُؤْمِنِينَ شُهُودٌ (٧) وَمَا نَقَمُوا مِنْهُمْ إِلَّا أَنْ يُؤْمِنُوا بِاللَّهِ الْعَزِيزِ الْحَمِيدِ (٨) الَّذِي لَهُ مُلْكُ السَّمَاوَاتِ وَالْأَرْضِ وَاللَّهُ عَلَى كُلِّ شَيْءٍ شَهِيدٌ (٩) إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ (١٠)
ففي الايه الكريمة تفسير لكونه كانت في جنوب الجزيرة العربية الديانة اليهودية وأصحاب الأخدود هم منا وفينا
بالنسبة لموضوع أننا في الخارج شوفنا في الداخل وما فيش مشكله اذا تشتي رقمي بكتبه لك هنا قدام الناس ما عنديش مشكله لكن انته بتتصل بي لأننا ما فيش معي ميزانيه اتصالات دوليه وبالنسبة لنا أصحاب عدن مساكين من فاتح لفاتح ربك يعينا بس لكن ان شاء الله هذا الواجي بالطريق قده أخر فتح لأننا ما نقدر على أكثر من كذا بنهاجر بعدها إلى الخارج وبنطلب لجو سياسي وبيني وبينك قده موضة الأيام هذه روح لك أوقف في المنصة في أي فعاليه او جمع عيال حافتكم وصلح فيهم خطاب وصوره فيديو وتكلم وسب للتوله قليل وبعدين سافر إلى خارج اليمن واطلب لجو سياسي بحكم انك كنت مناضل كبير وهب لهم صورك وبس انتبه خلي واحد يصورك مضبوط وخليه يكثر من الصور وقول لهم انك مستهدف ومطارد من الفاتح العظيم
والله شوف يا اخي شوف اللعب كشاف انته تقول قياده تاريخيه وبيني وبينك وبدون زعل اش من تاريخ بيني وبينك تاريخ جدتي احسن من تاريخهم سواء الشخصي او السياسي وبعدين هولاء عديمين الخبره ماتشوف كيف هم الان مشتتين وحالتهم بالتنك وبعدين هولا ما فيش معهم علاقات مع العالم بدون اصدقا او معرفه يعني خرجوهم الجماعة من الباب انتم بالحراك تدخلوهم من الطاقة بعدين انا مش قصدي أننا أحرض الله المستعان بيني وبينكم انا اكبر محرض لكن بالحق وانتم معاكم عقل يميز بين المعقول والغير معقول وكل واحد حر في عقله على قوله الاخوه في مصر الشقيقة كل واحد ينام على الجنب الي يريحه بعدين الكوكني واحد يعني اش هم بيخافو من الكوكني بالعكس انا خائف من القيادة التاريخية خايف اذا يرجعو للتاريخ ويصلحو بي مثل ما صلحو في تاريخهم القديم وبيني وبينك أحسن لهم يشوفو لهم شغله غير السياسة لأنهم ما يصلحو لحاجه او انا معي لكم حل يا ابناء الجنوب بتاخذون الحل من عمكم الكوكني بنفتح لكل سياسي قديم دكان مواد غذايه مش ذهب او ملابس على شان انا قدنا متأكد انه أخر ألسنه ما بتحصلون راس المال بيفلسون واذا نجحو وجابو مكسب نرجعهم ثاني مره ونقول صح هولاء قياده تاريخيه يالله جمعو تبرعات مليون ريال يمني وافتحوا ربعه دكاكين مواد غذائيه وسلموهم من بعد بكره وشوفو النتيجه ألسنه الجاية والحراك قده شغال لانهم لا يهشون ولا ينشون ماشي بيوقف الحراك على ضمانتي وشوف الجيل الشاب يقدر يتحمل المسئوليه شوف بهب لك مثال صغير الدكتور عدنان علي سالم البيض خرج من عدن بالملابس الي فوقه وألان معه شركه كبيره في الأمارات راس مالها بالملايين تعرف ليش نجح لانه شاب وخليه يفتهم لكم الموضوع خاص بالشهداء والجرحي لا احد يقول الكوكني شف او قال حاجه

[الكوكني ابو مافيش]

المشاركة الأصلية كتبت بواسطة بن دحه الجنوبي

اخي شامخ العر الكوكني قصده ثاني ان ابناء الجنوب كلهم يدواحده يافعي عدني ضالعي لحجي ابيني شبواني حضرمي
مهري الجميع يدواحده ولافرق بين قبيلي وغيره الشي الذي مافهمته منه وحيرني عن الرئس العطاس ماذا يقصد
بقصعه لبن هل يعني لازال صغير او انه جالس في بلاد ياكل ويشرب لبن وشعبه ماحصل شربت ماء اوحق العلاج
مافهمت اما كلامه بالاجمل فهمته والله يسامح من كان السبب في ماحنا فيه اما اخينا الكوكني اوكذا اسم يحب
ان يسمي نفسه العيش والملح يجب ان يقدس من الكريم اما غيره فلاحاجه لنابه تحياتي وعاش شعب الجنوب العظيم

