لا متى ؟! ... لا متى ؟!
****
لا متى ذا الحال يبقى يا رجاجيل الجنوب ؟
لا متى نجلس كذا في مفترق بين الدورب؟
لا متى التخوين فينا والشتايـم والسبوب ؟
لا متى هو كل واحد منّنا يمشي بصــوب ؟
ليش مانعمل تصـــــالح صح مايثنية حوب ؟
ليش مانبني التسامح ذي بدئنا طوب طوب ؟
كيف بانطعم حلاته شُهدنا من دون نوب؟
سرمد الإصرار منّا نتجه نحـــــــــــو الغروب !!
الحقــــــــــــايق عندنا صرنا نواجهها بهروب
ما نحب انسان صادق ونتفاعــــل للكذوب!
بس يكفي لا متى نبقى مطية للركوب ؟
لو بحثنا في تعثّر حـــــــــــالنا بين الشعوب
وليش ذا المحتل يأكل خيرنا حبه وشوب ؟
التعصّب للمناطق هو سبب هـــــذا الرسوب
وفي تشرذمنا سمحنا له يشعللها حـــــروب
بيننا فيما مضى واليوم مــــــــانبغي نتوب !!
ياجنوبيين وحدة صفنا فرض ووجــــــــــــــوب
طالما المحتل واحد مثلما جمرة بثـــــــــــوب
باختم بذكر المفضّل ذي بيشفع للــــــذنوب
واسأل المولـــــــى الهداية من بيعلم بالغيوب
