محمد علي احمد ( جحدر ) مضيع تاريخ وفاقد وطن ويبحث عن حنان

[الكوكني ابو مافيش]

محمد علي احمد ( جحدر ) مضيع تاريخ وفاقد وطن ويبحث عن حنان


صحيت اليوم نشيط واخذت لي دش حمام ساخن وهات يا ابو مافيش قلنا ثورة حتى النصر من صبح الصبح دخلت الحمام وانا اغني ثورة ثورة لا اصلاح حزب باقي يا فتاح , وانا اتغسل دخل الصابون داخل عيوني قلت يا فتاح يا عليم يا رزاق يا كريم بوجه مين تصبحت , اليوم يا عاقل قلت مدريش وتذكرت اول ما قمت جلست اتخاوص على الجيران واانا اشرب حبه سجارة في البلكون , وما شفت حاجه حلوة المنحوسة جارتنا تصبن وشافتنا قالت يا كوكني بطل تتخاوص على البنات ,, قلت لها شلك ربي ليش عادك بنت قدك من فصيلة ,, القوارض , قالت شلك ربي يا كوكني الذين هم من عقاتك قدهم في المغابر وانت عادك تروح للكوافير ,, قلت لها مالك عارك تاذينا من الصبح با ادخل اتغسل احسن لي من وجهك يا منحوسة اخرتك نحطك في المتحف العكسري ونخلي العميد السعدي يبيع تذاكر للشعب والدخول من عشرين ريال ,, قامت تتكلم عليا وانا سقلتها ودخلت , المهم بعد الخروج من الحمام اكرمكم الله , حلقت دقني وجلست افكر في الشنب ,, اقول في نفسله طير حريمة يا ابو مافيش وقلبي يقول لي عيب يا عاقل اخر زمانك تحلق شنبك ,, تراجعت عن الفكرة وقلت في نفسي خلاص مافيش داعي ,دخلت غرفتي ابدل ملابسي وضربت الفوطه ابو قارورة والشميز الكاكي حقي , ورشيت نص قاروره عطر وانا افكر واقول في نفسي اليوم با اروح عند محمد علي ( جحدر )) طبعا مافيش فرق بين جحدر وبن علي غير القبيلة ومدريش بصراحه يمكن جحدر قبيلي ونص , المهم نزلت على الدرج والجيران خرجو من عرف العطر الحريم والرجال ,, وصاحت جارتي مزنه الله يشلك يا كوكني فين رايح منعم ومعطر اش معك برومس ,, قلت لها مافيش بي طافه للبرومسات لو كنت اقدر كان اول واحده با اسوي معها برومس انتي ,, قالت يشلك يا شيبة الجن لسانك وسخ ,, نيهاهاهاهاهاا انا ضحكت بصراحه يوم اشوف الجيران كل واحد فتح بابه قالو وين رايح يا كوكني بالشياكه هذي ,, قلت لهم بصراحه با اروح اشوف مناضل كبير ,, قالو اش من مناضل ,, وصاحت جارتي سعدية قالت قالت المناضلين الكبار ماتو والبعض منهم تحول ,, قلت لها مالك يا حجه اش تحولو ,, عيب عليك تتكلمي على مناضلينا , قالت لي تشتي تشرب لك قلس شاهي حليب قلت لها اذا في بك طافه اسكبي لك قلص , صيحت لبنتها قالت اسكبي لعمك ابو مافيش قلص شاهي , بيني وبينكم الحرمه تحبنا وتشتي تتزوجنا طمعانه في السقف حق العماره مش فيبي ,, جابت لي الشاهي وحريم العماره تجمعو عندي يشامقو عليا ونزل جارنا عصام قال مالك يا عميل فين الذي قلت لك عليه قلت له كل شئ في وقته حلو , نزل كان مستعجل وهو نازل غمزنا قال عيب عليك يا عاقل لا تاذي حريم الجيران ,, انا ضحكت قلت له هم ياذونا والله , المهم انا ضربت القلس الشاهي والحريم يسالونا وين رايح يا عاقل ’’ قلت لهن بكل صراحه انا رايح عند جحدر حفظة الله ,, قالو مين جحدر يا كوكني ,, قلت لهن شوفين انتن مش متابعات امور السياسه , انا رايح