عدني دلق يافعي والضالعي هارب ومسكه ردفاني والكوكني يتفرج

[alqamli]

كل هذا حقد على يافع ههههههههههه الله يعينك على ما ابتلاك

ويافع اكبر من ان يتلكم فيها احد والي ما يعرف يافع يحاول يتذكر اسمه الرباعي ولا الخماسي وبعدين يجي يناقشني؟

[الرصاصة]

المشاركة الأصلية كتبت بواسطة alqamli

كل هذا حقد على يافع ههههههههههه الله يعينك على ما ابتلاك

ويافع اكبر من ان يتلكم فيها احد والي ما يعرف يافع يحاول يتذكر اسمه الرباعي ولا الخماسي وبعدين يجي يناقشني؟

ياراجل .. !!

[الرصاصة]

الحقيقة بعض الردود لا أفهم ماذا تريد !!
تشعر كأن أصحابها قد قرأوا موضوعاً آخر ..
ياعمنا الكوكني وسع صدرك .. فمواضيعك هذه فقط للنُخْبة ..
أما أصحاب ذوي الفكر المحدود فلا تعتب عليهم ..
ورغم ذلك لا أشكك في حبهم للجنوب
أعذرني لخروجي عن صلب الموضع ..
كُنْ بخير وإن شاء الله أشوفك حريو .. وقد الحريوه عندي إش رايك في الملكة اليزابيث الثانية ملكة بريطانيا ..
بستنى الموافقة ..

[عبدالله السنمي]

هذا الموضوع مهم جداً فندعو الجامعة العربية ان تنفذ هذه الشروط بصراحه موضوع له اهمية لان الموضوع له علاقة بالأزمة الاقتصادية

ياصاحب الموضوع رح اشرب لك شاي كرك عدني عشان يرجع لك عقلك

الكاتب : جنوبي من شيكاغو

[يافعي جنوبي]

نقد بالصميم لمن لديه عقل راجح وسليم

الله يكون بعون الجنوببين والاسراء واسر الشهدا

ونتمنى عى قادة الحارك النظر بعين بصيره للجنوب الوطن والانسان

شكرا يا عمنا

[الكوكني ابو مافيش]

المشاركة الأصلية كتبت بواسطة يافعي جنوبي

نقد بالصميم لمن لديه عقل راجح وسليم

الله يكون بعون الجنوببين والاسراء واسر الشهدا

ونتمنى عى قادة الحارك النظر بعين بصيره للجنوب الوطن والانسان

شكرا يا عمنا

الله يعينهم ويتغمد الشهداء برحمه ويسكنهم الجنه مع الانبياء والصالحين

[ابو تميم]

يا اخواني اهداو الي كتب المقال يريد الفتنه فقط

فلا يجب ان نرجم كل كلبا" عواء المدسوسين كثير ويريدون

شرخ الصف بين ابنا الجنوب وخصوصا" ردفان ويافع والضالع بعد ما فشلو

في بقية المحافضات احنا كلجسد الواحد ابنا الجنوب ويجب ان نبعد العصبيه

وما يهمنا سوا تحرير ارضنا المحتله ونوجه قوتنا صوب المحتل وليس الى انفسنا

[الكوكني ابو مافيش]

