((قبل الغرق))
للشاعر مطيع المردعي
13/7/2016
بعد الغسق لابد ما ياتي شفق
والليل لضلم عاد من بعده نهار
كم هي فرق في داخل الساحه طلق
لكنها ما تمتلك سلطة قراااااار
قبل الغرق ياقادتي قبل الغرق
نحتاج ثوره ثانيه مافي خيااااار
نجمع بها صف الجنوبي ينطلق
من دونها لا تحلموا بالانتصاااار
البعض بادر في سلاحه والتحق
في كل جبهه واجه الغازي وثار
والبعض صكر باب بيته بالحلق
كأن ماله بالوطن اسره وداااار
من به سمق يصبح ضحيه للسمق
ومن ذرئ حيله حصد فيها بوار
يسقط كما تسقط من العود الورق
لوجفت اغصان الشجر والصيف حار
الحريه بالدم تاتي واااااالعرق
من حبها ضحي بروحه والضماااار
ما با يحصلها هديه في طبق
من بلطجي صنعاء ومن حوثي ذمار
ماشي زعل والحق ما منه حنق
مافي بها يمنه ولأ. فيها يسااااار
الموت اشرف . للعميل المرتزق
ذي ما على دينه وعن ارضه يغار
ومن يحاول يغلب الباطل لحق
والحق باطل يلحقه خزيا" وعار
للعيش ساعه واحده ما يستحق
اصبح وجوده. للاسف معدي وضار
نحنا وصلنا بالطرق لا مفترق
والخوف نذبح فوق طاولة الحوار
لو ما حسمنا امرنا قبل الشرق
عادة لنا ام الكبائر بالمزااار
نحن الذي بانجبر العالم يثق
فينا ويقبلنا الاشقاء والجوار
ما تبنى الدوله بتكبير الخرق
يبقى لها وحدة قياده باختصار
شرحت عن سر المخاوف والغلق
واشياء كثيره عادها. خلف الستار
والختم صلوا عد مالبارق برق
على محمد والرسول المستخار
|