[علي المفلحي]

بسم الله ابدا والحذر ثم الحذر
من دعوة المظلوم تهويك السعير

يامجلس الامن افتنا ايش الخبر
كيف انتكس ميزانكم نحو الخبير

ساويتم الجلاد بالرمز الاقر
ولا سمعتم صرخت الشعب الغفير

رئيسنا ماله علاقه بالخبر
لاحط توقيعه ولم ير_سل سفير

مقصي ومنفي بالدول ماله مقر
ومنزله محتل به فتوئ امير

حميد يحتله واخوانه جبر
ناهب ويتشدق بااملاك العشير

قراركم باطل وفعلتكم امر
والظلم علمظلوم من حاكم مرير

القات ذي خزن معاهم بن عمر
خلاه اللعوبه وللاحمر غفير

لاقال كلمة حق ولا وجهة نظر
ناقل ملقن مثلما لبهر ضرير

لحمر ولخضر واختتمها ذي حضر
لاعدل لاانصاف لا ذرة ضمير

لاهمهم مليون للساحه دفر
ولا من استشهد ولامنهو اسير

ولانساء تقتل حوامل والاسر
والشاب والشبه مع الطفل الصغير

المصلحه تظلم وداعمهم قطر
وامرنا للاه ندعي علاجير

والختم كلمه مننا بالمختصر
نخاطب الاعماء وذي فيهم بصير

الشعب قرر يسقي الغازي صبر
باينتزع حقه ومن اكبر كبير

يفرض خياره فوق ارضه ذي سطر
ويرقم العالم على ركبه يسير

وحده جنوبي على ارقى الصور
نواجه الاعداء في الوضع الخطير

مبادره لاهل اليمن فيها سفر
واحنا لنا بالعدل تقرير المصير