عبدالعزيز المنصوري رئيس مجلس الحراك في يافع يرد على بدع الشاعر القبيسي

[السفير الحميري]

المشاركة الأصلية كتبت بواسطة أبو عامر اليافعي

=== البدع ( القبيسـي ) ====



قال القبيسي صاحب الحاجه معنى بالطلـــــــب
بشرط يحسن في طلبها قبل مايبلى بهــــــا
ياذي نفخت النار قصدك باتطفي للهـــــــــــــب
ماهكذا يطفي لهيب النار ياشبابهــــــــــــــا
وذي يريد النار تطفى لايزيدها حطــــــــــــــب
ولايصب الغاز والبترول فوق لهابهـــــــــــــا
النار ماتطفى بغير الماء وتكثيف التعــــــــــب
وصبر من يخشى حماها مايهم اتعابهـــــــــا
شكيت لي من وضعك القاسي وبينت السبـــب
واحنا بنشكي نفس هذه المشكلة واسبابهــا
ماحل عندك حل عندي والغضب نفس الغضب
لكنك اخطيت الوسيله واجتنبت صوابهــــــا
هتفت بسم التفرقة وانويت سوء المنقلـــــــب
والتفرقه كلمة خطيره ماحسبت حسابهــــا
وقدحت بالوحده وقصدك باتحقق مكتســــــب
وكسبت لوم الناس في ارض اليمن باقطابها
لان شعبي وحدوي لحمه ودمه والعصـــــــب
وارض اليمن متوحده بجبالها وترابهـــــا
والوحده اغلى من كنوز الارض واسواق الذهـــــب
الوحده اللي حبها عاصر قلوب احبابهــــا
الوحده اللي لاذكرناها ترقصنا طـــــــــــــرب
والحاجه اللي يعجزوا في مدحها كتابهــــا
وحدة يمننا قد خسرنا لاجلها كم من شنـــــب
وقد تعاهدنا البقية مانعيش الا بهــــــــــــا
كانت يمننا دون وحده مثل مقطوع النســـــب
وذكرها يخزي لكثر اسمائها والقابهـــــــــا
لاما توحدنا وصار الاسم واحد واللقــــــــــب
وبايضل الاسم نفسه روحنا نحيا بهــــــــا
اصل ونسب من حقي افخر به على كل العرب
اذا الشعوب اتفاخرت باصولها وانسابهــــا
قد ربما نصبر على المسئول منا لاكــــــــذب
ونحتمل ظلم الحكومة واعوجاج اصحابها
قد ربما اتغاضى لسارق لاسرقني واحتجــب
واتحمل الجرعة متى ماصوتوا نوابهـــــا
قد ربما اعفي اي مسلم لاشتم فيني وســــب
واسكت لتصريح المذيعه لاسمعت عتابهـــا
لكنني مااسكت على التخريب واعمال الشغـب
والوحده افديها بروحي لو يبوا خرابهـــا
وحدة يمننا لانقارنها مع سكــر وحـــــــــــب
ولاتدخل بالسياسه واحتكاك احزابهـــــــــا
ومن يبى حل المشاكل مطلبه نعم الطلــــــــب
يوقف معي ونجي لحل المشكله من بابهــا
والحل ماهوشي في البرميل والا في المطــب
ولا بتخويف الاوادم في الطرق وارهابهــا
الحل يكمن في الحوار الجاد من كل الشعـــب
ونشوف من ذي سبب العله ومن ذي جابها
ماحد يعالج كربته بام المصايب والكــــــــرب
ويهدد الوحده بذيل التفرقة واذنابهــــــــــا
مثل الذي يهرب من الحمى ويلجاء للجــــرب
ويخاف من بطش الوحوش ويحتمي في غابهـا
واليوم ياتاريخ سجـــل في سجــــلات الادب
قصيدتي والويل لك لو ماحسبت حسابهــــا

