من باطل الوقت / للشاعر الخالدي رحمه الله

[أبو عامر اليافعي]

[frame="4 80"]يا الله يا من بحالي والضمير اعــــــــرف ***ومــــــــا بقلبي ومــــــا في نيتي مخــــــفي


عبدك على باب عفوك وأنت به ألطـــــف ***اغـــــــــفــــــر لعبدك ذنوبه قبـــــــل يتوفي


والى الطريق أهدني من قبل لا أســـــرف***مالي غنا عــــــــن طلب عفوك ولا استكفي


رجائي بك خير يا من لا وعد ما اخلــــف ***لأكون مـــــن رحمتك مطــــــــرود أو منفى


وكن دفاعي وعوني حينــــما اضعـــــــف***فيك اعتصامي وذي ليك اشتكي ضعـــــــفي


إليك مـــديت يدي يا كريــــــم الكـــــــــف*** مـــــــــــــالي سواك الذي با مدله كـــــــفي


ليلة من البرد و الجـــــوع أمسي أتعطف*** و أصبحـــــت حاوش بحملي ذي على كتفي


حمل الثقل ذي جـعلني حن و أتلهــــــــف*** متى أرى مـــــــن يقـــــــــل لي لا هنا يكفي


مالي سواعد قوي أو جنب ذي يدهـــــــف*** ولا خـــــــلف يقــــــــــاوم من وقف خلـــفي


خلفي طــــــــــوابير قلة حافية تزحـــــف*** بعدي بســـــرعة هـــــــــدفهم يهدموا سقفي


برغم ما هم جمـــــــــــــاعة حاقدة طرف*** وناس ذي كانت بتر قــــــــــص على عزفي


ظليت منهم بمعــــــــزل رأس جيد أهيف ***أقول للقــــــــــلب لا صرفـــــك ولا صرفي


ذا صرف وقت العباد خلاني أتلطــــــــف ***خلـــق لي أظلاف واتعثريت في ظــــــــلفي


لا سامح الوقــــــــــت ذي لازال يتخــــلف*** لا ولـــــــــــع الـــــــنور لي كامـل ولا طفي


وكل ما قلت خفف يا زمن ما خـــــــــــف*** أو كــــــل مــــــا قلت با جـــــــرب وبا صفي


بشوف وان عاد وقتي والزمان اعـــــــيف*** من حيث مـــــا سرت أرى وقت النكد سعفي


حكمت وقتي ولكن ما عدل وأنصف*** صادق على حكم قاضي محكـــمة عـــــــرفي


الحكم ذي كــــــنت دائم مــــــــــنه أتخوف ***وأمسي من الخوف ساهر ماغمض طـــرفي


وذي بهم كنت واثق ما قضوا لي شـــــف ***ما حســــوا الجــــــــوع ذي حسيت في نجفي


لو قلت محتاج حاجه قالوا أتقشـــــــــــف*** قلنا قد الفقـــــر حاصل مــــــــــا معي قشفي


لا زاد كافي ولا ماء حلــــــــــو بأتنشف*** ولا مــــــــــعي مــا يوقيني ومــــــــــا يدفي


فقير لا كني أفضل منكم واشـــــــــــــرف ***ما غــــــــير الفقــــــــر لا شكلي ولا صنفي


وانتوا بلا حق ذا يبطش وذا يلهـــــــــــف*** وما قـــــــــصر يانعاج العامـــــــــري وفي


ذا شل وقره وأخر لف لـــــــــــه ذي لف*** وأنا أتفرج وساكت رغم عن انفي


ومن تولى على جبح العسل نظــــــــــــف*** والمضطـــــــهد للقمامة زاقر العــــــــــزفي


كم باتغيروا على ذي هــــــــو غشيم اخجف*** ظلمتوا الشعـــــــــب يا قهــــــــري ويالهفي


اشكي لمـــــــــن ما بحالي راع أو ارغف*** ظروف تحكم وأنا بحــــــــكــــم علي ظرفي


من باطل الوقت كــــــــــم باحن واتاسف*** ذي كـــــــــــل ما قلـــت وجهك سابني واقفي


سلط علينا لفالف خارجه عـــــــــن صف ***فيه الجماهـــــــير مصفوفة وعـــــــن صفي


لفلفهم الوقت لي مـــــن حي ما لفــــــــلف*** واحتل ذا منـــــــهم وكـــــــــري وذا كهــــــفي


ما حيلتي ذا أو كيــــــــــف بااتصرف ***عبر زماني وعـــــــــاده ما قضي شفـــــــي


عاد العرق من جبين الخالدي مـــــــا جف*** وذاك وقتي مكانه ما ســــــمح واعفي


لازال شاهــــــر عليا سيفه المرهـــــــف*** رضا لـــــــــمن حاولـــــــوا بايكظموا لقفي


ذا ما جعلني زماني ضــــــــــده أتعجرف ***اكبر حنق مـــــــــن صبي ربيت في حدفي


راعي جعلته على كمن منيب اعكــــــــــف*** وحارسي باب داري عسكـــــــــري عكفي


لكنه أصبــــــــح يربي لي غنم ألــــــوف ***ما عاد خلت لنا في المزرعــــــــــــة علفـــــي


هذا وما عاد بعد اليوم با تحصف*** لي حق أقول الصراحة دون ما اخـــــــــفي


ولأي دكتور ما اشــــــــتي علتي تكشف ***طبيبي الخــــاص بايشرف على كشفــــــــي


ذكر النبي عد ما فوج الصبا رفـــــــــرف ***صلاة تغشي محـــــمد كامـــــــل الوصـــف


وكل ما يقرا القارئ في المصحـــــــــــف*** ســــــــور وآيات مـــــــــن حرفاً قفا حـــرف[/frame]

[ابن الجنوب العوذلي]

رحمك الله يا بولوزه

اخي ابوعامر دمت بخير والله يعطيك العافيه

[علي شايف الحريري]

رحم الله شاعرنا الكبير الخالدي سلمت الخي ابو عامر على النقل

واذكر للخالدي حين قال

نحنا جنوب اول وانتم بو يمن غنم بلا راعي همل في كل واد
لانا مع لعوج ولانا صاحبه ذي ماتسانا با تسانيه الصعاد