المشاركة الأصلية كتبت بواسطة ابو تميم

يا اخواني اهداو الي كتب المقال يريد الفتنه فقط

فلا يجب ان نرجم كل كلبا" عواء المدسوسين كثير ويريدون

شرخ الصف بين ابنا الجنوب وخصوصا" ردفان ويافع والضالع بعد ما فشلو

في بقية المحافضات احنا كلجسد الواحد ابنا الجنوب ويجب ان نبعد العصبيه

وما يهمنا سوا تحرير ارضنا المحتله ونوجه قوتنا صوب المحتل وليس الى انفسنا

صحيح انا اريد الفتنه انته ذكي جدا انا اهنيك على عقلك اسمح لي اقول لك انته عبقري
بالنبسه لموضوع نرجم كلب يا اخي انا اش ارد عليك على الجمله هذه شوفنا مؤدب محترم ولكن محتار اش ارد عليك واقول لك الله يسامحك ؟؟؟؟ يعني انزل الى مستواك وادخل معاك في مهاتره ونرجع الموضوع خربشه اطفال فمادح نفسه كذاب وانا مسكين الله الله يعينك على نفسك بالنبسه للصف الي الكوكني بيشرخ ابوه اش هو حبه حبحب بينشرخ مالك معك عقل او انته اهبل بالله اضحكو للاخ ابو تميم بس نصيحه مني لك لوجه الله لا تتكلم على انسان ماتعرفه يمكن لو تعرف من انا تؤطى راسك من الخجل وبعدين ارضك المحتله انا بيني وبينك ماليش ارض على شان كذا بقول لك ارضك بتحررها في اش بالعصبيه وتقول للناس كلاب ؟؟؟ الخطاء مش منك بيني وبينك كثيرين من شاكلتك هذه ثقافتهم وعلى العموم اذا تشتي نصيحه مني لوجه الله ببلاش اشتيك تقراء الموضوع ثاني مره وثالث مره وانته بتفهم من الموضوع وبعدين لعلمك ردفان والضالع لم يفشلو ولن يفشلو وكل الجنوب لم يفشل يمكن يفشل في حاله واحده اذا فيه قياده بنفس تفكيرك هنا عمك الكوكني يبصم لك بالعشره انهم بيفشلو
وشوفنا احترم نفسي كثير لانه رحم الله امرؤا عرف قدر نفسه وشوفنا اجلس في مقاهيه زكوه واقول انذكه وعارف الحركات نص كم كلها وانصحك نصيحه ثانيه في مثل يقول لا تكثر الهنف تنف ترخص لو كنت غالي

[أبو عامر اليافعي]

والله ياكوكني اول ماشفت العنوان دخلت حامي اريد انتف شواربك .
كيف تقول ان واحد عدني دلق يافعي ونحن قبائل حديد يقرط حديد وانتم مالكم بالقبيلة وحابين المدنية والانفتاح على العالم لما جاء فتح مدينتكم عمك علي والان تحملوا الفتوحات الاسلامية طالما وانتم تحبون تنفتحوا وحتى السجن حقكم اسمه الفتح .
ايش حكاية الفتح والانفتاح والفتوحات مخيمة عليكم .
المهم قرات الموضوع وعرفت ان القصة كلها فرة وهربة وقلت الحمد لله وهدات شوي وانا اتابع الردود حصلت واحد يافعي ينخط نخيط وانا ما اخفي عليك اخذتني الحمية اليافعية ونويت عليك الشر المستطير وقلت لنفسي يالله تابع الردود عشان يفتهم الخبر من راسه لارجوله وحصلت المدير العام يقول لاتكون عنصري يابو نخيط وانا استحيت لعاد يقولوا عنصري وبطلت اللي كنت ناوي عليه .
المهم ذلحين كيف نسوي بالدحابشة فرقونا وخلوا كل واحد يخاف من صاحبه وحتى ونحن بالخارج مانتصل ببعض لان كل واحد خايف يكون الثاني جاسوس عليه ولما حد يسالني انت انفصالي ولا وحدوي افكر شوي واقول والله لازم من المخارجة وبلاش زنط وانت تدور لك على بطنك ورزق عيالك وابعد عن الشر وغني له واجاوب اقول انا وحدوي واللي يسال يقول والله مانت جنوبي اصلي يمكن اصلك من بلاد ثانية اقول له انا يافعي يقول لي هاه عرفت الان انكم يقولوا ان اصلكم يهود ولازم نطهركم من الجنوب .
والان ياصاحبي ماحد يثق بالثاني والشكوك بالنفوس كبيرة مع انه نحن كلنا تحت عود اخضر ثقيل لكن للحين مافهمنا .
وانت تقول كله لعب كشاف وكيف بايكون الكشاف هذا وهذه الحالة .
وبعدين انت مالك والقيادات التاريخية للجنوب شوفك تدخل نفسك بدهاليز خطيرة لان اللي تكتبه فيه تحريض واضح عليهم وهم ماصدقوا يحصلوا مهرة بعد السكنة وانت جاي ذلحين تنكوش الكلام .
اعقل ولا با نجهز لك صميل اخضر على طول ظهرك .