===جواب=(عبدالعزيز المنصـوري )====



قال ابن يافع مرحبا ماشن ماطر اوسكـــــــب
واسقى بلاد اهل الجنوب جبالها وهضابهـــا
اوعد ماتحجر شراب النار من سود القصـــب
اصلي مقلم روسية يرحم ابو ضرابهـــــــــــا
حيا بكلمات القبيسي ذي بصوته قد نـــــــدب
سجل قصيدة واصله عبر الهواتف جابهــــا
من دون لاصاب الهدف جانا يعاتبنا عـتـــــب
وحول الوحدة صنم عاكف وسط محرابها
واليوم زود مدحها يمكن تاثر بالخطــــــــــب
وقال عنها يعجزوا عن وصفها كتابهـــــا
يمدح عجوزه عايشه على المهدى والقـــرب
عدد وفند حسنها واحصى عدد خطابهـــا
والان قم ياهاجسي وامشه معي حسب الطلب
من اجل شرح المسأله وشرح كل اسبابهــا
حلمت في طعم العسل وبالسفرجل والعنــــــب
وان ذا العسل ماهو عسل والمر في عنابهـا
عمك تسلم ارضنا من حوف لابحر العـــــــرب
حسب الامانة والشرف بس الامانة عابهــا
ضيع جمالي كلها واحمال كانت عالقتـــــــــب
فلاتعاتب نفس تشكي بعض مماصابهـــا
فالعنصرية واضحة في المناصب والرتـــــب
والتفرقه قد جابها كالنار ذي نكوى بهــــــا
البحر له والبر له والنفط في جيبه سكـــــــب
والامن له والجيش له والجوية واسرابهـا
والنار فيما بيننا هو ذي نفخ فيها وشـــــــــب
وبالتلـى والخاتمـة لابد مايصلـى بهـــــــــا
والصدق لك ياصاحبي حنبت بامثالك حنــــب
ذي قلت باندخل سوا للمشكله من بابهـــــا
كم صحت كم ناديتكم وأذانكم فيها عطــــــب
والنار فيكم طافيه مهما فعل شبابهــــــــــا
متى عسى باتنهضوا وباتشدون العصـــــب
لما السفن باتنتهي تغرق مع ركابهـــــــــــا
مثلك كمن حب الورود وخاف يجرح بالزرب
دين المدينة عندكم خاضع لدين اربابهـــــا
ياكم وكم صحنا وكم ولاسمعنا لك لجــــــــب
ووحدتك ياصاحبي ياكم تغنينا بهــــــــــــــا
وحدة علي فيها الجذم والسل منها والجــرب
يلعن ابو وحدة علي يلعن ابو من جابهـــــا
من كثر ماناديتكم قد صار في صوتي شحـب
صوتي وصل ارض الهنود وقد عبر بنجابها
لوكان ناديت الحجر اوكنت ناديت الخشــــب
يمكن تدب الروح فيها واترد جوابهـــــــــــا
هذه طبيعـــة شعبكــم من دون لا قــل الادب
شعبآ تعود عالمذله مايعيش اللابهـــــــــــــا
لوقادكم ابولهب باتتبعون ابالهــــــــــــــــب
وان جت سجاح تقودكم باتقراءون كتابهــا
ياللاسف يابن القبيسي والمذله والعجــــــب
صنعاء من بعد اليمامه قد ظهر كذابهـــــــا
وانتوا قفا كذابكم مثل البهايم والكســــــــب*
لوقال في كلمة خطاء قلتوا نعم قد صابهــا
ومالنا الاعلي واين مايضــرب ضـــــــــرب
فهل تضنوا جنة الله قد علي بوابهــــــــــــا
سنحان تملك كل شي النفط والماء والذهب
وان زاد عن حاجاتها تعطية بعض احبابهـا
وانته وغيرك عندهم حسبة غنايم مكتسب
املاك ضمن املاكهم ذي جدهم كسابهـــــــا
وان كنت صادق يوم قلت ان الغضب نفس الغضـب
وقلت نشكي نفس هذه المشكله واسبابهــــا
يدي بيدك وا نكــون اخــوان من امـآ واب
عاد السفن في بحرها والخير في سردابهـــا
واليوم يالله عندكم وين الاصالة والنســـــب
وين الكواسر ذي معك متى تبين انيابهـــــا
شدوا القوافل واعزموا قد ربما نطفي اللهـب
ياحرية ياموت والاقدار ياحيا بهــــــــــــــا
ومن تطلع للقمم مهما تعثر او رســـــــــب
لابد يوصل لاعزم مايقتنع الا بهـــــــــــــــــا
ومن تراجع مننا وإلا تلكى وانسحــــب
بانحسبة ضمن العذل* والحكم حلق اشنابهــا
تبت يدا من يرتضي بالظلم بل تبت وتــــب وتب
من يخضع لسلطة ظالمة وارهابهــــــا
والختم صلى الله على من فضله ربي وحب
تعداد ماخط القلم في بدعها وجوابهـــــــــــا



===== * الكسب = الاغنام // * العذل = النساء

صح لسانك ايها الشاعر المبدع فقد ابدعت وفصلت كل شئ عن الوحدة الزائفه
اما الذين يتشدقون بالوحدة طالبين الله وبياعين ضمير ونسال الله ان يرجعون الى
رشدهم ويتكلمون كلمت حق تحياتي لك اخي ابو عامر تحياتي للجميع