قهر وربي قهر

[ابو حسن اليافعي]

المشاركة الأصلية كتبت بواسطة الكوكني ابو مافيش

اش من خطير يعني قصدك انا مع القاعدة صاحبك المهاجر هذا شوفه عزمنا على قلس ليم وانا جيعان وقال لي اشرب ياكوكني هظم قلت له يا اخي اش اهظم الامعاء جيعان بقول لك قال اشرب او اشرب وشربنا وامرنا لله والي عزمنا للمنتدى هو الاخ النضال وهو مناضل كبير بس الان اقتلب عليا ونفسيه بدل مايقول عاش الكوكني ابو مافيش يزبطنا زبط بس مستحي لانه الموضوع بتقع فيه قبيله بين القبائل وبين الاخدام وانته تعرف راس الخادم اقوى من راس القبيلي وقت الردع وبيني وبينك انته قاتلت في حطاط ايام اربعه وتسعين وكان معك بندق جديد اسمح لي اقول لك انته خطير اخطر من مفاعل ابو شهر وانا مشتيش تجرجرنا بالكلام لاننا انا مسكين وعلى قد حالي والله يرحم ايام الرباب ياصديقي العنكبوتي كان بيحكم عدن ولحج وابين بالتلفون ايام ماكان قائد للشرطه العسكرية وذيك الايام قسم بنادق جديده وراح القاهره يتعالج الله يشفيه لي منه كثير من ايام الفاصوليه اذا تعرفه
بالنسبه للقات اذا يعطونا ببلاش الاخ النضال كل يوم يوصى لي شكل وخليه يفتهم لك الشكل يعني عدد مكون من اثنين على قوله اخوانا المصريين جوز حمام جوز ارانب جوز احم احم
بالنسبه لقولك انه اصحابكم قبائل والنعم فيهم والنعم بكل قبائل الجنوب وبيني وبينك انا ما افهم في القبيله غير الحكم ومره اجو الجيران عندي تضاربو في عدن قالو لي احكم يا كوكني قلت لهم انا احكم عليكم تور بتور
وانا الكوكني ابو مافيش لانك تقول تشتي تعرف من انا هذا انا ابو مافيششششششششش واذا تشتي تشوفنا افتح الاداعه حق عدن بعد ماتقفل وهي تقول لك فيششششششششششششش
وصاحب يشكاعو الان عنده الساعه اثني عشر بالليل الان جالس ينزل كراتين في المستودع كراتين شكلاته ابو عود
خيطناها لك بصميل وانت فكها

ياكوكني ياكوكني ياخي شي بتعرف عباس كوكني شي يقع لك أنا راضي عليك
بس نته خطير قل لي ويش دخل ابوهم تنظيم القاعدة ونته بتقول انك معاهم اوبني ياكوكوني رعني ازعل منك لكن بايحبونك جماعة صنعاء لاقلت انك مع تنظيم قاعدة الجنوب الحراكي بايعطونك قات وليم بعد القات تهضمه خاصة لهو يافعي
اما العزومة حق نضال والله عزومة خطيرة يعني عزمك ونقلب عليك لالا قل غيرها رعني بعرفه النضال انسان طيب ويعمل بجد واخلاص مع الحراك الجنوبي
بس خاف نته مافهمته شف ياعم كوكني انت باين عليك من العواجيز حق زمان وعواجيز زمان بهم صبر
ماشي بيزعلوا من اعيالهم الصغار صح ولا انا غلطان
وانت واعم كوكني وسع صدرك رعك جالس في صنعاء اليمن
لكن ابوهني لانته معك ثنتين رجلين واحدة بصنعاء وواحدة بعدن انتبه انا راضي عليك
رعني سمعت عليك كلام كبير وانك وانك وانك مناضل قوي
بس اسمع كلامي عمي نضال والله طيب
تارحنا تسامحنا وانسييك رحنا صلحنا تسامح وتصالح وبيننا عيش وملح والدنيا رمضان خليها على الله
اما حطاط والله انه كان معي بندق من صاحب شعره اعطانياه لكنه فر علينا
افتجعنا عليه وشلوه بالطائرة ونحن قلنا ذلحين باريجع واحد ثاني بعده
ولكن ولا شفنا صيفري
اما القبيله واصحبي رعها هبه زمان كان قبيلة ماذلحين مخراطه ومزناطة وكلام هواء وهراء
وين القبيلة ايام الشيخ فضل ذي هي حسينه
كانه زمان بقرة الى عند صاحبك وخلاص ومصافحة وعيش وملح
بس ملح من حق ايام زمان حالي ماشي هو مالح كثير
ماذلحين الملح ذي في عدن رعه مالح كتير كتير
والله يابو مافيش انا قدني اسال عليك كل يوم
من هذا ابو مافيش من هذا الكوكني
قالو لي شوفه خطير بس هذه الايام كانو تضاربو هو وواحد مشرف كبير
بس انا قلت لهم عمو كوكني رجال كبير ويتسامح وبانشوف هذه الايام رمضان وبانشوف كرمه حتى لو ماشو هو قبيلي بس راسه قوي يمكن يقبل بثور ولا ببقرة يافعية

اما صاحبنا صاحب شيكاغو انا داري يشتي يخلينا انا وانته نتضارب وبعدين هو يجي يفرع بعدما حنب لنا اناونته
رعه طرح هذه الخبارة وجالس يتفرج علينا
يمكن معه مكيف غالي من الاصلي
وماشي يدفع ايجار
ويمكن انه يجهز البندق للمقاتله رعني هذه الايام اسمع قراح من بعيد
خاف انه هو بيقرح جماع رصاصات الله يستر
خلاص عطل وخرب علينا الحراك
ياسمع ياعمو كوكني رعني صايم اروح ادور لي حبتين تمر وماء افطر
رضيوك عليك وابوه على نفسك في صنعاء واشرب لك ماء رع ماشي معاهم ماء حسين الله بس كل قليل لاتزيد من اكل الكدم لاتوجعك بطنك من السلتة والكدم
يامع الله وكوكني رضيوك عليك