حقيقة علينا ندرها؟ البيض لم يترقي الى مستوى الشارع الجنوبي؟

[بن فريد-العدني]

المشاركة الأصلية كتبت بواسطة الزامكي

للاسف اقولها بحسره بان الرئيس البيض لم يرتقي حتى الان الى مستوى اندفاع الشارع الجنوبي؟
ارسلت له رساله خاصة و للاخ احمد بن فريد و اوضحت الاسباب؟
على كل حال ...تقع على البيض مسئوليات كبيرة بحجم الشارع الجنوبي؟
انا رجل صادق و لا ابحث عن مناصب قادمة و لكن ما يهمني هو اعادة تاريخ اهلي ووطني وتارخي الجنوبي؟
الشماليون نجحوا في تقزيم ثورة اكتوبر؟
لبوزة و مدرم سقطوا من اجل ماذا؟
اخي الرئيس البيض انت تعرف انني اقدرك كثير و لكنني اطالبك بتحرك اعلامي قوي؟؟؟هل وصلتك رسالتي اليوم اذا لم تصلك ستجد نسخه منها عند الاخ احمد عمر بن فريد.
لك تحياتي

صاحب الموضوع يشتي وهذا يشتي وذاك يشتي وكلهم يشتوا
اقولها بصراحه السيد الرئيس علي سالم البيض عمل وما زال يعمل ايلي عليه وايلي يقدر عليه ولا تنسوا الرجال قده فوق السبعين من العمر
وبعدين ايلي يقول انه غير مناسب اقوله خلاص انزل بكره الصباح على السوق وشوف واحد ثاني مناسب ايش كلام وايش من هدره هده وبعدين يا فصيح فين كنت في 94 لما كان واقف بنفسه من بداء الازمه واعتكافه في عدن ولحد قيام الحرب واتنائها مش خدع من قبلكم ومحد وقف معاه وايلي استلم السلاح جلس بالبيت وخزنه وبعد الحرب قام باع مستودعات ومخازن سلاح للشماليين واقتلبوا تجار سلاح اقولها ومن يزعل يزعل ما فيش داعي للمزايدات الرجل كثر الله خيره حس بغلطته وحاول يصلحها وما نفع لانه كان لوحده وبعد كده قال خلاص الجماعه شكلهم يشتوا الشماليين يحكموهم طيب انا اخرج واعيش بقية ايامي في المنفى وبعد 16 سنه من الصمت اجبر مره اخرى ان يخرج من صمته ويطالب بعودة الجنوب احساسا منه انه يتحمل مسئوليه الدخول بالوحده والتوقيع على الاتفاقيه وبدل ما تقوم وتوقف معاه زي ما قام شعب الجنوب كله اليوم تيجي وتقول ما ينفع ان يقود الحراك للاستقلال والله هذه كبيره على الاقل هو احسن من غيره اعلنها صراحه وقال انا مع فك الارتباط وعودة الجنوب كدوله مستقله
خلونا يا اخوه من هذا الكلام ومن المعلقين الدين الكثير منهم دحابشه بس باسماء جنوبيه افهموا مستقبلنا ومستقبل اولادنا على المحك ونحن اليوم في وضع نكون او لا نكون
وعاش الجنوب حرا ا بيا برجاله وشجعانه وعاشت عدن ارض الاجداد والاباء
بن فريد العدني