العميد السعدي في مكه والمشير الكوكني في موزنبيق قاق وين بن فريد والربيزي

[ابورفيف]

الكنونكي رمضان كريم وعمره مقبلوله باذن الله

انته والسعدي بس انت متاكد انك بمكه لاني اعرف انك بمكان اخر ؟؟؟؟

[الكوكني ابو مافيش]

المشاركة الأصلية كتبت بواسطة استبرق

وانا اقول فين اختفاء الكوكني مع رمضان طلع عندنا وانامش عارف.

شف ياكوكني هذة افضل خطوة تقوم بها هذة السنة وبصراحة العميد السعدي كلنا يدور علية بس مالقينا له عنوان..
المهم انتم الان في بيت الله الحرام والنضال هنا يكون بالدعاء والصلاة وايضآ ولكونكم محسوبين على القيادات الجنوبية
نريدكم تتحركوا ايضآ على مستويات اخرى لكون القيادات قريب منكم ومش عيب تطلبوا مقابلتهم وتشرحوا لهم الوضع بالتفصيل.

المهم نتمنى لكم عمره مقبولة وذنب مغفور وسعي مشكور.

شوف السعدي جنبي يضحك ويقول ربك يغفر الذنوب

[همام شبوه]

طيب جيب لنا القصة كلها حق العمرة ياكوكني العميد قبل ركن الكعبة لكن انت رحت تبوس على مقام ابراهيم ما احد الا انت وواحد شيعي تماسكتو على المقام شوف السعدي مايحب البدعة وقد قالك قبل الطواف .

خواتم مباركة وعمرة مقبولة لك ولسعدي وانتو من السابقون ونحن من الاحقون

[شبواني بحر وبر]

تقبل اللة منكم .
بعدين انتة لي سنوات واريد تعرف عليك وانت رافض وانا متحفظ والا كان التقينا في مكة وتشرفنا با العميد السعدي وخصوصا اني اعتمرت قبلكم باربع ايام.
كان معي صاحبي شاف واحد وشبة بة على عبدوة جندي هههههههههه ويدعو اللة العالي القدير بااخراج الجنوب من ازمتة.
. منظر بيت اللة الحرام بديعا حفظ اللة هذا البلد الامين.

[عميد الحالمي]

خواتم مباركه وكل عام وانتم بخير
عمرة مقبوله

[البكري ابوقاهد شعيفان]

الله يتقبل

تهناكم العمره

[العميد علي محمد السعدي]

