[العميد علي محمد السعدي]

بك يا الاه الكون نبدع بقيفان
ياخالق الدنيا ومحصي عددها
انا ادعيك يا ربي ولعيان سهران
ابت عيني الا ان تلازم قهدها
من الهم في الدنيا شف القلب تعبان
وعيني طوال الليل تشكي رقدها
وبواجياب باهنهن وبارد بالدان
وباردد الالحان واكتب قصدها
كانت لنا في كفت الوزن ميزان
واليوم بعطي جائزه من يجدها
كانت سفيتنا محمل بمرجان
ومنها معيشتنا ولاحد حمدها
وربان مايعرف لديره وسكان
على كيف بايوصل سفينه بلدها
عهدا علي وخائن العهد لاكان
منساك حتى الروح تفرق جسدها
انا شارد التفكير لازلت حيران
اذا كان بيع الوالده من ولدها
وصلح لها زفه بمرفع وعيدان
وخان الرضاعه دي بصغره عهدها
ومن بعد ما راحت يصيح بالحزان
عرف ان مفهوم الحضانه فقدها
وباقي لها ابناء وحمران لعيان
طردهم اخوهم والوصايه فردها
ويارب جنبها حواسد وشيطان
واشفي مرضها دي عمد في كبدها
ويا بن مزيد بعض حاجات تبتان
وحتى الهواء والشمس عنها حسدها
وبحزيك من حاجه لها عدة الوان
اذا جوها صافي تقفل سددها
وانجابت الدنيا لها هم واشجان
تراء بابها مفتوح ماحد رددها
وصلوا على دي انزل له الله قران
ومن بعده الاوثان ماحد عبدها