تغطيه اخباريه ومتفرقات لاحداث الجنوب العربي ليوم الاربعاء م/26/12/2012

[حيد حديد]

خبر صريح رقم 15 مؤلم مؤلم مؤلم

رسالة جريح ابكتني سانقلها لكم كما وصلتني .

نريد حل ياشباب

(الجريخ شيخان بن قنان جوال رقم 736036970

لمشكلة انة بعد ما اجيت من الهند شهر ابريل من عام 2011 اتى الي الحريري زيارة وتوالت الزيارات المهم وعدونا انة بيسفرو بي الهند واتصل بي باعامر يحاول يقنعنا عشان اسافر والسبب هو عندما كنت بالهند وعدونا انهم يساعدونا وضليت بالانعاش وكنت مابين الحياة والموت ومحتاج فلوس عشان ابقى فترة اخرى بالانعاش لمواصلة العلاج نضرا لقوة الاصابة واعراضها الصعبة المهم اتصلنا بجميع القيادات من الهند ولاكن مافيش فائدة الي جوالة مغلق والي يرن طول اليوم ومحد يسمع المهم محد رد علينا نهائيا واضطريت اننا ابيع حاجاات من البيت وقطعة ارض كنا ماسكيها انا والبيت نضرا لضروفنا الصعبة وفاعلين الخير ساعدونا ... المهم وصلت عدن وانا مدين حوالي 5000 الف دولار لاننا برضة اتسلفت من الجالية الموجودة هناك وحق المترجم وبعدين انا لهذا السبب رفضت السفر للهند الان الى ومعي فلوسي بيدي ولا نص معي ونص معاهم بس هم رفضو وبعدين جلسو 4 شهور ورجعو يتصلو وقلت لهم اسمعو انا بحاجة السفر الان لان الاعصاب مامفروض تتاخر لذاللك انا طلعت صنعاء وعملت الفحوصات والكشوفات الي كان يشتيها الدكتور وكمان فعلت نصها بعدن والشاهد امين محروس اسئلوة ان كذبتوني وبعدين قالو لي خلاص اتصل بالدكتور وقلة يشوف كم بيكلف العلاج بالهند قلت لهم تمام بعدين اتصلت بالدكتور وقالي المبلغ كذا وكذا وكلمتهم وقالو لي تمام بردلك خبر بس شفتهم فترة طويلة محد رد لي خبر واتصلت بهم وقالو ان المبلغ كبير ونحنا مانقدر نتكلف بة قلت لهم يعني ماتصدقونا خلاص امسكو رقم الدكتور واتصلو بة انتو واتفاهمو معة انتو انا اهم شي اشتي اطلع اتعالج والدليل كان قدامي سامي باوزير وامين محروس في بيتنا عملو احراج وصياح وشمات ومخدامة خليها على ربك وصياح لما شلو رقم الدكتور واللة العضيم انهم اتصلو بة وعرفو انة كلامي نفس كلام الدكتور سبحان اللة... المهم قالو لي بنرد لك خبر ومرت الايام والاشهور وبعدين رجعنا نتواصل مع باعامر والحريري وقالو لي بالحرف الواضح انة الان الصندوق ضعيف جدا وغير قادر على تحمل تكاليف سفرك وعلاجك لذالك عليك بالصبر قلت لهم طيب سهنتونا كل هذي الفترة وتسكتو وترجعو تقولو كذا مايقعش انا قدنا قلت لكم قصرت لكم المسافة انا عملت الفحوصات والكشافات المطلوبة مني ماباقي الى العلاج والسفر والاقامة في الهند بس برضة مافيش فايدة استني يا شيخان لما يجي دعم والان اجو ناس من مجموعة 21 مايو حابين يساعدونا وقالو انهم بيبحاولو قدر المستطاع عشان يسفرو بي الهند وكمان سامي باوزير اتصل وقال ان شاء اللة برد لك خبر بداية شهر يناير واللة معجزة انة باوزيبر يتصل لاكن الي بيساعد انا ارحب بة لانة حالتي صعبة جدا محتاج اسافر عشان اتعالج لا اريد كلام الليل يجلاة النهار ارجوكم انا لا استطيع المشي والوقوف انا مشلول حتى اني لا استطيع الخروج من المنزل وفي ملاحضة صغيرة جدا جدا قد تكون ثمينة: من يوم ما اجيت من الهند شهر ابريل عام 2011 والى الان لم استلم اي مبلغ مالي من الحراك سوى الف ريال سعودي انما الزيارات كانت بالدرزن هذي رسالتي ارجو ان تقرئوها وتنصتو لها وتوصلوها.