ادخل وشوف ماذا جرى في عدن العاصمة صباح هذا اليوم...

[صوت الحرية]

المشاركة الأصلية كتبت بواسطة ابوعمـــــــــــــار

طالما انت معترف انك في الصف الاخير ليش تزاحهم في شي مالك فيه نصيب

وتقول نحن نعمل من سكات ليش اليوم تريد ان تضهرعملك ولمن لنا

اخي لا احد ياخذ مكان احد اطمن لسنا العقول القديمه التي لاتعطيكم قيمه


الحياه تقيرت وتقيرحال الناس معها




شعارنا الحريه ياحريه

عداك العيب ليش ازاحم في شي مالي فيه نصيب ... هذا هو الواقع وهادي هي الحقيقة في نفس كل واحد فيكم هذا الشعور أن ابناء عدن مالهم شي في هذا الوطن لهذا نحن نواجه متاعب ومشاكل كثير بعملنا داخل عدن واصاحبكم اصحابي حوشي من ابناء ردفان والضالع في عدن قاموا بالواجب وبزيادة عطلوا كل محاولة للنهوض والأن جايين تقولوا مثلث ومربع وغيركم يتسأل فين ابناء عدن أنا اشتي الي يتكلم ويسأل فين ابناء عدن أن يشوف كلامكم وحقدكم الدفين على ابناء عدن.. والله من المنطق أن ما يخرجوش ابناء عدن لأن مش هم الي راح للواحدة ولا هم من سلم وطنه مقابل 100 ألف وفله إجار في صنعاء ولا مفروض أبناء عدن يقدموا أي تضحية وفوق هذا نحن نقول معلش نحن مسامحين وبندخل المعركة لكن بشرط أن يكون راسي براس أكبر كبير داخل ردفان ولا الضالع ولا فضوها سيرة وخلينا مع علي سلته ... أنت عارف .. أنا مره كنت مطارد ولأننا عدني الكل تخلى عني وواجهت ضروف صعبه للغاية مافيش داعي اشرح لك أيش هي لكن هاذي الضروف والضغوطات الي مارسها عليا النظام اطرتنا اسلم نفسي ولما سلمت نفسي أخدونا ضباط كبار في الأمن وجلسوا معي عشان ينصحونا وقدموا لي العصير ولزوم الضيافة واحد منهم قالي تعرف انت لو كنت اجيت قبل الوحدة واعتقلوك وانت تمارس هذا النشط تعرف ايش كان بيكون مصيرك ؟؟ حتى لو كنت على حق,, ما كنت بتجلس على هذا المكتب ولا بنتكلم معك بأدب ولا بنقدر ضروفك.. كانوا بينفدوا بحقك حكم الاعدام في الشارع وبدون كلام أو محكامة !! أنا ايش فهمت من هذا الكلام غير اننا فكرة بالي خسروا حياتهم زمان بسبب كلام فاضي وأصحاب النزق من أمثالكم هم أبطال المسلسل الدموي الي أسقط وطن .. وطن .. وطن واليوم نحن الي ندفع الثمن وياريتهم تعبروا إلا زي ما هم وانتوا زي ما انتوا واحد قال فدرالية والتاني قال كن فدرالية والثالت وحدوي!! شعبه بهيجه وهو بيهيجه وعادكم ترفعوا صورهم وتنادوا بأسمائهم.. نحن نقدم النصح دائما لأبناء عدن اصحاب العقول النيرة بأن يتأنوا في كل عمل يقوموا به ونحن منزاحمش على قولك في اي شي بس يأخي لما ادخل هذا المنتدى اشعر بالغثيان من أغلب الكتابات الي فيها كدب ودجل وتلميع غلب عليه الطابع المناطقي المتشنج القديم ونحن الأن ننصحكم ان تكبروا بكبر الوطن وأن لا تقزموا عملكم وتحصروه بمناطق وتنسوا حجمكم , أنت عارف كم تعداد سكان عدن !! 1300000 نسمه مليون وثلاث مئة ألف نسمه لو خرجوا للشوارع بيقلبوا الدنيا لكن عقولكم حالة دون خروجهم..
انا صوت الحرية وأنا حرا برأي عمري ما كنت ملك حد ولا باكون ملك حد وانا متأكد بأن كلام ي هذا بيوصل لكثيرين وانا مستعد اتحمل نتائج مواقفي وكما يقول المثل الغارق ميهمش البلل..