اقعطبه بايجي من الضالع نبأ
بتسمعينه صوت يدوي من سناح
باتسمعينه صوت عالي والصدى
يلجب على كل الشوامخ والضياح
كل الجنوب اليوم للضالع اتى
بزحف كالطوفان به اعتى الرياح
قولي لصنعاء اننا من هاهنا
من قلعة الابطال حيث الدم ساح
ان الجنوبي مرحله اخرى بدأ
فيها لغة اخرى يترجمها السلاح
ون الجنوبي مابيرجع للوراء
محال يرجع امس ذي ولي وراح
من هاهنا بنذيق لعداء الردى
ودرس لارحمه ولاشي به مزاح
قولي لصنعاء لا ولن تذهب سدى
دماء خضراء عاد اثرها بالوشاح
لاتعتقد صنعاء بنسمعها البكاء
لو نصنا بيموت لن تسمع نواح
ماتسمع ألا صوت يوصل للمدى
نيران تلعج في سماها قاح قاح
واسود تنهش لحم ماتنهش شوى
ماتسمع الا اضباع عاويها نباح
اسود باتجتاح ماتخلي لواء
والارض باتجتاحها شر اجتياح
من بعدها باينجلي ليل الدجى
وللحرية يشرق في الضالع صباح
اليوم نعلنها هنا ماشي بقاء
لضبعاها صنعاء ولجعر والرباح
ونقل لصنعاء لا ولا والفين لا
مانقبل الترقيع او دمل الجراح
ماعندنا إلا حل ماغيره سوى
تحرير واستقلال ذا الحل المتاح
ماشي تقع وحدة بها ماشي رضا
و منها قنع شعبي دفنها واستراح
ما منها إلا الويل شفنا والبلا
ومعرف ذي قطب ريشها والجناح
لافايدة ماشي بنا تأسوا رخا
لو بن عمر يعوي لنا من اصت داح
مهما يكحلها مصابه بالعمى
وماتنفعه وصفه تحضرها سجاح
ماحل إلا البتر ماينفع دواء
ولابينفع حقن بامصال اللقاح
الداء تفشي في كبدها والكلى
وعضمها اصبح هش مبلي بالكساح
ونهو يبي يزرع بلا رحنا لها
ذي ماتجي بالسلم باتجي بالسلاح