سمحوا لي با اعادة كتابة البدع والجواب هنا...
بدع العميد السعدي مرسله لبسمل محضار
عبر بحر العرب مركب كما ريح الهبوب ==يحمل بضاعه من بلاد الغرب مطلوبـه
اشاره واضحه تلمي مع وقت الغـروب == فوق الكبينه والدقل في الجومنصوبـه.
بشارة خير يتفائل بها شعب الجنـوب == هذه بدايه افرحي يـا ارض مسلوبـه.
الا قال الجنوب حان تحريـر الشعـوب ==وشعبنا قرر يصفي الحب من شوبـه.
ويبقا حب صافي ما مثيله في الحبوب ==قولي متى باتفرحي يانفـس مكروبـه.
وماباقي علينا غير تصفيـت القلـوب==وبالتسامح بانداوي الجرح من صوبه .
الاهي نا سالك تقفر لنا كـل الذنـوب == واحنا علينا بالمقابـل نعلـن التوبـه
وهذا رد حمزه صالح مقبل
بعد التحية بالعز والترحوب = يملاء ربوع الجنوب الواد واشعابه
ابو يزن قال يالله سهل المطلوب = نأخذونعطي نحل نحل الغاز مكتوبه
وصلتني ابيات يبدو سرها محجوب = لكن معاني القيدة غير محجوبه
من العميد الذي صابر كما ايوب = متحمل الحمل والنهج السوي دروبه
اما عن البحر والمركب هو المطلوب = لكن انا خشى البضاعة غير مرغوبه
شف مركب البحر سافر به المندوب = يحمل رسايل خطاء في داخل اجيوبه
واحد طلب يرسلون النحل واليعسوب = والثاني ابلغ صراحة لا تعدوا به
يابن محمد لماذ نحن بالمقلوب = الناس تبني ونحن نهدم الطوبه
إلى متى نستجر الثرثره والحوب = واحد مع البيض والثاني مع النوبه
الثالث اصبح مثيل اللاعب الشلهوب = من جور لرهاب صارت فيه غيبوبه
ضعنا زضاع الوطن وكلنا مغلوب = ولم نزل في نقاش الذنب والتوبه
لابد نراجغ كل شي محسوب = اليوم والشهر والساعات محسوبه
إلى متى البحث بين الجر والمنصوب = والبنت في دارهم يا ناس مصلوبه
مادام نحنو تركناها مع شيبوب = لازم ترى اليوم نخرجها بإعجوبه
نخرج من الباب ذي جيناه مثل النوب = ومن يرى غير ذلك يهدم النوبه
إذا معه ماس والمعول مع القالوب = يهدم لنا السور بالقوة بإسلوبه
وحنا معه نحتزم شباببنا وشيوب = إشارة الخوف والخًذلان مشطوبه
لكن خسارة لمَا يحصل المطلوب = اذا اجاء السيل والاعبار معطوبه
ياسيل سيلوه مطر في ارضي المجدوب = اين المعبر يسقي ارض مجدوبه
بس نسأل الله يهدينا إلى الاسلوب = نجمع ونحسم بعودة ارض مسلوبه