21 فبراير
بديت بسم الله ربي العالم بكل شــــــــــــــي
العالم بالذي قد كان والعالم باللي بايكـــــــــــــــــــون
العالم بظاهر وخافي عليه ماشي يختفـــــــي
معين المظلوم ناصر ذي هم عليه يتوكلـــــــــــــــــون
والفي صلاه الله على احمد النبي الهاشمــــي
رطبوا لسنكم بذكره ياللي انتم تسمعـــــــــــــــــــون
اليوم يوم التسامح طوينا فيه كل دفتـر ردي
واللي خرجوا مننا ماعذر يوم بايندمــــــــــــــــــــــون
نبي ننسي عيف ماضي والعيفه ماباتنتســــي
لكن لجل الجنوب قلنا كل شي لاجله يهـــــــــــــــون
واللي مصر عا بيع اهله لاتحسبون انه وفــي
قنعوا منه تقنعوا والقنع منه سكـــــــــــــــــــــــــــون
ويش باقول في قوم لاتوفي ولاهي تستحـي
فعالها كله مناكر افعال تحير بالذهـــــــــــــــــــــــــون
انا لي راي وباقوله صدق ولا نا باستحــــي
انا لي حق وباجيبه ويكون اللي بايكـــــــــــــــــــــون
يامجلس الامن وينك ميزانك نشوفه هفــــي
ماتنكرون المناكر والا على الجنوبي تتامرون
يابن عمر يكفي ويكفي ماقد حل بــــــــــــي
عشرين سنه والقوم من خير الارض ينهبــــــــــــون
انا لي ارض اوفيها وباضحي بكل شــــــــي
ولاحسوفه ع الذي باعوا ولا ع اللي يشتـــــــــــــرون
ونا باطالب بحقي وحقي غصبا بايجــــــــي
وبعد اليوم مابسمح لعصابه منه ينهبــــــــــــــــــــون
يبونها بالغصب وحده وحده سارق مفتـــــــري
بهدلت بنا نكلت بنا جابت لنا حتى الجنــــــــــــــــون
لاتجبروني على وحده مع سارق مفتــــــــري
خس وحده مع الحمران لاقد كلوا مايشبعـــــــــــــــــــون
يابو عقال صبرك الدور عندك بايجـــــــي
خائف لا قد جاك الدور والله تبكي شنــــــــــــــــــــــون
ردوا نفسكم نصيحه لاتساعدون كل باطلــــي
وكل من ساعد على الباطل ياغبونه بالغبـــــــــــــــون
وان كان قصدكم ثاني باشوف ماعندي ولي
بادخل في حساب معكم من الحق لاتزعلــــــــــــــون
البلق هو والشروره والوديعه ملك لـــــــــي
وكل شبر في جنوبي عليه باتتحاسبـــــــــــــــــــــــون
لاترغموني ع التحاور مع من هو جاهل غبـــــــي
و نحن الذين خلينا بونقرز يتشـــــــــــــــــــــــــاردون
قوم ماتؤمن بالتحاور تؤمن بنارالقامــــــزي
ولاينفع معهم تفاوض هم قوم ما يتامنــــــــــــــــــــون
وان تبون ندخل التحاور البيض يمثل دولتـــي
وبغير هذا مابقبل مع الذي هم يتحــــــــــــــــاورون
يهددونا بالقبوله نسيوا التاريخ الاولــــــــي
ماقروا التاريخ في البيضا عند لي هم يكتبــــــــــــــون
بن علوان نعرفهم لاهم شي ولا بعض شــــــي
فلاحتهم في الخيانه والغدر لما يغــــــــــــــــــــــدرون
بطّلنا من الوحده واليوم معادنا وحــــدوي
بعد ماذقت من الوحده ويل بكاسات المنـــــــــــــــــون
ويقول بن وبران هيا بالمجلي حن ياهاجســــــي
باعلوان قدامك شفهم قوم مايستحــــــــــــــــــــون
يالله شد الحيل يالله يالبعير الدوســـــــــري
مادريت اهل المعاصر نووا نووا عليك بايعصرون
ويالله يارجال الجنوب هيا على الباري اتوكلــــــي
عطوا باعلوان درسه وخلوا قومه يعقلــــــــــــــــــــون
يابراكين عدن ثوري و يازلازل زلزلــــــي
وياضارب ضرب ضربه بين الحواجب والعيــــــــون
معنا رجال في كل موقع رجال المحاجي باتجـــي
ومن كل حدب وصوب رجال جم باينسلــــــــــــــــون
لطرد المحتل يالله ياالفوارس اتجهـــــزي
انتوا رجال الموت وانتوا للموت ع تتسابقــــــــــــون
شوفوا النصر صبر ساعه والخير كله بايجي
وحياه العز بانعيشه من بعد كل غبن وهــــــــــــــــــــون
بوصي عيالي في جنوبي وهذا عهد في ذمتي
وله باسوس مباني وحصن من خير الحصــــون
والخاتمه صلوا على احمد النبي الهاشمـــي
شفيع امته في يوم لا مال ينفع ولا بنــــــــــــــــــــون
صالح سعيد وبران
21/فبراير/2013
__________________
وقت اْلرخاْ لو نساْني صاْحبي عاْديّ
بــاْكــر تجيــبہۣ لــي اْلايـــاْم وتــردهْ
طبــعي كـــذاْ مـن يــــوم ميــلاديّ
اْغـيب وقت اْلرخــاْ واْبــاْن بـ اْلشـدهْ
|