[الكوكني ابو مافيش]

المشاركة الأصلية كتبت بواسطة أبو عامر اليافعي

كل الجهات التي تشكو اليهم ماراح ينفعوك بشيء ياكوكني لان الفاتح حطهم في الجيب وحتى قراراتهم كلفتهم بها وخلاها حبر على ورق ويمكن الحبر ماعاد فيه موجود .
اما الاعضاء الذي يحبوا المناجمة فوالله اننا تعبنا منهم ياعم كوكني هل معك طريقة لمعالجة هذه المشكلة ؟
وبعدين ليش تحبطنا ياعم كوكني ؟
كيف ماراح يتفقوا قادتنا وليش مايتفقوا ؟
لهم تجربة كبيرة في السياسة مش معقول مش فاهمين اللعبة السياسية .
مايدريك انهم يلعبوا ادوار بينهم ؟
والروتي اللي تشكي منه هذا دليل على انك رجعي ومتخلف وماتدري ان الريجيم للروتي يعتبر ظاهرة صحية فالعالم يشكو من السمنة وتبذل اموال طائلة لاجل التخسيس والروتي شفت ما احلاه رشاقة ودلال وجمال مثل غصن البان .
اتقي الله وقل الحمد لله على حكومة الفاتح ومحرر الجنوب من الاستعمار وهادي الجنوب الى الاسلام.

والله شوف يا ابو عامر كل الي قلت انا بشتكي لهم عندهم قاعدة يمشو فيها وهي انه الحاكم لزم يكون على الكرسي وعلى الأرض لكن علي عبدالله صالح على الكرسي في صنعاء ومعك مثلا صعده وأجزاء من بعض المحافظات في الشمال ماله إي سيطرة عليها وعندك في الجنوب ست محافظات فقط في المدن الرئيسة باقي من الأمن تقريبا خمسين في الميه يعني هولا الزعماء يشوفون القوه مع من مع الشخص الجالس فوق الكرسي او الجالس على الأرض فانا أشوف انه الحراك الجنوبي على الأرض والفاتح علي عبدالله على الكرسي لكن مع من يتفاوض الغرب او مع من يتحاور لانه مافي قياده كل واحد يقول انا لي الحق ان اكون رئيس للجنوب وكل واحد معه حق لانه خرج بمشكله والمشكله انه مافي واحد فيهم شرعي ولا احد فيهم انتخبه الشعب لهذا كل واحد يغرد من عشه ومسكين الشعب اما بخصوص انهم يتبادلون ادوار صدقنا اللعب كشاف اليوم وانا قدنا باقي لي قليل وبعلن أنظامي للحراك الجنوبي وصدقنا يوم أعلن انا انضمامي للحراك الجنوبي صدقنا هولا كلهم بيتبخرون لاتهم ما رضوش يسدون بينهم مشاكل من يوم هم صغار من ايام شبابهم والمثل يقول لك يا صاحبي العلم في الصغر كالنقش على الحجر لهذا الحقد والغل مالي قلوبهم صدقنا مافيش مثل قلب عمك الكوكني صح انا شيبه ولكن قلبي اخضر والمشكل الآن البيض قال رائيه خضرها وخايف على قلبي يرجع اسود لزم انهم يسدو ويخرجو لهم بحل لانهم كذا تعبونا بصراحه
لكن بيني وبينك احنا طبعا وبصفتي انا موظف كبير في دوله الفاتح علي فاتح عدن العظيم وناشر الدين الاسلامي في جنوب الجزيره العربيه نحن وطبعا بصفتي الحكوميه اكلمك احنا مرتاحين من انهم الجماعه بينهم مشاكل لانه بكذا احنا مستفيدين مافيش غير الهبر وكل واحد مننا نحن الموظفين مع الفاتح العظيم حصل له كم مليون وكل ما قدم مسئول مننا طلب قال له الفاتح ابشر لانه خائف اننا ننظم الى الحراك لكن بيني وبينكم انا قدنا ضبحان وشكلي خلاص بقرر بالقريب العاجل الدخول الى الحراك وبعدين لا احد يجي يسالنا فين الهكبه والشنطه عند مين لاننا مراح اكشف بعدين بيكون اللعب غميضان ومن حصل صاحبه شبله وبيني وبينك يا ابو عامر لا تكشفش ولا تقول انه انا قلت لكم الجماعه يقولون لك اول حاجه ننزل علي عبدالله صالح ونطلع بن الاحمر وبعدين نحن بنتحرك يعني شوف عقولهم السياسيه كيف بتفكر والمشكله انهم من الماضي ما تعلموش لعبو عليهم الاخوه الوافيدن الشرجبي وعشيش وعبدالفاتح ومكانهم مقفلين بس ماعليك مع عمك الكوكني المفتاح
يعني الجماعه بيصلحو لنا فلم هندي ولفه كبيره قده الشارع كله بقران مثل عمك الكوكني والشعب كله يصيح وهم جالسين يتصايحو يفكرون انهم بيرجعون يحكومنا مثل اول وبنقول لهم لا صوت يعلو على صوت الحزب الان هم او غيرهم يعني حتى عمكم الكوكني يوم بيحكم ويكون رئيس هو رئيس بس قدام العالم لكن انا بكون خادم لشعب الجنوب وبالنبسه للروتي يا اخي لو معك في البيت عشره اشخاص راح تتمني انه ما عمل رجيم لانه القرص بعشره ريال والراتب عشرين الف المشكله انه البعض ما يحس بالروتي لانه ياكل خبز معاكم فلوس ربي يفتح عليكم لكن الضباحا همهم الروتي وخليه يفتهم لك يا يافعي انا عارف انك تحصل دعم من الملكة الايزبيت وانك تتعشي كبده مش مثل عمك الكوكني ياكل مع الشعب اما بخصوص قولك اننا اتقى الله فانا عرفت الاسلام مع دخول الفاتح علي وشفت ودائم اسمع العلماء الاجلاء مثل الديملي والزنداني وغيرهم بارك الله فيهم هولاء بفضلهم دخل الفاتح علي وحرق مصنع البيره لو كان صلحه مصنع اسبرت كان بيوفر للمستشفيات معقم