إليكم جواب الشاعر ثابت عوض اليهري لأبو هند حسين محمد الحمري
يامنشى سحب في السماء في الماء العذب ساكبه = تجري من بلد لا بلد ورياحاً تسوق السحاب
ارضاً تنبعث منها ورضاً فوقها خاصبه = وخضر يابس أعشابها في وديانها والشعاب
ترحمنا وتلطف بنا يوم الروح لك ذاهبه = يوماً لا يجازى ولد عن والد ولا عن صحاب
والنفس أسلمت أمرها لا خلاقها تائبه = نفساً من تراب ابتدت يوماً ونتهت لا تراب
والجنه ورضوانها تجعلها لنا عاقبه = وقبل صالح أعمالنا وقبل أجرنا والثواب
قال المولعي بن عوض وين اللآله الحاسبه = باراجع حسابي بها مانا مقتنع بالحساب
مالي في شريكي ثقه شاركته وانا شاك به = ما أمن به ولا صدقه حتى لو حلف على الكتاب
واردها وصادرتها من حقي انا حاسبه = كم ظهر وكم ذي خبى بين المحفظه والجياب
حصل فرصته يوم انا رجلي في الشبك حانبه = والجوع افترسني وهو يأكل ماحلي له وطاب
باحقق وببحث معه باقلع شعر حاجبه = لما يعترف بالخطاء ويقول انه اخطاء وتاب
بياع الحسب والنسب من ذي قالي ناسبه = زوجته بسمراء وهو مايسوى لسمراء حجاب
لكن ون تزوج بها هو عازب وهي عازبه = اولها زواجه رضأ واخرها زجئ وغتصاب
يابو هند ماضنها فيكم راضيه راغبه = ماهل من عجيب الزمن زوجش واحمامه غراب
هي عذراء ومن شافها بايظن انها شايبه = واثنعشر سنه عمرها في اول نمو الشباب
طارش بن محمد وصل والهاجس عمل واجبه = شغل تكنلوجيته في راسي وصاغ الجواب
الحمري نسي من هو يالومي على شاربه = عاده امس بين الرقع وتساكا له اليوم شاب
ماظنه بقوله مجد من قلبه ومن قالبه = انه بايناطح جبل مثلي شامخاته صلاب
هو وينه وانا ويننا وينه من حمم لا هبه = حمراء نار بركانها تتفجر وترمي شهاب
ماهل يوم شفته يتيم اظطريت بالا عبه = علمته اصول الرماء وان قد صابني بالحراب
ربيت الحنش في يدي وتسممت من مذربه = وتبنى صغير النمر وان قد عضني بالنياب
والحمري سألني وانا بووضاح باجاوبه = كلمة حق باقولها لو فيها قطيع الرقاب
اول فصل ذي قلت لي لا تمشون في موكبه = لا تستعملونه لكم شماعه لحمل الثياب
انتوا له مثابة حصئ بالكليه وفي حالبه = مافي اي موقف لكم إلا ليلة الانتخاب
ماهل ان مليت المسب ولا ما انتشي ناخبه = ماتعطونه اصواتكم إلا لمتلين الجعاب
والله انه بريئ منكم لا لومه ولا عاتبه = لو سارع وقطع لكم من طول السُبل والذناب
ابلاء من بلانا بكم يالعقليه الخاربه = أسسنا ونبني لكم والباني دياره خراب
قد كنا علينا العجب لا راهب ولا راهبه = ما فايدتنا منكم غير الشعوذه والجذاب
نورتوا تعز من عدن والابراج لا ماربه = لاشرعب ولا الزيديه لاموديه ولما وصاب
وانته المحكمه والحكم تحكم بالخطاء والصواب
ماقلته على روؤسنا ذي مايلتزم أدبه = ذي مايحترم كلمتك تنزل فيه شد العقاب
هم يتقنصون الفرص وانته نيتك طيبه = احذرهم ومن لم يكن ذيباً يأكلوه الذياب
لو ما خذ نصيب الاسد ماسوى لنا شابه = ونته كيف بانوصلك او يوصل اليك الخطاب
أرجوا اننا ياحسين أتوفقت في الاجوبه = والتهديد ماينفعك مايسقيك كاسة شراب
وجهات النظر بيننا وراء غير متقاربه = رئيك يمتدح للخطاء وحنا رئينا لنشجاب
اما الصمبحي ذاك هو لوهو ثور سير احلبه = لكني على ما اعهده فهد اسود ملك كل غاب
يحسين احترم صاحبك محد يحتقر صاحبه = وحفظ بندقك في يدك لا ترمي ولجوى ضباب
ولي راح تحت الصلى بعده لاوهي حاطبه = اصبحنا قفئ مارحل لقمه بارده للكلاب
وختمها بذكر النبي ممسه وصبحه شاربه = وتغنت عصافيرها بعلاو الغصون الرطاب
|