هذا زامل بعد مقتل محسن دعمان النسي على يد عصابات النهب والجريمه المنظمه في الجوف دون سبب غير انه كان يحاول ان يسترد سيارته التي سرقوها من امام بيته في شبوه
ومن هذا المنبر نقول لهل شبوه بيض الله وجيهكم على وقفتكم المشرفه التي تسجل للتاريخ
اما بني هلال لا شكر على واجب وهذه زواملي وقلت
القيل خو تركي سلام اربع ميه
........................ وربع لدبلها على الجمع الفغير
واليوم يا روس الشوامخ هللي
................شوفي ضعيف النفس والشرع القصير
سارق ومتقطع قليل الخاتمه
.........................لا يملك الذمه ولا عنده ضمير
ماحد يشوفه بس فعله ينذكر
..........................وفعله فساله للرفاقه والصبير
ان جيت له بالوجه مابا يقابلك
.................... وان جيت له بالمكر لا والله مكير
اغلب بطولاته تحت جنح الظلام
......................ويقول با سوي وقد ليلي ستير
ما يدري ان الليل لازم ينجلي
...................والصبح با يكشف بطولات الحقير
لا بد ما يندم على ما قد جرى
........................يدفع ثمنها هو وربعه والقطير
وش كلفه يدخلات مغارات الاسد
.........................ذي يهز القاع بصياح وزئير
معاد له في الجوف مشبر يشبره
.........................الا بعد موته وراسه ما يطير
يا النذل لا والله ضويتك جيت لك
.....................وخل الزيود تقول ما لك يا خبير
لا بد من راسك ولو طال الزمن
.....................وحكام تتحدش على راس الكبير
القبيله ما حد غبي من شرعها
........................اعرافها تحكم بتحديد المصير
ذا قول ذي يبدع ودارس زامله
.................ما هوب ذي يرجع ولا ذي يستشير
عنده هواجس فذ شاعر شركسي
......................هاجس وفصلنا ثيابه من حرير
اصله هلالي والنسيين اخوته
...................... نيرانهم تدهر على لعداء دهير
ان حد يبا بالطيب بالمشي معه
...................وان حد نوا للشر ما بيشوف خير
__________________
يمننوني وانا ماني يماني يمنوني وانا من عرب شبه الجزيرة
|