(((💎 جواهر💎 الادب 💎
))
قصيدة روعة
لسالم باكر
من اصحاب خورة
(((💎 جواهر💎 الادب 💎
))
ابشرك ياســـالم الحال سـالم
بفضل ربــي والنوايـا السليمة
العــمر فسحه والليالي غـنايم
والعافية ياســالم اكبر غنيمــه
والنصر حــلم الـكل والكل حالم
والياس في كـل المواقف هزيمه
اهـــل المكارم يزرعون المكارم
واهل الشتايم يحصدون الشتيمه
والعدل مايــأتي على يد ظالم
وكل ظالم لــه نهايـة وخيمه
ولاغنــى دايم ولا فقــر دايم
والعــز عنوان الحياة الكريمه
والمعرفة سلطان والعقل حاكم
والصبر ميزان العقول الحكيمه
والناس يا ابن الناس جاهل وعالم
هـــذا يهد اسمه وهــذا يقيمه
به نـــاس يتفهم وهو غير فاهم
وناس فاهم.. بس مثل البهيمه
تلقــاه في الدنيا عليها يزاحم
ولايميز صـاحبه من غــريمه
وناس في وجهك يقيم الولايم
وفي غيـــابك ينتفك بالنميمه
وناس في الظاهر مصلي وصايم
والباطنه ماغير ربــي عليمه
وناس لو حامت عليه الحوايم
بأســه شديد وهمته و العزيمه
يصون وجهه من سواد اللوايم
ولايفرط في صـــداقة حميمه
وهكذا يابــوك حــال الاوادم
الادمي ماهو بجسماه وديمــه
به ناس دايم في حياته مساهم
وناس ياســالم حياته جــريمه
شتان مابين الجبــل والتهايم
وفرق بين المثمره والعقيمه
يارب لحيه تنحلق بالـــدراهم
ورب لحية ماتقـــدر بقيمه
(((💎 جواهر💎 الادب 💎
))