قصيد (رد على ابوالعز الشعيبي وخيار الفيدراليه )

[الذئب الجريح]

المشاركة الأصلية كتبت بواسطة علي المفلحي

قصيده ( رد على ابو عز الشعيبي وخيار الفيدراليه )

قولوا لبوعز الشعيبي للاسف
بالامس تحريري وفي طرحك جميل

واليوم بتسووق بضاعه بايره
فيدراليه عرجا وعن خطك تميل

هل عاود الدنيا لنا ذي ودعوا
وضاح او فارس ضروب المستحيل

هل عادة املاك الجنوب الضايعه
او عاد جيش الشعب والركب الطويل

ماذا حصل ياصاحبي بالمرحله
قدام من يرجع يسجل له قتيل

الحزب قد رجع اصول الجامعه
هذا ثمن صمته وهوعاجز ذليل

يشتي يعيدالمجد في حكم الجنوب
محال نركع للنطيحه والعليل

خيارنا ثابت ومبدانا عظيم
ماشي تراجع بالمبادى يااصيل

الشعب قرر بالمسير وانتصر
بصوت عالي ماسمعنا له مثيل

لو تنزل الشارع وتطرح موقفك
تصبح ضحيه للمواطن بالصميل

الطرح مش وقته ونحنا بالطرف
لاتجعل الاغراب تضحك والدخيل

راجع حسابك ياجنوبي وتعض
وانته صديقي وبن عمي والاهيل

مالم معا عتمه توخر مننا
وخذ معك يحي معا عبدالجليل

نضال سلمي والنهايه عسكري
حتى تضوي عندنا شمس الاصيل

تحرير واستقلال فك الارتباط
خيار واحد لانرى غيره بديل

يالمفلحي ما با نطيع اهل الوزف
مهما حصل والله هذا مستحيل
يكفي تجارب سابقه يكفي خرف
يكفي بكاء كاذب ويكفينا عويل
الشعب حدد غايتة هي والهدف
محال يتراجع وهذا مستحيل
معقول يقبل في شواطيه النصف
او في عدن يقبل بقيران العميل
شمسان با يعتب وبايعتب خلف
المهرة الشرقية والسوق الدويل..