كلمات الشاعر الرغدووووووووووود الجنوووووووووووب
حظ ناس فالسحاب وعقلها تحت التراب
والرويبض قام يعطي كل من جاه استشاره
الحرار مع الدجاج وقايد السرب الغراب
والبعير الهرش مايكرم عن اوصاف .....اره
واضحه قدام من يقرا تفاصيل الكتاب
عبد يضرب بالعصاء والحر خانته الإشارة
خابرين القافله ماهمها نبح الكلاب
والشجر ماحذّفوه الا ليا شافوا ثماره
مير اشوف القافله صارت خرابن في خراب
والتخلف صار مقياس التطور والحضاره
ياقنوات الفضاء ياهيه جعلك للذهاب
كل برنامج سخيف تقلدينه وبجداره
شفت لي ناسن على الشاشه ومعظمهم شباب
احسب الموضوع عن تصنيع والا عن تجاره
جابوا الاول وشكله فيه عقده واكتئاب
احسبه دكتور مبدع في مجالات الاداره
قام يرقص كنه المقروص من نيبان داب
ينهصر ثم صفقوا مع كل ميله وانهصاره
جاك عقبه بلوتن ما ياسعه 20 باب
قال اناصوتي مميز والغناء فن ومهاره
انصدمت ولا لقيت لكل اسئلتي جواب
الوكاد ان العلوم علوم والدعوى دشاره
امتن يحسبلها في ماضي الدنيا حساب
ياحسايف يابلاد العرب ياكبر الخساره
نسيوا الجنه ونسيوا نار ربي والعذاب
ونسيوا ان الموت اقرب للبنادم من زراره
|