بداية وصل تحية للموقع من الشاعر الكبيرالسليماني

[قناص عطفة آل فطحان]

اقتباس : المشاركة الأصلية كتبت بواسطة قناص عطفة آل فطحان [ مشاهدة المشاركة ]

اليوم حيا بالبطل بين اخوته ماحن بوخمسين ومساء له صهيل
حييت بك وانا فــرح في جايتك ياتـاج راسي ياشقــر ماله مثيــل
حيا ببو سلطان مارش المطرومست سيوله سيل يأتي بعـد سيل
حيــت معــي مــودية وأبيـن كلها وعطفـة الفطحان والحد الأصيل
حيا السليماني وحيا هاجسه هاجس جنوبي حر شامخ مش ذليل
سخر قصيــده للجنــوب الغاليه يدعــم بها الثــوار جيلآ بعد جيــل
ثــورة جنوبيه لـدحــر المعتـدي وامتدت الثورة بطـول المستطيـل
من مهــرة الابطــال لاساحل عــدن وحــدة جنوبيه قــوية ماتميـل
هدفهــم التحــرير نيــل الحــرية وغيــر لستقــلال مـاعده بـديـــل
لامؤتمر يبـقى ولااصلاحي بقي ولا اشتـراكي دي حكمنا بالصميل
احنا الحــراك الحـر قــوة ضاربة مانتبع الاوغاد والخازي العميـل
احنا رجــال العــز واهـل الاوله ماهمنا التحريف في شاشة سهيل
قـولو علينا ماتقولو ياغجــر لن يخضع الشــامخ لحاشد او بكيـل
ابناء الجنوب الحر ماتخضع لحد شف ماخضعتا لليزابث والرعيـل
دي غــادرت والدمــع ينــزل منها بعد الخســـائر والهزائم والعـليـل
هذا ولـك مني تحيـة عـاطـره يبن السليماني المــرجب والأصيـــل
فــرحان بك ومـن الفـرح رحبت بك مليـون في مليار في حقك قليــل

ــــ
تحياتي لك يالغالي ابوسلطان
تلميذك ابو مقبل الفطحاني

المشاركة الأصلية كتبت بواسطة محسن علي السليماني

الله يحيي كل من حيا بنا *** حيا بروحي ماعلى روحي بديل
ملا ابوها من شروره لابنا *** من ساحل المهره الى السوق الطويل
حيا بباني صح يده مابنا *** والله وربي ياالاصيل انك اصيل
والثانيه شف كلماالمغرب دنا *** عيون صيره دمعها سيال سيل
تشكي فراق الاهل تبكي عالظنى*** ونارها في جوفها تشعل شعيل
بتقول ياالخمس الغواني من لنا *** لومايعزونا اهلنا ايش البديل
بتقول هلي ياالسعاده والمنى *** زادالالم زاد النكد زاد العويل
زاد الغلا زاد المرض زاد العنا *** ومستحيل الحال هذا مستحيل
زاد البلا ياناس واهابوي انا *** لما متى وحنا فقط قيله وقيل
نزرع وهم باينظروا محصولنا *** صادق وبن لحمر وشله هنذويل
قولوا لهم ماالعام ذا حان الجنا *** يابالرضاء والا وربي بالصميل
لغير ربي هام راسي ماانحنا *** قد مات ابو القاسم وموسى والخليل
كاس المنيه مثلما كاس المنى *** انا اعرف ان التاليه عابر سبيل
تحياتي لك واعذرني لان قدرك اكبر ولكني اعرف ومتاكد كمان ان قلبك كبير
ولو نقص عذري وشعري وقلة حيلتي فارجو منك العفو والسماح تحياتي لك
اخيك محسن علي السليماني ابو سلطان

استاذي الغالي والعزيز وشاعرنا القدير

محسن علي السليماني ابو سلطان

صح لسانك كفيت ووفيت ونشهد مايجي منك اي قصور

بيض الله وجهك وحفظك ورعاك ماقصرت فديت راسك

والله ان قدرك عندي أكبر واعذرني وسامحني انت على

قصيدتي الترحيب مهما قلت فيك لن اوفيك حقك يالغالي

بارك الله فيك وحفظك ورعاك ووفقك

كل عام وانت وابناء الجنوب بخير ونعمه وحرية والاستقلال بأذن الله قريب