هذه القصيده القية في حراك شبوه لشاعر قد ضاق حاله من مايسمى بالوحده

[ابوليث الشعيبي]

لا عاد با وحده ولا نا وحدوي =قولوا يساري او من اصحاب اليمين
با قولها من صدق يحنق من حنق=لازم براميل الشريجه يرجعين
انا انفصالي رغم اني الوحدوي=والمدعي الكذاب عبرها سنين
يحلف باسم الوحده العظمى غلط=وهي براء منه وبحلف له يمين
هو عنصري معروف لايقبل باحد=وهو انفصالي في صفوف الاولين
يأخذ من الوحده فقط خيراتها=والشعب ياكل شحت والا يستدين
والعنصريه واضحه في كل شئ=ماحد يغطي شمس شارق باليدين
ان جت بريطانيا رحبنا بها=وان جاء اليهودي مرحبا به مرتين
يفكنا من شر صنعاء واهلها=نرجع كما كنا كراما امنين
يامانصحناهم وقلنا غيروا =ولا وجدنا للشكاوي سامعين
واليوم ماتت عظم الله اجركم=ياذي قتلتوها ادفنوها وسط طين
لما تجي وحده على دين النبي =يكون العدل للناس اجمعين
اما انها وحده لصنعاء واهلها=مرفوض عند الله في دنيا ودين
كان الجنوب الحر اسمه في العلا=واهله رجال الموت لا حن الحنين
كانت صناديد الجنوب الباسله=لاتقدمت خطوه شردتوا خطوتين
واليوم تشتونا خدم تحت الطلب=حاشا وكلا يالمجوس الحاقدين
ثوره ولا والله نصبر هكذا=لما يحق الحق رب العالمين
ذقنا المراره بعد حرب المنتصر=حتى كرهنا العيش منكوس الجبين
والظلم حطمنا ووطى روؤسنا=وحنا الذي كنا ندوس الطامعين
اقسم برب الكون خالق كل شئ=مانحمل الباطل ونحن قادرين
لو تحرق الدنيا بما فيها خلق=ماعاد نتحمل فساد المجرمين
غادت بنا الدنيا بما في وسعها=والشعب يمسي طول ليله في انين
والفقر دق الشعب حتى دمره=والمال والثروه بايدي المعتدين
والشعب ثار اليوم ثوره عارمه=وحنا توكلنا وربك بايعين
مرت علينا اعوام سوداء مظلمه=صبوا علينا الويل والحقد الدفين
حتى كرهنا اليوم ذي فيه اعلنت =ويوم ذكراه اصبح اليوم الحزين
انا انفصالي واضحه باقولها =مادامت الوحده بلا مبدا ودين
مااجمل الوحده ومااحسن اسمها=لكن خانوها السرق والفاسدين
كانت هدفنا والامل ذي ننشده=واليوم خاب الظن فيها والظنين
ومن زعل يضرب براسه في الجبل=ومن رضي هذه الحقيقه واليقين
انا حر في رايي ولا نا عبد احد=ولاعلي ربي ولا هو الامين
جاب التخلف والجهاله والمرض =والغبن ذي الكبد تصبح طحين
ابن الجنوب الحر قف وقفة رجل=الموت افضل لك ولا الحال المهين
خلاص فاض الصبر ياذاقل لذا=ثوره على الشيطان وابليس اللعين
ثوره ويهنا من سقط والا قتل=لا حريه لا ما بكت من كل عين
قم ايها المارد ووجه لطمتك=وحطم قيود الذل بالبأس المتين
زلزل تراب الارض تحت اقدامهم=حتى يظلوا من وطننا شاردين