حياك الله يا بن دحه القصعه عندنا في عدن عندكم مدريش اش اسمها على شان كذا لزم من طرف ثالث يكون مترجم بيني وبينك انته ضربتنا ضربه جامده اوي اوي على قوله اخوانا المصريين لانك عارف يا ابن دحه اننا معرفش غير لهجتي العدنيه واما من كان سبب الخيانه فهم الاخوه الوافدين الي خليناهم وزراء ومسئولين وبالنبسه للاسم العيش والملح بصراحه اذا حفض كل انسان العيش والملح مع من اكل معهم فهذه طيبه لانه خائن العيش والملح حاجه مش حلوه بس بيني وبينك كل من اكل مع احد الاخوه الوافدين في عهد الفاتح علي ما يحسب عيش وملح لانه الاكل حرام قبل ماعداء اذا كان اكل مع جنوبي

[الكوكني ابو مافيش]

المشاركة الأصلية كتبت بواسطة salah

السلام عليكم ورحمت الله وبركاته
يا كوكني الدنيا تقيره وهذا بفضل الفاتح علي قيرت من بسم الحزب الى بسم الله الرحمن الرحيم
سبحان الله مقير الاحوال من حال الى حال
ثانين لتكون تشرب شاهي في اليل لانه ياثر عليك وعلى صحتك ونت عارف ان كبر السن عسا بحسن الختام
ثالثن كن شوف المرايه قبل الخروج ولاتكون مستعجل زي القاده حقناكلواحد يصدر بين من عنده ولعجله من الشيطان
رابعن اليافعي مسكين وين با يجي جهده العدني دعس وثاني زيط وثالث دفس ونت خليه يفتهم لك
خامسن المداهفه هذه الايم انزاده وماحد داري وين نصل عسا يجيب الفرج من عنده
لي رجعه وتعقيب ثاني يا عم كوكني وسامحني لانقص حرف ولا انزاد

صادق حبيبي الدنيا تغيرت وحتى من كثر تغيريها انت الان كتبت بدل كلمه تغيرت تقيره شفت كيف عصر الفاتح عمك علي حتى الحروف تغيرت سبحان الله العظيم كله بفضل الله ثم بفضل الفاتح وهذا ان دل على ان المدراس الي تدرسون فيها مدارس بتخرج جيل يجنوبي وشمالي مثقف وعالي الثقافه وبصراحه بيكون معنا عباقره من التعليم الموجود في اليمن بشكل عام ويمكن نحكم الارض بعد عشرين سنه والناس بتطلع الفضاء ونحن عادنا نقول تقيره
والله انا عارف انه الشاهي ياثر على الصحه لكن قول للكبار المخرفين امثالي عاده البعض منهم يشرب وسكي لاتخلينا اكشف بس وبيني وبينك من حيث البيانات المناظل يصدر بيان في الليل وهو مخزن مثلي انا ماتشوفنا جالس ارافس في موضعين ومتحمل ميتين عضو فوق راسي وارد عليهم لكن بكره بنسى الموضوع والقياده شوفهم مثلي وهم مخزنين يقررون اشياء ويتفون على اشياء واول ما يخلصو من القات ويطلع اليوم الثاني كل قيادي يقول كذب او ضغطو علينا او احرجوني حلوه هذه احرجوني تقول بنلعب غميضان
وحياك الله في اي وقت

[الكوكني ابو مافيش]

المشاركة الأصلية كتبت بواسطة شامخ بسأ

ما للقفال الجنوبيه الا مفاتيح الشرجبي


شرجوبي بامتياز

قال تعالي ::::: إن هي إلا أسماء سميتموها أنتم وآباؤكم ما أنزل الله بها من سلطان إن يتبعون إلا الظن وما تهوى الأنفس ولقد جاءهم من ربهم الهدى أم للإنسان ما تمنى فلله الآخرة والأولى وكم من ملك في السماوات لا تغني شفاعتهم شيئا إلا من بعد أن يأذن الله لمن يشاء ويرضى
صدق الله العظيم
ومافيش معي رد اكثر من قوله سبحانه وتعالى له الحمد والشكر على النعمه

[الكوكني ابو مافيش]

المشاركة الأصلية كتبت بواسطة رشدااان

كوكني

ارجوكم ان تبتعدوا في مواضيعكم السياسية
ان تبتعدوا عن الشخصنة سوى للافراد او بتسمية
قبيلته او اسرته

سلام

هلا فيك اخي رشدان يعني اش نكتب للاعضاء والقراء محازي قدنا اهب لهم موضوع بالاسم مايفهوش اش عادك تشتينا اكتب لهم بدون اسماء بيجننو بي فشوف لنا حل وسط بارك الله فيك