عند محمد علي احمد ,, صاحت سعاد وقالت او او اش قد غيرتو اسمو ,, قلت لها ايوه من زمان سميناه جحدر ,, قالت الله يشلك ارحمو عزيز قوم ذل ,, وقالت سميره والله لو ان الزمان يرجع مافيش واحد منكم يتكلم على محمد علي على قولتكم جحدر حتى نص كلمه ,, قالت لها سعاد تقصدي ايام العز والسلخ والذبح بدون قبله , قالت لها مزنه قصدك زمان يوم كان معه شنب ,, انا عاد ضحكت نيهاهاهاهاها قالن مالك يا عاقل تضحك قلت لهن تصدقين بالله كنت اليوم الصبح ناوي اسلخ شنبي ,, قالت لي مزنه انتبه تحلقة يا كوكني بعدين با يقولون في بك انه ,, قلت لها كلام كبير ,, اصلا انا غلطان جالس اكلم حريم ,, لا تاخرونا خلونا اروح مع السلامه احسن من كلامكن الذي يرفع الضغط ,, عادنا نزلت على الدرج وانا اضحك ويوم وصلت باب العماره شفت الشباب حق الحافه بالركن جزعت اسلم عليهم وشفت واحده من المناضلات سلمت عليها وقلت لها انا فداء الوجه هذا اليوم الظاهر كله بركه في بركه قالت مالك يا عاقل تتشاطل من الصبح قلت لها دائم وجهك حلو ومشينا انا وهي نناقش بعض الامور السياسية والاقتصادية ,, وسالتنا قالت صدق البيض با يجي الى عدن ,, قلت لها ايوة سمعنا في المواقع الالكترونية ,, وبصراحه مدريش بس شكله طفران مافيش معه حق التذاكر او با يسافر بعد التحرير يمسك الحكم ان شاء الله ,, وضبحت بي في الاسئله قلت لها مدريش اسالي الربيزي هو المسئول الاعلامي في مكتب الرئيس حفظهم ربي هههههههههههه ,, مشينا الى الفرزه وقالت فين رايح قلت لها رايح ازور المزار حق جحدر في الفتح ,, قالت لي ليش قده ولي من اوليا الصالحين نيهاهاهاا ,, قلت لها اقصد خيمه محمد علي احمد في الفتح ,, قالت ربي يشلك ومبخر ومعطر واني فكرتك رايح تقابل فيفي عبده نيهاهاهاها ,, المهم ركبت الباص حق التواهي وجلست جنبي عجوزة عمرها فوق الخميسن وحاطه رنه جوالها حبيبي قرب بص بص ,, اول ما رن تلفونها الذي داخل الباص كلهم شمقو عليها ,, وبعد ما خلصت مكالمتها انا قلت لها يا بنت الرنه حلوة ممكن تسويها لي في تلفوني ,, قالت ايوة ممكن في معك بجوالك بلتوث ارسل ك النغمه قلت لها مافيش ,, قالت او تلفونك قديم من حق الشيبوبة , قلت لها ايوة نحن مش مثلكم البنات الشباب ,, وقلت في نفسي شلي لك سجاده ومسبحه احسن لك من التفاهات هذي ,, وصلنا الفرزه حق التواهي ركبت حق الفتح قدها من التواهي الى الفتح باربعين ريال ,, بركات الوحده اليمنية ,, او بركات جحدر يوم رجع التواهي ,, وصلت عندهم الباب وقالو ما يدخل احد غير اذا تفتش ,, قلت لهم انا ابو مافيش معقول تفتشونا , قالو حتى لو كنت البيض او عبدربه منصور ,, قلت لهم دام الموضوع كذا مافيش مشكله فتشو ,, رفعت يداتي للتفتيش ,, والظاهر الذي يفتش من اهل الشحر ,, قلت له شوفنا اتكركر لا تكركنا وانا فداء , المهم دخلت المجلس وجحدر قد حط التخزينة ,, سلمت عليه وعلى الموجودين ,, وجابو لي مي وشراب قلت لهم انا مع القات اشرب عصير يماني من اجل دعم عيال هايل سعيد ,, قلت لهم كيف شئ امل يتحرر الجنوب ,, قال جحدر مثل ما سمعت في