قـــال الجنـــوبي مانريد الوحـــده
نشتي براميـــل الشريجه والســـور
لاريـــد بن لحمـــر ولاتشتي جـــده
طرطـــور ذي عاده معاهم طرطـــور
كلـــن يصل لاحيـث توصـــل يـــده
مافي تراجــع عالهـــدف او تأخــور
ذي شلنـــا بــاب اليمـــن والســـده
طمبـــور من صدق كلامــه طمبـــور
لامفتــي الاصــلاح يــوفي وعـــده
ولا وحيـــد القـــرن او بن حبتـــور
شعب الجنــوب الحـر يعــرف حــده
معــذور من يجهل كلامي معـــذور
تحـــرير واستقـــلال واضـح بنــده
لا اقلمـــه لا فـــدرله لاطــابـــور
ماشي من المحتل فــرج من عنــده
دستــور من دستـور داخل دستـور
والأب ذي فـــارغ فلـــذة كبـــده
نقـــول بارك عبـــدربه منصـــور
وصلتهـــم صنعـــاء بليلة وحـــده
مشكـور يالشعب الجنوبي مشكـور
كــلا ولا ماحـــد يهــرول بعـــده
والفــخ من تحت الكراسي محفـور
ياشعبنــا كلــن بيـــوفي عهـــده
محجـور من وحدة ابوهم محجــور
|