ادخل وشوف ماذا جرى في عدن العاصمة صباح هذا اليوم...

[المهندس]

المشاركة الأصلية كتبت بواسطة صوت الحرية

شوف يا اخي المهندس مع احترامي لك.. نحن في عدن مخنوقين من سلوك البعض من ابناء الضالع وردفان بالتحديد.. وصبرنا وقلنا معليش برضوا دول اخواننا ومش كدا وبس كمان سياسة القيادات في هذه المناطق في كل مناسبه يصدروا قرارات وتوجيهات بإقامة فعاليات في عدن ويوجهوا ابناء عدن للخروج للشوارع .. قله من انت حتى تعطينا اوامر لخرج للشارع ونحن مليون وثلاث مئة الف نسمه !! انا لو حبيت اخرج بخرج بقرار خاص بي أنا في الوقت الي اشوفه انا مناسب وحسب ما تسمح لي امكانياتي أما تعطينا أوامر لا .. وإذا شكلنا هيئة او تنظيم محد يعترف به إلا أذا كان الرئيس من الضالع ولا من ردفان بعدين الكل بيدعمك والعدني ماله حق في القيادة أو في اتخاد القرار داخل عدن,, وفي اي مناسبه يحصل شي يمر ولا كأن حصل شي بينما لو خمسه ولا عشرة من ردفان والضالع عملوا شي عظموها وطلعوها المساء أيش الغرض من هذا كله !! على أيش ناويين وضحوا لنا ؟؟ !! بعدين من قال ان الضالع بوابة الجنوب ؟؟ بوابة الجنوب هي عدن خنقوتنا والله سنين لنا صابرين وانتوا ولا افتهم لكم...
بعدين ياخي أنا ما جرحتش حد !! هم الي دخلوا بالتجريح !! الأولى قالت أنت لو شريف ما كنت مش عارف أيش !! ايش يعني لو كنت شريف !! أيش سارق شافتنا ولا زاني ولا عميل ولا ايش !! وفوق هذا مارديت عليها لأنها بنت والثاني قال انت حرمه وخلي ماما مش عارف ايش تعملك وهذا انا رديت عليه لأنه رجال زيي !! يعني خلاص مش قادر يرد قام يسب !! انا كلامي أجى على الوجع وانا عارف ان كل كلمه كتبتها صح ومابتراجع عن مواقفي والي على راسه بطحه يحسس عليها ..وانا لا اقزم دور احد ليس من سلوكنا تقزيم الأخرين بل ان منتداكم هو الي يرفع ناس وينزل ناس على حسب مزاج المخرج وتطلعاته..

يا اخي الله يهديك منتدى الضالع لايرفع فلان ولا زعطان فجميعنا فية من عدن وشبوة وحضرموت وغيرها من المناطق وكل مافي الامر هو اجتهاد شخصي وعمل طوعي لايمثل هيئة ولامكون ولاسلطة تابعة لامارة الضالع ولاتبع مشيخة العوالق00
كل الامر ياصوت الحرية ان هناك مراسلين بجهودهم ينقلون الحدث ويتابعون الاخبار سواء من عدن او اي منطقة جنوبية ونحن في الأاشراف نثبت المواضيع الهامة فقط مثل المهرجانات ولاحداث الساخنة 0ولايقتصر على منطقة كما تصورها انت اطلاقآ بل انا اطلب منك شخصيآ ان تكون مراسل المنتدى للعاصمة عدن وتنقل الاحداث اول باول بالصورة والصوت والحدث الماثل ولن اتردد في تثبيتة لحظة 00
تصوير الامر انة مناطقي خطاء واي خطاء يصدر من ردفاني اوضالعي لا يعني دستور للجنوب بل يعبر الشخص عن نفسة فقط ويسيىء اليها00
عدن ودور ابناء عدن كان لنا نقاش مره مع ابناء عدن في اتحاد شباب الجنوب ققلنا لازم يكون الدور في عدن بدرجه اولى لابناء عدن داخل العاصمة سواء كان من موليد عدن او من اي منطقة جنوبية فالهوية الجنوبية هي الحامل للجميع وعليهم تنظيم وتنسيق عملهم والتواصل بين مختلف الشباب حتى يكون هناك نشاط اكثر فاعلية وقوة00
واتمنى انا شخصيآ ان يكون قيادات الشباب وغيرها من مكونات الحراك في عدن من ابناء عدن 0
وصدقني اخي لا احدى سيقفز فوق عاصمة الجنوب ولا يمكن في حال ان يتجاوزها كما قلت سابقآ
لانها الارث التاريخي للجنوب عامة00
فبدون عدن لايساوي نضالنا ولا حراكنا شيئآ فهي الرقم الصعب والمعادلة التي ترجح كفة الميزان
فلا تهون من خوفك ولا يكون كلام شخصي من قبل فرد يجعلك تعادي اهلك وموطنك في ردفان او الضالع او يافع فهم اخوانك في الطريق والهدف ولا فرق بين حصار عدن وحصار ردفان والضالع ويافع00
الجميع تحت وطاه الاحتلال وبنفس الأم نشعر جميعآ ولا يجب ابدآ ان نحول اي حوار عام الى مناطقية فنجعل حوارنا جميعآ لاجل الجنوب ونتكلم بلسان جنوبي 000
لك منة الف تحية وثق اخي الغالي ان لعدن وبناء عدن الشي الكثر في النفوس والقلوب ولهم مكانتهم بين ابناء الجنوب عامه وخاصة0لان دورهم كبير ومهامهم اكثر استهداف وصعوبة والجميع يدرك دلك000