الصحافه العربيه والعالميه (العسكرة والخطف يطبعان المشهد جنوب اليمن)23-12

[الصحرواي]

قال الرماعي خضرسالم جابوا لناكلب مستعجم@

ياكل ويشرب وهوساكت
ماطاع ينبح ولايجدم /

جبناله الصيدوالتونه واللحم قناله أتلحم@

وعرف صديقك من أعدائك لاترحم الخصم لاترحم/

فقال أرجوك تعذرني خلاص شف جسمي أتحطم@

كبيرفي السن متقاعد لاضرس يطري ولابطعم/

زمان كانت لنا هيبه وكنت مثل النمر بنهم@

والكل بيخاف من صوتي الطفل والشيخ والفندم/

واليوم ضاعت عزيمتنا وصرحنا طاح وتهدم@

والكلب يلعب مع الثعلب والفار ياكل مع لبسم /

ماعا خلوا لنا قيمه ضعنا وضاع النمر لدهم@

جائت ثعالب بتحكمنا على وتر ناسيه عجرم//

فقلت قصدك تفهمني انك معارض ومتظلم@

وضد من قام في الوحده وبطرد البيض وتزعم/

غلطان ان كان ذأقصدك والكل بالوحده أتقدم@

كلاب في الأمس جعانه واليوم في ظلها تنعم/

فقال لي أيش من وحده الله يهديك ما تفهم@

تي مثل ذي راح يتعالج عند الذي به جرب وجذم/

ليته قتل قبلها حيدر والبيض يقتل مع هيثم@

من قبل ما راح يتوحد ودخلونا نفق مظلم/

كنا بناكل وبنقسم للجار والاخ وبن العم @

لقمه صغيره تكفينا ولابنشحت ولانظلم /

والامن موجود والصحه والشعب مجان يتعلم @

بلا رشاوي ولاسرقه ياويل من زل وتئثم/

والان ماحد شبع كدمه ولاسلمنامن المرجم@

والرز غالي مع اللحمه والصيد تالف ومتجرثم/

فقلت هذا غلأ حاصل في كل شارع وفي مطعم@

والحاضرأفضل من الماضي خليك ذأ الهرج يامخشم/

كلاب كانت في الماضي سيتوا على لقفها ملجم @

الان تنبح بحريه من دون مخصم ولامأرم /

فقال لي خلها تنبح وبايجي يوم باتندم@

في ظل وحده وحريه والأنتخابات ذي تزعم/

ماشي دروا انها طعمه قالوا كلوها وقنا هم@

وحتلوا الارض والثروه والنفط والغازو المنجم/

حتى ولو حد أكل معهم بعطونه باقي الكندم@

قالوا له أنبح ولاتنسى جدك قتل في لواء مدرم/

بذكرون الغبي حزنه وقام يعوي ويتئلم@

ويزرعون الفتن فينا والجهل ذي عندهم خيم/

هذه سياسه فهمناها ولكن البعض مايفهم@

قصده فقط بس بمصلحته وبايذوق العسل علقم/

كلاب قامت مع الوحده هذأ مقفل وذاك أبكم@

تبيت تنبح على الفاضي بتحمي اللص والمجرم/

معهم مصالح في الوحده والبعض حتى وهو معدم@

ينبح معاهم كذأ باطل ولا بجيبه تجد درهم/

فقلت ياكلب ياحزبي زودت لي هم فوق الهم@

وانتم سبب هذه النكبه والان عادك بتتكلم/

مفروض تخرص ولاتنبح وغورداخل بحور اليم @

وخل غيرك يناقشني وانته وامثالك أتكتم/

كلاب كنتم في السلطه والليل تمسون ياملطم@

والشعب مقلوب على أمره يمشي على كيفكم مرغم/

تاريخكم صفحته سوداء ملوثه كله بدم)

من عهد فتاح واصحابه ما حد من الماضي أتعلم/

كنتم بنعمه ولاتدروا والخير والسيف والخيتم@

لكن خرجتوا من الجنه كماخرج منها أيدم/

واليوم نحنا ضحيتكم من كلب الى كلب نترحم @

ندفع ثمن حزبك الفاشل والحلم ذي كنت به تحلم /

والحق لازم نحاكمكم والبيض داخل عدن يعدم@

نقضي على فكار هدامه ذي طحلنا منها ورم/

لوكان غيرتوا الخطه من قبل لأوضاع تتئزم@

وتتركوا لشتراكيه يرحمكم الله والمسلم /
@
لكل تاجر ومستثمرهذأ يعمر وذأ يدعم/

ولكن الان ماينفع وسيبك الهم ذأ والغم @

شغل دماغك وتفكيرك وضمن في المؤتمر معهم/

وشيخ يمكن يخلونك تامر وتحكم وتتحكم@

ولك مرتب من الدوله وختم لك خاص به تختم /

ون في قضيه بها صفقه بادر لهاوكبر المعلم@

مثل الشيوخ الذي معنا وتزبط الفقر وتسلم/

خل القبيله توقع لك وفيك يامرحبا ويلكم@

وخرج بطاقه مع الصوره والكوت والشال والمعصم/

خليك ثعلب ودحباشي تي مثل ذي قبلك أتحزم@

كم من هبيله ودواعي شيوخ ماله درأ من كم/

فقال كلأ ولايمكن ابيع أرضي ولاسلم@

اناأنفصالي وباضلي مصباح يضوي بلليل أظلم/

غلطه ولازم نصححها مادام والشعب متفهم@

لابد ما نطرد المحتل أرادت الشعب لن تهزم/

والتضحيه بانقدمها برواح أولادنا والدم@


من أجل مستقبلآ أفضل خالي من الشيخ والفندم /

والشعب بعدين له رايه يغير الباب والمردم @

ماعاد في حزب دكتوري ولا شرك خاص تتئمم//
كلمات الشاعر خضرسالم الرماعي الكلدي اليافعي///