[ابوليث الشعيبي]

قال المثل دوم خذ من بندقك جره=وصاحبك جربه مره وانه بان
ايضآ وقال المثل لاتثني الكره=يكفي الحليم الاشاره كن فتى فهمان
شف مايفيد الندم ايضآ ولا الحسره=ولاتفيد الزياده لو حصل نقصان
يقول ذي رادف الحنه كثر صبره=قد يفهموا الناس هذا الصبر من خذلان
والضغط اذا زاد فوق الحد بالمره=قد تنفجر شحنته وتهدم البنيان
لو شفت مغرور كم ياناس مغتره=وناس متملقين يساندوا الغلطان
الصدق مفقود قالوا كلمته مره=وصاحب الصدق قالوا له رجل هذيان
اناس ثملا متى يصحوا من السكره=صاروا مصابين بالغثيان والادمان
علاجهم صعب بالاقراص والابره=وبالجراحه وبتر اليد والسيقان
با اسألك يازمن من حب هل يكره=لومن نحبه كفر بالحب وايضآ خان
وهل يكون يازمن الحب من نظره=لوكان هذا فكيف بالحب مع العميان
ذي مايشوف الجمل مايبصر الذره=والحيد مايطلعه عاجز ولا كسلان
كلام مفهوم مايحتاج الى شفره=وحل للغاز في ايديك يافهمان