وداع حكيم

[ابو عدنـان الحضرمي]

أليله الرأس ينقح ما معي شي نفس
وكيف يرتاح راسي قاضمين النفوس

إلي جنوب اليمن وإجحاف مقصدك بس
إلي بيوت الحريري في انتضارك جلوس
وقللهم حضرمي ومن مصابك يبس
الجسم رك والعظام الصالبه هي يبوس
كلما ذكرت الولد حكيم في الرأس حس

وطار نومي عيوني في فراشي يبوس
ياشبل ابن الأسد نورك مزيد قبس
والله من غدرهم نورك عليهم قبوس
وكل جنوبي حضر ودع ولأحد جلس
وقاتلين البراءة في المغارة جلوس

تستأهل العرس يا نسل الحريري لبس
كل الجنوب اجتمع في عرس زاهي اللبوس
تشريف غالي حضر خيال فوق الفرس
وزغردي يابلابل عرس يهني العروس
شهيد والشاهد الله يا اللئيم النجس
ذي تقتلوا طفل ياطغمة وأسوى نجوس
والله والله انه ضل لك يا النحس
في الصبح والليل قدامك بهائم نحوس

ودعائي من كل مجرم عد قمري غرس
وعد ما أسرابهم فوق البوادي غروس
لااذن الفجر بدعي عا رعاع الهيس
ذي عاشو العمر كله في الخساسه هيوس
إن تنجب الأرض ما تنجب حكيم القوس
في صدركم دوب وقته رمح طاعن وقوس
تستأهل الحب من شعبك ودق الجرس

إنذار لأهل الخيانة في فرشهم نعوس
(يجب ان يكون وداع حكيممشرف)))