ياخوي بكتب لك وصاياء واضحه
في نص عنوانه مفاتيح النجاح
الاوله لازم حضور الفاتحه
لب الندا لاقال حيى على الفلاح
وبها استعن شفها تجاره رابحه
فيها السعاده والتفوق والصلاح
والثانيه دنياء تراها رايحه
لا لا تغرك بالمزايين الملاح
ولاتفكر في هموم البارحه
ولاتندم خل ماقد راح راح
والثالثه صاحبك لاخطى سامحه
لاجاك متندم وطالب للسماح
لامد يده مد يدك صافحه
لالاترده طير مكسور الجناح
والرابعه ضيفك بضمن اللائحه
كافح في الدنياء على شانه كفاح
واخسر ولوحتى خساره فادحه
واذبح في عيال السمينه والمناح
والخامسه في خوك دايم ناصحه
واصبر ولو حتى عليك اخطى وصاح
مايعتذر بيجيك لامست قارحه
لاحان فالميدان تعمير السلاح
والسادسه اهل النواياء الصالحه
خلك معاهم ليل ولا في صباح
صاحب في الدنياء الرجال الناجحه
وابعدعن اصحاب المشاكل والصياح
والسابعه صاحبك دايم صارحه
ولاتكثر في كلامك والمزاح
واحذرمن الكلمات ذي هي جارحه
شفها كما طعن الجنابي والرماح/
|