[الكوكني ابو مافيش]

المشاركة الأصلية كتبت بواسطة أبو عامر اليافعي

والله ياكوكني اول ماشفت العنوان دخلت حامي اريد انتف شواربك .
كيف تقول ان واحد عدني دلق يافعي ونحن قبائل حديد يقرط حديد وانتم مالكم بالقبيلة وحابين المدنية والانفتاح على العالم لما جاء فتح مدينتكم عمك علي والان تحملوا الفتوحات الاسلامية طالما وانتم تحبون تنفتحوا وحتى السجن حقكم اسمه الفتح .
ايش حكاية الفتح والانفتاح والفتوحات مخيمة عليكم .
المهم قرات الموضوع وعرفت ان القصة كلها فرة وهربة وقلت الحمد لله وهدات شوي وانا اتابع الردود حصلت واحد يافعي ينخط نخيط وانا ما اخفي عليك اخذتني الحمية اليافعية ونويت عليك الشر المستطير وقلت لنفسي يالله تابع الردود عشان يفتهم الخبر من راسه لارجوله وحصلت المدير العام يقول لاتكون عنصري يابو نخيط وانا استحيت لعاد يقولوا عنصري وبطلت اللي كنت ناوي عليه .
المهم ذلحين كيف نسوي بالدحابشة فرقونا وخلوا كل واحد يخاف من صاحبه وحتى ونحن بالخارج مانتصل ببعض لان كل واحد خايف يكون الثاني جاسوس عليه ولما حد يسالني انت انفصالي ولا وحدوي افكر شوي واقول والله لازم من المخارجة وبلاش زنط وانت تدور لك على بطنك ورزق عيالك وابعد عن الشر وغني له واجاوب اقول انا وحدوي واللي يسال يقول والله مانت جنوبي اصلي يمكن اصلك من بلاد ثانية اقول له انا يافعي يقول لي هاه عرفت الان انكم يقولوا ان اصلكم يهود ولازم نطهركم من الجنوب .
والان ياصاحبي ماحد يثق بالثاني والشكوك بالنفوس كبيرة مع انه نحن كلنا تحت عود اخضر ثقيل لكن للحين مافهمنا .
وانت تقول كله لعب كشاف وكيف بايكون الكشاف هذا وهذه الحالة .
وبعدين انت مالك والقيادات التاريخية للجنوب شوفك تدخل نفسك بدهاليز خطيرة لان اللي تكتبه فيه تحريض واضح عليهم وهم ماصدقوا يحصلوا مهرة بعد السكنة وانت جاي ذلحين تنكوش الكلام .
اعقل ولا با نجهز لك صميل اخضر على طول ظهرك .

