ما هي الرسائل التي توجهها إلى أبناء اليمن عامة وإلى أبناء الجنوب خاصة وبالذات أبناء أبين؟
أنا قبل شهرين عندما سيطر المسلحون على جعار دعوة أبناء زنجبار كاملاً، وقلت لهم قدكم تشوفوا ما حصل لجعار ومأساة «7أكتوبر»، وقد شفتم كيف سووا هؤلاء بصعدة، يعني لو أطلقت رصاصة من قرية ولا من حي قصفوا القرية أو الحي كاملاً، وشوفوا هذا احتمال كبير يكون عندنا، لابد نشكل لجان أهلية، والناس تحاول تضبط الأمور، كلمنا قائد اللواء وكلمنا وزير الدفاع، وجاؤوا ناس بيننا على أن الجيش يحايد ويسلموها للجنة أهلية مقابل يدافعوا عن المدينة في حال تعرضت لهجوم من قبل المسلحين، فرفضوا وقالوا احنا كلنا بانقاتل وبانسوي، أصحاب اللجان الأهلية ولا شكلوا شيء، قلنا لهم يا اخواني أقل شيء اطلبوا لنا من الحكومة خيام لكن كل اللي كانوا موجودين من الأحزاب ومن عقال الحارات ومن شباب الثورة ومن الحراك الجنوبي ومن الشخصيات الاجتماعية كلهم كانوا يضحكوا علي، يعني مستسخرين مش مصدقين أنه هذا الكلام بايحصل، وفعلاً يوم الجمعة بدأ إطلاق النار ويوم السبت ولا عاد بقى مخلوق داخل نجبار كلهم مشردين، قلت لهم: هيا شفتم لو كان طلبتوا لنا خيام كان أحسن، فرجعت أنا ذلحين تواصلت مع أصحاب الصليب الأحمر، ونسقت بين المسلحين والجيش وطلبت منهم وسألتهم بالله وقلت لهم حرام عليكم الجثث مرمية في الشوارع، في ناس أمراض وفي ناس فيهم القلب، إعطونا كم ساعة نخلي الهلال الأحمر لأنهم رفضوا الصليب الأحمر، من أجل يدخلوا ويخرجوا الجثث ويخرجوا الناس ويصلحوا لنا معسكر للاجئين ولي أنا وياهم ثلاثة أيام إلى اليوم وافقوا المسلحين وأعطوني رخصة من بكرة الصباح –أي صباح يوم الجمعة- يبدأوا يوقفوا إطلاق النار وكلمنا الجيش قالوا ما عندهم مانع... وأوصي أبناء زنجبار خاصة وأبناء أبين عامة وأبناء الجنوب أنهم يصبروا لأن القادم مرير ومأساوي فما حصل أمس في جعار وحصل اليوم في زنجبار غداً سيكون في عدن وبعده في المكلا وبعده في عتق وبعده في يافع وبعده الضالع وبعده المهرة وبعده ما باتسلم مدينة جنوبية، أنا أؤكد لك أنه كل يوم بايكون في مدينة، والآن سمعنا أن مجاميع مسلحة كبيرة بدأت تحتشد في الحوطة لإسقاط لحج، وفرض الحصار على عدن، حسب معلوماتي فالمسلحين احتشدوا وتحركوا إلى لحج.
عادشي عقل هل من معتبر,,,,
|
2011-08-18, 07:01 AM
المواضيع المتشابهه
العرض الشجري