التيارالثالث وحوارية شعرية مع الشاعرالحرأحمد فؤادنجم
إزاى احبك يابلد وانتى مش حبانى
إزاي أعيش وأموت وأندفن في أرض رفضاني
بنام وأحلم ببكرة الأقي بكرة زود أحزاني
أه يا بلد لو بإيدي كنت أهدك وابنيكى من تانى
بيقولك تعديل دستوري إحنا عايزين تعديل إنساني
كل إنجازات البلد أنفاق وكباري
بلد بتموت وشعب فى حالة سكوت وكانها لعبة اتارى
من كتر الظلم والضلمة بقول ياريت ايام الملك والانجليز ترجع تانى
أه يا بلد مليت بحبك الدفاتر مع العلم أنك قتلاني
مين اللي قال أن عبارة السلام غرقت
ومين اللي قال أن ممدوح إسماعيل قاتل وجاني
اللي غرقت مصر واللي غرق ما بيطلعش حى تانى
هو يطلع من صالة كبار الزوار وأنا اتحبس في سجن المطار واتعرض علي البحث الجنائي
انا اللي من صغري أخترتك سكتي أتريها سكة أحزاني
أنا اللي من صغري أخترتك كلمتي ألاقيكي مقيداني
أه يا بلد نفسي قبل ما أموت الاقي زمانك وزمانى
إتغربت أكتر من سبع سنين ورجعت لاقيت الغربة هنا شكل تانى
بلد بتعاني بكل المعاني بكياني وانا أملى أحس بكيانى
عشرين سنة مخلص محبوس بين جدران دكاني
نفسي أعيش من غير ما أنافق السلطان والسلطاني
نفسي أعيش من غير ما أنافق ولا حتي أبويا اللي رباني
بكرة نتحاسبو علي السكوت وعلي العيشة العميانى
إبني مكملش سنتين نايم جنب مني بيشد في شعري ويحط صبعه في وداني
ويضربني بالقلم ولسان حاله بيقول ليه يابا خلفت تاني
وأنا في سري بأقول ياريتك يا أحمد يابني ياباني إبن ياباني
مع إن وجودك في الدنيا عمل فيا وخلاني
أحب البلد أكتر وأهد جدران دكاني
شيخ الأزهر بيقول المعارضة حرام
وانا نفسى أعرف آية الحلال فى بلد الميت مليون حرام .
إنتهت قصيدة الشاعر أحمد فؤاد نجم وكما أسلفت لقد تفاعلت معها وكتبت ماكتبت وأستميحكم عذرا للفارق مابين ماكتبة الشاعر وماسأكتبة إلا أن المعاناة والشعوربالظلم تكاد تكون متساوية..والإضافة تقول:
أنا برضه يــــاعـــم أتألم وأعاني
سارقين تاريخي وأرضي وكياني
أرضي إللي فيها تولدت وإندفــن
جدي وأبويا وعاش عمي وخالي
أناجنوبــي والعـــالــم فاكــرنـــي
نشرت الرسالة قــرآن ومعـــاني
آه لوتعرف مين هو حـــــاكــمــني
شاويش ظلالي نــصـاب حرامي
قــتــل ولادي شـــرد صــحـــابي
وبكره أحاسبه على اللي جرى لي
وأبنــيــها دولــة شكــلــها تــانــي
دوله حضـارة بـنـظـام إنســانـــي
|