والقايد الأعلـى أمـر شـرب الميـاه المالحـه=يامؤتمركيف الخبـر ذا جـد منّـه أومـزوح ][ج

[حلاب الحديد]

أعزّائــي روّاد هذا الصرح الشامخ
سلام الله عليكم
وطبتم وطاب ممشاكم وتبوئتم من الجنّةِ مقعدا
يسرني أن أضع بين ايديكم ردي المتواضع على قصيدة شاعر الشعب
الشاعر القدير أبــوحـــمــدي الـيـافـعـي

المشاركة الأصلية كتبت بواسطة ابوحمدي اليافعي

بسم الله الرحمن الرحيم
اخواني الكرام رواد المجلس اليمني يسعدني ويشرفني
بان ابدع هذي المساجله مع الاخ الغالي والمناضل رائد القاسم( حلاب الحديد)
اتمنى ان تنال اعجابكم الجميع

[poem=font="MS Dialog,5,darkblue,normal,normal" bkcolor="transparent" bkimage="backgrounds/23.gif" border="groove,4,darkred" type=0 line=0 align=center use=ex num="0,black"]
يقول ابوحمدي صفه عند الخيول الجامحه=تعدو متى ماشافه الرايات بالساحه تلوح

فرسانها تغشى الوقيعه مرعبه متسامحه=تحسم معاركها وتبداء في مواصلة الفتوح

من عادتك ياهاجسي تظهر بصوره شاطحه=يحق لك ياصرح شامخ تعتلي كل الصروح

الاصل ثابت والفوارع للسحايب ناطحه=الصادقه والطيبه من راس ابو يافع تفوح

والساع ياهدهد سباء فرصه امامك سانحه=تحمل رساله عاجله بسرار كاتبها تبوح

عنوانها معروف يو إس إيه بصوره واضحه=لاحيث ماراح الشعيبي صاحبي لازم تروح

معرفة رائد عندنا مكسب وصفقه رابحه=وكلمته بلسم واحلى من عسل نوب الجبوح

حيا على خير العمل وآمين بعد الفاتحه=كلن على دينه بجامع ضلت ابوابه رزوح

من صالح الجمهور يسمع كلمتي من صالحه=لسان حالي يحمل افراحه وهمه والطموح

صوتي صداء صوت الجماهير الجموع الكادحه=شعباً حياته في جبين الدهر مكتوبه نزوح

لاحول لاقوه سعيده والسعيده طايحه=تحت الحضيض الجسم والراس الشقي باعلى سفوح

ياشعبنا لاتسمع اصوات الوشاة المادحه=اسمع نداء من بالشفافيه تسلّح والوضوح

لو تستمع "صالح" خسارتنا خساره فادحه=لسان مثل الموس ياساتر معه والعقل دوح

امام عينه ناقصه كفه وكفه راجحه=لاحول عاده زاد من ضغطي وسبب لي قروح

جازئ حسنتي سيئه والطيبه بالجارحه=صالح عماء عيني وزود جرحي الدامي جروح

يضحك ويبكي دمعة التمساح بعينٍ واضحه =انا الذي يقطر دماء قلبي ومن شره انوح

عشرين زايد عشر والنفس الخبيثه طامحه=نفسه بقاع الارض يحكمها ويبلغ عمر نوح

ماهو من الحكمه اقول اليوم مثل البارحه=شتان لاكن واجب التذكير من باب النصوح

لولا ينابيع المسيله والبنوك المانحه=مانام صالح داخل الفله وانا فوق السطوح

رفض يصلي على النبي تقرح عليه القارحه=لوماتعشيته عشئاء باكر تصبحته صبوح

اربع وعشر اعوام والست العفيفه جانحه=مترغبه عودت فتاها فارس الخيل الجموح

ماخافها صوت المدافع والدروع الكاسحه=ردفان حبلى واحمه في بطنها غالب رجوح

قافلتها تمشي ولاتخشى الكلاب النابحه=وانا مع الوحده جنوبي وحدوي قلبن وروح

يارائد افرح يوم ماتسمع نواح النايحه=ذي ماعرف قدري عليا عار باجحه جحوح

صلو عدد ماضلت اصوت البلابل صادحه=على رسول الله قرت عيني الوجه السموح[/poem]

والآن اضع بين ايديكم جوابي المتواضع



[poem=font="Traditional Arabic,6,white,bold,normal" bkcolor="transparent" bkimage="backgrounds/22.gif" border="groove,4,sienna" type=0 line=0 align=center use=ex num="0,black"]