المشاركة الأصلية كتبت بواسطة الكوكني ابو مافيش

السلام عليكم ورحمه الله وبركاته

خواتم مباركه على الجميع

العميد السعدي في مكه والمشير الكوكني في موزنبيق قاق وين بن فريد والربيزي


اتصلت على صاحبي وصديق الطفولة طبعا طفولتنا ايام النضال من قبل ما يخرجون لنا المناضلين الجدد العميد السعدي ابارك له وصوله الى مكه المكرمه وقال ياكوكني تعال با نسوى العمره انا وانته وفعلا تواعدنا وتقابلنا في مدخل مكه اجيت والعميد منتظرنا في مدخل مكه ومكتوب ادخلوها امنين وقال هاه ياكوكني كيف نتوكل على الله قلت له توكلنا لكن اهم شئ صفى قلبك ياسعدي وبطل حشوش قال انا قلبي لبن ياكوكني انته الي قلبك اسود وعقارب سود ,, طلعنا التاكسي في الاتجاه الى بيت ابراهيم عليه السلام ووصلنا الى باب الحرم ونزلنا وقال لي السعدي ياكوكني حاسب التاكسي قلت له مالك ياسعدي اش معي بنك من فين بحاسب انا قال ياكوكني راسك بالدسم حاسب انا اجيت من اليمن طفران منتف والهندي يصيح فوقنا مايدريش اننا قيادات كبيرة يقول صديق مرور بسرعه اش في حرامي انته وانته ,, انا تقدير للموقف ومش خوف من الهندي لانه الهندي ديته تفله من عمه الكوكني ,, وخاصه اننا انا والعميد قبائل ننتمي الى قبائل ولنا تاريخ عريق ونرجع الى اسر معروفه بتاريخها النضالي (( مش سارقين مهره )) اعطيت الهندي العشره الريال ودخلنا الى بيت الله انا والسعدي ويا روعه المنظر اول ما دخلنا الحرم السعدي يده على الشنطه ( رابطها فوق صدره ) قال انشرح قلبي ياكوكني قلت له ياعميد انشرح قلبك او خفت انه الفلوس انسرقت عليك في الزحمه قال ياكوكني خلينا نعتمر المهم بدانا في الطواف ومع الزحمه تفارقنا في الطواف الثالث وانا ادور وين اختفى عليا السعدي كنت خائف عليه انهم خطفوة لكن في الطواف السادس شفت السعدي ماسك في الكعبه وداهفت بين الناس الى ان وصلت عنده وسمعته يدعى ويقول اللهم انا اسالك ان تفرج عن شعب الجنوب ,, من حكام الجنوب ,, اللهم اهدى الكوكني وخلينا انا رئيس والكوكني الحارس حقي ,, وانا هجمت عليه قلت له مالك ياسعدي مش كذا حتى في مكه تشتي تكون رئيس ,, وجا فوج من المتعمرين وجا واحد عبد ودهف السعدي الى ان كان بيقرح له الجشايب حقه ,, كملنا الطواف على الكعبه ورحنا الصفاء والمروى .. وكنت اشوف الى عند السعدي واضحك ويقول لك مالك قلت له هنا هنا ياسعدي قال اش في هنا ياكوكني مالك با تدوخ بي قلت له هنا الي يشتي يقع رئيس نتسابق انا وانته وجري انا والعميد وبصراحه الاثنين قتلنا الدخان والقات ماقدرناش نكمل وجا اثنين من المناضلين الجديد قلنا لهم احملونا بارك الله فيكم شوفونا تعبنا انا والسعدي من الجري
خلصنا السعي وخرجنا الساحه قلت له ياسعدي تشوف كيف البنيان الشامخات نريد تاريخ شامخ مثل هذه البنيان ,, قال ضيعنا الاشتراكي ياكوكني تعرف ان عدن كانت سوق الشرق الاوسط قلت له ياسعدي نحن داخل مكه وناقصنا بس الربيزي وبن فريد ,, قال لي السعدي مايجوز لهم العمره معي انا وانته اذا يشتو يصلحو عمره لحالهم يصلحو لحالهم نحن الظاهر با نتبرى منهم ,, وجلسنا نتحازي يوم سرق الربيزي الحبحب ,, وطبعا مافي احد عارف قصه الحبحب خلو الربيزي يقصها لكم ,, وبن فريد با يقص لكم قصه ثانية با نعود لها قريب ان شاء الله لاننا وعدت بن فريد بالرد على احد مواضيعه واحب افكره اننا مش ناسي ووعد الحر دين ان شاء الله اوفى له بالوعد ,, جلسنا نتذكر بدايات الحراك الجنوبي وبدايات امور كثيرة جدا من قبل ما يجونا الشرعيين والمرعيين والكباش الضاله والمناضلين الجدد والنازيين الجدد ,, المهم الحاله زفته يا حكومتنا ونحن بدون حكومه شعب مشرد ,, انا من الطفش قلت للسعدي شفت كيف قيادتنا خليناهم رجال بين الرجال ويرفعون راسهم خساره رفع صورهم وقلنا هولاء زعماء الجنوب وفي الاخير طلعو مافيشششششش قال اسكت ياكوكني مش وقته با يزعل الربيزي وبن فريد اسكت مع تحيات ابو مافيش

المهم خواتم مباركه وكل عام وانتم بخير

المشير الكوكني ابو مافيش

[email protected]

شوف ياشيبه انا ما اجيت اعتمر الا بعد ماتاكدت انهم طردوك اخوتنا السعودين من اعمالك كما لما طزناك من حافة حسين اسمع عاد وصلت الموضوع؟

[صقر الجنوب الحالمي]

المشاركة الأصلية كتبت بواسطة همام شبوه

طيب جيب لنا القصة كلها حق العمرة ياكوكني العميد قبل ركن الكعبة لكن انت رحت تبوس على مقام ابراهيم ما احد الا انت وواحد شيعي تماسكتو على المقام شوف السعدي مايحب البدعة وقد قالك قبل الطواف .

خواتم مباركة وعمرة مقبولة لك ولسعدي وانتو من السابقون ونحن من الاحقون

لا السعدي والكوكني في السعي تفارقوا

وفي الاخير حصلوا الكوكني كاد يفارق الحياه

السعي سبعه اشواط والمشير دق ابوها 14 شوط
هههههههههههه

[نجم السماء]

الكوكني له اهداف من وراى الموضوع اقرئوه بتمعن شديد

[البكري ابوقاهد شعيفان]

المشاركة الأصلية كتبت بواسطة نجم السماء

الكوكني له اهداف من وراى الموضوع اقرئوه بتمعن شديد

قد قالها لول

حج وحاجه وبيع مسابح