[علي المفلحي]

نشتي نكحلها عورنا عينها
ازمه صنعناها من الحل الصحيح

ازمه تعامل ماعرفنا شانها
ولا رعيناها في اللغو الفصيح

هل هو غبي فكري يصيب اعيانها
ام فعل متعمد يخلينا كسيح

اين الخلل شيرو لنا من بينها
من الذي ادماء لنا القلب الجريح

هل هو التسرع واختطاف اثمانها
ام التلكئ والتعاطي ع الشحيح

ام ذا وهاذاك السبب ربانها
كلن يشد بانكار لاخر والقديح

الكل استقلال حدد شانها
والكل مجمع ع الوثائق بالصريح

البعض ع الهيئات يسال اينها
وموتمر شرطه ومن ارضه يصيح

والاخر المرسال عوق ما نهاء
دفع بالاول ان يدويها صريح

محاضره تشهد على اعيانها
وحجته في طرح متمكن صحيح

سوء التصرف ضاعفت ادرانها
وسببت امراض موروثه قبيح

تشتي توحد فرقت شبانها
بعدالتقارب اصبح المنجز طريح

والشعب ايد للخطاء مادانها
بل زاد يتعصب مع المخطى يصيح

والحل اقرار الخطاء عنوانها
بالعقل والحكمه بلا كثر المديح

لاحزب لاقريه تقرر شانها
ولاجماعه تنفرد فوق الصفيح

نصحح الاخطاء مهما كانها
ونعدل المعووج بالروح السميح

الكل في واحد نشد اركانها
جنوب واستقلال بالنهج الصحيح

نرسم معاناة الوطن بالوانها
لوحه جميله تعكس الروح المليح

نعزف طقوس الحريه بالحانها
شهيدنا في وسط قبره يستريح

كهول تتحرك معا فتيانها
مسيرة التحرير سلمي او قريح