حياك الله يا ابو عامر والله بيني وبينك شوفنا بلا شنبات احلقه أول باول لأنه بيني وبينك لو كانت تفيد الشنبات كان فادنا شنب هيثم قاسم في حرب أربعه وتسعين من يومها شوفنا حلقت شنبي وخليته ملط ومش انته دخلت حامي بيني وبينك وقده اللعب كشاف كل الأعضاء دخلو حامين وعاده تم تغيير العنوان لأننا حطيته عنوان قوي وفيه قليل عوجه بس ما افتهمش للجماعة واجت على راسي على قوله جنت على نفسها برااقش الي اتهمنا أننا كلب والي اتهمنا أننا افرق الصف والي والي وعينك ما تشوف غير عمك الكوكني يضحك وبيني وبينك القات اليوم بعشره الف ريال لاننا عارف انه بيقع يوم حامي الوطيس وانا عارف انكم قبائل وانتم اصل قبائل حم ير والنعم فيكم ما اقدر أقول في أصلكم شئ ومن حيث ان أصلكم يهود هذه ديانة كانت منتشرة في الجزيرة العربية وشوف قصه أصحاب الأخدود يقول تعالي ::: وَالسَّمَاءِ ذَاتِ الْبُرُوجِ (١) وَالْيَوْمِ الْمَوْعُودِ (٢) وَشَاهِدٍ وَمَشْهُودٍ (٣) قُتِلَ أَصْحَابُ الْأُخْدُودِ (٤) النَّارِ ذَاتِ الْوَقُودِ (٥) إِذْ هُمْ عَلَيْهَا قُعُودٌ (٦) وَهُمْ عَلَى مَا يَفْعَلُونَ بِالْمُؤْمِنِينَ شُهُودٌ (٧) وَمَا نَقَمُوا مِنْهُمْ إِلَّا أَنْ يُؤْمِنُوا بِاللَّهِ الْعَزِيزِ الْحَمِيدِ (٨) الَّذِي لَهُ مُلْكُ السَّمَاوَاتِ وَالْأَرْضِ وَاللَّهُ عَلَى كُلِّ شَيْءٍ شَهِيدٌ (٩) إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ (١٠)
ففي الايه الكريمة تفسير لكونه كانت في جنوب الجزيرة العربية الديانة اليهودية وأصحاب الأخدود هم منا وفينا
بالنسبة لموضوع أننا في الخارج شوفنا في الداخل وما فيش مشكله اذا تشتي رقمي بكتبه لك هنا قدام الناس ما عنديش مشكله لكن انته بتتصل بي لأننا ما فيش معي ميزانيه اتصالات دوليه وبالنسبة لنا أصحاب عدن مساكين من فاتح لفاتح ربك يعينا بس لكن ان شاء الله هذا الواجي بالطريق قده أخر فتح لأننا ما نقدر على أكثر من كذا بنهاجر بعدها إلى الخارج وبنطلب لجو سياسي وبيني وبينك قده موضة الأيام هذه روح لك أوقف في المنصة في أي فعاليه او جمع عيال حافتكم وصلح فيهم خطاب وصوره فيديو وتكلم وسب للتوله قليل وبعدين سافر إلى خارج اليمن واطلب لجو سياسي بحكم انك كنت مناضل كبير وهب لهم صورك وبس انتبه خلي واحد يصورك مضبوط وخليه يكثر من الصور وقول لهم انك مستهدف ومطارد من الفاتح العظيم
والله شوف يا اخي شوف اللعب كشاف انته تقول قياده تاريخيه وبيني وبينك وبدون زعل اش من تاريخ بيني وبينك تاريخ جدتي احسن من تاريخهم سواء الشخصي او السياسي وبعدين هولاء عديمين الخبره ماتشوف كيف هم الان مشتتين وحالتهم بالتنك وبعدين هولا ما فيش معهم علاقات مع العالم بدون اصدقا او معرفه يعني خرجوهم الجماعة من الباب انتم بالحراك تدخلوهم من الطاقة بعدين انا مش قصدي أننا أحرض الله المستعان بيني وبينكم انا اكبر محرض لكن بالحق وانتم معاكم عقل يميز بين المعقول والغير معقول وكل واحد حر في عقله على قوله الاخوه في مصر الشقيقة كل واحد ينام على الجنب الي يريحه بعدين الكوكني واحد يعني اش هم بيخافو من الكوكني بالعكس انا خائف من القيادة التاريخية خايف اذا يرجعو للتاريخ ويصلحو بي مثل ما صلحو في تاريخهم القديم وبيني وبينك أحسن لهم يشوفو لهم شغله غير السياسة لأنهم ما يصلحو لحاجه او انا معي لكم حل يا ابناء الجنوب بتاخذون الحل من عمكم الكوكني بنفتح لكل سياسي قديم دكان مواد غذايه مش ذهب او ملابس على شان انا قدنا متأكد انه أخر ألسنه ما بتحصلون راس المال بيفلسون واذا نجحو وجابو مكسب نرجعهم ثاني مره ونقول صح هولاء قياده تاريخيه يالله جمعو تبرعات مليون ريال يمني وافتحوا ربعه دكاكين مواد غذائيه وسلموهم من بعد بكره وشوفو النتيجه ألسنه الجاية والحراك قده شغال لانهم لا يهشون ولا ينشون ماشي بيوقف الحراك على ضمانتي وشوف الجيل الشاب يقدر يتحمل المسئوليه شوف بهب لك مثال صغير الدكتور عدنان علي سالم البيض خرج من عدن بالملابس الي فوقه وألان معه شركه كبيره في الأمارات راس مالها بالملايين تعرف ليش نجح لانه شاب وخليه يفتهم لكم الموضوع خاص بالشهداء والجرحي لا احد يقول الكوكني شف او قال حاجه