قهر وربي قهر

[الكوكني ابو مافيش]

المشاركة الأصلية كتبت بواسطة ابو حسن اليافعي

ياكوكني ياكوكني ياخي شي بتعرف عباس كوكني شي يقع لك أنا راضي عليك
بس نته خطير قل لي ويش دخل ابوهم تنظيم القاعدة ونته بتقول انك معاهم اوبني ياكوكوني رعني ازعل منك لكن بايحبونك جماعة صنعاء لاقلت انك مع تنظيم قاعدة الجنوب الحراكي بايعطونك قات وليم بعد القات تهضمه خاصة لهو يافعي
اما العزومة حق نضال والله عزومة خطيرة يعني عزمك ونقلب عليك لالا قل غيرها رعني بعرفه النضال انسان طيب ويعمل بجد واخلاص مع الحراك الجنوبي
بس خاف نته مافهمته شف ياعم كوكني انت باين عليك من العواجيز حق زمان وعواجيز زمان بهم صبر
ماشي بيزعلوا من اعيالهم الصغار صح ولا انا غلطان
وانت واعم كوكني وسع صدرك رعك جالس في صنعاء اليمن
لكن ابوهني لانته معك ثنتين رجلين واحدة بصنعاء وواحدة بعدن انتبه انا راضي عليك
رعني سمعت عليك كلام كبير وانك وانك وانك مناضل قوي
بس اسمع كلامي عمي نضال والله طيب
تارحنا تسامحنا وانسييك رحنا صلحنا تسامح وتصالح وبيننا عيش وملح والدنيا رمضان خليها على الله
اما حطاط والله انه كان معي بندق من صاحب شعره اعطانياه لكنه فر علينا
افتجعنا عليه وشلوه بالطائرة ونحن قلنا ذلحين باريجع واحد ثاني بعده
ولكن ولا شفنا صيفري
اما القبيله واصحبي رعها هبه زمان كان قبيلة ماذلحين مخراطه ومزناطة وكلام هواء وهراء
وين القبيلة ايام الشيخ فضل ذي هي حسينه
كانه زمان بقرة الى عند صاحبك وخلاص ومصافحة وعيش وملح
بس ملح من حق ايام زمان حالي ماشي هو مالح كثير
ماذلحين الملح ذي في عدن رعه مالح كتير كتير
والله يابو مافيش انا قدني اسال عليك كل يوم
من هذا ابو مافيش من هذا الكوكني
قالو لي شوفه خطير بس هذه الايام كانو تضاربو هو وواحد مشرف كبير
بس انا قلت لهم عمو كوكني رجال كبير ويتسامح وبانشوف هذه الايام رمضان وبانشوف كرمه حتى لو ماشو هو قبيلي بس راسه قوي يمكن يقبل بثور ولا ببقرة يافعية

اما صاحبنا صاحب شيكاغو انا داري يشتي يخلينا انا وانته نتضارب وبعدين هو يجي يفرع بعدما حنب لنا اناونته
رعه طرح هذه الخبارة وجالس يتفرج علينا
يمكن معه مكيف غالي من الاصلي
وماشي يدفع ايجار
ويمكن انه يجهز البندق للمقاتله رعني هذه الايام اسمع قراح من بعيد
خاف انه هو بيقرح جماع رصاصات الله يستر
خلاص عطل وخرب علينا الحراك
ياسمع ياعمو كوكني رعني صايم اروح ادور لي حبتين تمر وماء افطر
رضيوك عليك وابوه على نفسك في صنعاء واشرب لك ماء رع ماشي معاهم ماء حسين الله بس كل قليل لاتزيد من اكل الكدم لاتوجعك بطنك من السلتة والكدم
يامع الله وكوكني رضيوك عليك

افتهم لك يا صاحبي العنكبوتي انا رقدت وتكالبت عليا العرب قالو ليش ردق الكوكني وقالو ان السارق دخل حش فوق راسه ريشه وانا جالس اشوف الجو والاجواء
والله يعين يا صديقي

بنسوي انا وانته جمعيه خيريه اش رائك انا المدير وانته النائيب حقي وانا عليا الاخدام وانت عليك القبائل