حيا بعـرف العـود والكـاذي وأطيـب رايحـه=عطور ينفح من مسافة ميـل ريحتهـا تفـوح
يامرحبـا بالناخبـي عـالأرض مانـا طارحـه=بل فوق راسي باطرحه عبر الزمن يبقـى ردوح
محسوب عندي بندقي من فوق جنبـي شابحـه=وهكذا لاحيـث انـا بـاروح جنبـي بايـروح
مشكور يابن اليافعي علـى الحـروف النافحـه=على الله اقدر رد بالمعروف لا الفرصـه سنـوح
خليت أفكـاري بهـا بيـن الكواكـب سابحـه=يعطيك ربي العافيه ياخيـر متعاطـف نصـوح
والنفـس منهـا ياصديقـي مطمئنـه مارحـه=قد زحت فيها كل أنـواع الكـدر عنّـي زحـوح
والساع باندخل بصلب الوضع ذي لـي فاتحـه=ماقال ابوحمدي على ذا الوضع ماحد به فلـوح
أما الوطن ياصاحبي صاحـة عليـه الصايحـه=والشعب من ما حل به قاعد على نفسـه ينـوح
الخبز وحدة بالقـدح واربـع ببطـن القادحـه=بل عد وغلط كم بصنعـاءذي يبيعيـن اللحـوح
لافادهـم تشطيـرنـا ولا التـوحـد فالـحـه=قد كلهن سكين في شعب اليمـن باقـي ذبـوح
ماشي مـن الدولـه وفـا ولاخططهـا ناجحـه=والشعب كم بايحتمل كل ماغلـط قايـد صفـوح
تمشي اليمـن متعثّـره وفـي خطاهـا راتحـه=في وقت به بعض الدول فوق القمر تجي تـروح
النفس يابن الناخبـي مـن الحكومـه ضابحـه=السر لازم بوح به ، والسر ماقـط فيـه بـوح
في حقّنـا ياصاحبـي لهـم فضايـح فاضحـه=مصّو المواطن والوطن كالشاه ذي تبقى منـوح
ياريـت عزرائيـل يتنـزل ونفسـه طافـحـه=يشـل ابوهـم كلّهـم والايفقّحـهـم فـقـوح
مايستحوا من شعبهـم ذوي البطـون الدالحـه=من فعلهم بالصوت باصيّح " دبوحـي بالدبـوح"
إقسم بعـزّة خالقـي هـذا الرجـل ماسامحـه=رأيي ورأي الشعب مهما الشعب في طبعه سموح
لا الشعب صافح لـه بيـد ولا أنـا باصافحـه=لاصلـح فيمـا بيننـا ولاتصالـح أو صُلـوح
حقي وحق اهل اليمن لاخلف ظهـره راضحـه=هذا بشر والاحجر ؟؟هذا مدر أو عـود لـوح ؟
من فوق ظهر الناس لايمشي بخطـوه شاطحـه=وكيف يشتوا الشعب نحو السلم أن يبقى جنـوح
شلّحت قادات اليمـن كالثـوب ذي نـا شالحـه=ماشي بهم واحد مثقّف ، كلهـم قـاده "طبـوح"
قد قالها شعب اليمـن (هـذا العـدو باكافحـه)=ثوره جنوبيه على الفاسـد نجوحـه بالنجـوح
من شدة الفقر اصبحت وجـوه شعبـي كالحـه=والجوع في أرض اليمن سابت علاماتـه لتـوح
والقايد الأعلـى أمـر شـرب الميـاه المالحـه=يامؤتمر كيف الخبـر ذا جـد منّـه أو مـزوح
ياناخبـي قـادة بلدنـا ياعـزيـزي طالـحـه=ماشي ببوهم خير والخربان ذي جـده صلـوح
ماشي لهـم خطـوه خطوهـا بالتقـدم فالحـه=كُلما تهز نود الشمالـي قـادة الدولـه تطـوح
ومجلـس النـوّاب أعضائـه تـرى متقاوحـه=وكل واحد منّهـم كالثـور ذي طبعـه سـدوح
لاعند مـن بانشتكـي مـن الأيـادي الذالحـه=ماشي مراجع باليمن ، لاعند مـن لازم نـروح
خيل اليمن تمشي ولاكـن ذات خطـوه كابحـه=أين الخيول السابقه ذي لامشـت تقـدح قـدوح
قـادة بلدنـا الأولـه كانـت معانـا ناصحـه=تشتتوا في كل دولـه بيـن شـارد أو نِـزوح
وكيف نسهن خير من قـاده بعيـده نازحـه ؟=صرنا ضحايا بين هذي القـوم مافيهـا طمـوح
كانت بلدنا مُنتـزه ، قصـد الوفـود السايحـه=وكل زاير كـان يأتـي لليمـن قاصـد يسـوح
والآن أول ماتصـل تلقـى أمـامـك لايـحـه=تقول : عفواً منّكم هذا البلـد صابـه شحـوح
إلى هنا نفسي ببعـض الامـر كانـت ناضحـه=أمور ياما كلّفـت نفسـي ونـا نبقـى ننـوح
باذكر شفيع الخلق من نـار السعيـر اللافحـه=صلى عليك الله يامـن عرفـك الطيّـب يفـوح
صلوا معيا عالنبـي ياهـل الوجـوه السامحـه=اعداد ماشن المطر ومست في الـوادي سفـوح [/poem]

[علي شايف الحريري]

سلمت يمناك اخ رائد

رووووعه بكل ما تحمله الكلمه من معاني

لاتحرمنا جديدك