الحزب جنحه الجنوبي انكسر
ذي كان به طاقوس متبختر يسير
واليوم بالجنح الشمالي استمر
معاق متواطئ مع الجنح القصير
ماينفعه ذيله بطوله ذي ظهر
اعاق من مشيه ولايقدر يطير
شعب الجنوب الحرعنكم قدصبر
واليوم موتو ياعديمين الضمير
ابعد كفانا شر يا خس البقر
ذي كرشها معروف للعالم كبير
امضئ سنينه في نضاله ماقصر
رجع مقر واحد وقد كان الشهير
للعلم بيحارب بنهجه قد ظهر
ع الجامعه اجر وهذا مايصير
كمبرس في جولة صياعه قدحضر
ديكور شماعه ومسرج للحمير
بالامس للوحده بيده قد حفر
واليوم فيها قد وقع في وسط بير
حراكنا سلمي ولو طاله حجر
با مشش الشوعي عدوي الكبير
اسحب رفاقك من حوار الموتمر
من قبل ان تصبح هدفنا بالاخير
الحق نور والسحب ترجع مطر
والسيل دفر في ربئ لحج الخضير
وانته توخر من جنوبي الاقر
ياشين اعور منت بالعشره جدير