تصريحاتي يا كوني نحن نسعى لبناء اليمن الحديث ,, قلت له اش من حديث يعني عشرين سنه وعاد باقي عندك امل ,, قال نعم عندي امل ,, قلت له الله يصلحها امل كعدل قصدك اول امل في الوضع قال لي لا امل في الوضع يتصلح ,, مالك يا جحدر اش زادو عليك الجماعه ,, شوفنا جايين بعد ايام على التصالح والتسامح يا ناير وانت قدك عارف الايام السابقه كيف كانت وكيف الشعب قد حالته حاله فمالك تتراجع الى الخلف والشعب يتراجع الى الامام ,, قال والله يا كوكني ضغط علينا من دول الاقليم والعالم ,, قلت له يا صاحبي معي لك سؤال بسالك في عام 1986 كان معك شنب او كنت بدون شنب,, قال اش دخل الشنب في الموضوع , قلت له الشنب بالنسبة للشعب شئ كبير فجاوب بالله نريد نعرف , قال بصراحه يا كوكني كنت بشنب تلك الايام الخوالي قلت له اذا ربي شنبك يمكن تتمرجل وتعرف ان ما اخذ بالقوة لا يسترد الا بالقوة قال عيب عليك الكلام ذا يا كوكني ,, قلت له يا صاحبي مالك بطحت بنا البطحه هذي كلها نسيت اننا قدمنا قافله من الشهداء والجرحي ,, اش با نقول لاهلهم وعيالهم ,, بطلت قيادتنا المرجله ورجعت تعمل حساب للعالم , هذا كلام فاضي مالك يا ابو سند رصيدك النضالي كبير جدا ,, او اثر فيك لطفي شطاره شوفه بياع المحطه بقرص ومحسوب علينا ربع رجال ,, او بعت القضية طيب لو بعت حقي فين ههههههههههههههه ,, كل من حصل له شلنجين باع ,, تصدق انا عرضت نصيبي في الجنوب والشمال مافي احد دفع لي سعر كويس ,, قال لي مالك يا عاقل داخل حامي علينا ,, قلت له تريدنا اجاملك واطبل لك مع المطبلين مافيش مشكله نطبل لك لكن وش نهايه التطبيل بعدين شوفنا قبيلي من قبائل كريتر الاشتراكية العظمي ماشئ بطبل لاحد دائم اقول للاعور اعور في واجهه ,, الان يا جحدر ,, قال مين جحدر قلت له انته قد الشعب مسمينك جحدر ما تدريش قال وصلني خبر وكمان يسمونا البيضاني ,, قلت له جحدر احسن لك من البيضاني ميهاهاهاهاهاها ,, نهايتك جنب لطفي تصلح مساج للشيخ صادق اصحى يا عاقل شوف تاريخك مققبول لا تخلية سئ جدا ,, قال يا كوكني ليش انتم ضد بناء اليمن الحديث ,, يا جحدر الهوية اليمنية ما عادت تشرف صدقني الجواز اليمني ما عاد يدخلك الحمام حتى الحبشة الان اذا تريد تروحها بجواز يمني يقولون لك لزم فيزة ,, فاش من يمن حديث واش من دولة ,, ارجع الى صوابك بالتاريخ لا يرحم ,, واحترم دماء الشهداء شوف الشهداء في معهم اقارب ويمكن اذا غلطت ثاني مره على الثورة الجنوبية يعورك اي مجروح بجرح اكبر ,, قلت له اجدل عود قات شوف قاتي سمين رجع عليا حلص من الكلام ,, قال امسك عود ,, وهو يقول للهم اجعله سمك يا كوكني ,, قلت له دعوة الطيب ما تهز الكعبه مثل عدني الذي ما يعرفه يسال عنه هههههههههههه ,, والله حاله الشعب في طريق والقياده السياسية في طريق نتمني من الله العالي العظيم ان يصلح القياده بما يتمناه الشعب



المشير الكوكني ابو مافيش

مملكه هولندا

بجانب مزارع الكوكني لبيع الحيب والاجبان



اقرا المزيد على شبام نيوز : http://www.shibamnews.com/articledet...#ixzz2GwOzI1AK