قصيده مؤلمه للحبيب نصر الحبشي في اخوه الشهيد محمد الحبشي الذي استشهد ليلة راس السنه لعام ٢٠١٣-١-١
برصاص قوات الامن المركزي في مدينة شبوه هو ورفيقه الشهيد محمد الخليفي
.........
حسيت جرح الزير في مقتل كليب .....
حسيت فعلاً صدمته وانصدامه
ح...سيت في حزنه وقهره بترتيب .....
وحسيت معنى ماتريد اليمامه
عانيت نفس الحزن كربه وتلهيب
ونيران ماتطفىء ليوم القيامه
حكم القدر مافيه شكً ولاريب
وراضي بما قّدر الآهي وقامه
صارت حياتي بعد بوسيف تعذيب
حسره على حسره وهم وندامه
صدمه عظيمه بعدها كيف باطيب
والحزن في جسمي يدقدق عظامه
ياخوي دمعي من فراقك مساكيب
والقلب ينزف من ونينه بدامه
كل الحواس الخمس بعدك مساليب
حزني على بعدك سلبهن تمامه
ياشوقني لك شوق هز المصاليب
وخلاء الجبال الشامخه في ركامه
ياشوقني شوفك وضمك بترحيب
واشتم ريحك دي فقدت اشتمامه
حزن المخوه غير حزن المقاريب
ماينوصف مهما تردد كلامه
مالوم نفسي لو خذته التناحيب
ماعاد لي باقي يزيد اهتمامه
في عيني الدنيا غدت مثل مكريب
وحزن البشر كله بقلبي زحامه
ياويل حالي من ليالي مغاريب
لحظاتها مثل الرماح وسهامه
قلبي تكوى من زمان الثعاليب
ذي تغدر اذياب الخلاء في سلامه
والذيب مايفسل ومشهود الذيب
لولا الحّيل والغدر سم الشهامه
كبدي ضمآنه ماروتها المشاريب
لو تشرب بحور ورشاش الجهامه
ماترتوي مادام جرح المخاليب
فيها مأبّد عمقه من بهامه
ياميم مابنسالك لين المتاريب
تدفن ثرى جسمي لحوم وعضامه
ياحاء حلف قلبي بدون المسابيب
ماعاد يتهناء بعيش وكرامه
ياميم لك مني عهود المحاسيب
واللي حسب تالي يطلع رقامه
ويادال دونه لوسكنت الغياهيب
او تم من دونه حياة الهيامه
ماعذر من حنب يقع في المحانيب
ويطيح ماتقدر تشله قدامه
ياجوء غيمك ماتخلد مكاتيب
لابد ماتصفى جميع الغيامه
__________________
الفجر الباسم قادم من قلب الليل الجاثم
وربيع الامة ات من بعد شتاء قاتم
|