حيامرحبا يا ﺻﺎﺣﺒﻲ ﻭاﻟﻠﻪ رعاك
ولك جزيل الشكر دي ثقل موازينه
جوابك قد وصل دي ماوصلشي من سواك
واصبح علي واجب لهذا القاف تلحينه
من بين البشر فكيت تاريخ الملاك
لما بكت موديه واتباكوا محبينه
ياناصر قرى موديه داعيها قراك
بعد التصالح والتسامح كلنا عينه
تجمع شملنا ايدات ذا في ايد ذاك
والحق باين في السماء واظهر براهينه
كلامك في القضيه اكد الليله ولاك
ولاك لابن امقمع واحنا من موالينه
حبينك وعيني اليوم تتمنى تراك
وكيف ما حب ذي ما باعشي دينه
كلامك رمم الجدران ذي كانت ركاك
كانت ركيكه واصبحت زاجيه ذلحينه
معرفشيك لكنه يشرفني اخاك
واسمك مع خو حسين في قمة دواوينه
حراكي مثل كل الناس ذي هي في الحراك
ومن ضرب رابون نتنبه لتربينه
لا للمشترك نخضع ولا للاشتراك
ولا لذي في ارضنا ربى ثعابينه
ودي حكحك في الخارج وكثر بالحكاك
يتجرع اقداح المراره في فناجينه
معاسيل الصيانه دي تشل الشمبلاك
فكت مكينة شيخ صنعاء قبل تمكينه
مضى عصر السرق وراح عهد الانتهاك
والخير جوف امسوق قد فتح دكاكينه
وعادت كهربتنا تحتضن صحن البلاك
والشمع شبينه دي كنا ملصينه
ويا شيطان صنعاء عاد في نحرك خزاك
ومن تشيطن ما يرحمينهشي شياطينه .
كلمات الشاعر مهران الحسني
|