منتديات الضالع بوابة الجنوب - دموع في ابين

يانفس واسيني وياعين ادمعــــــــي===وتنهدي يشواق من جور الحنين
يانار شبي في ضلوعي وشعلــــــي===جذوة بقايا جروح في القلب الحزين
ياباطلي من ماجرى ياباطلــــــــــــي===ياضيق حالي ياعذابي ياغبين
حواري عدن تبكي وصيرة تشتكــــي===ودموع في أبين وفالضالع أنين
عاللي قضا وللي هرب وللي بقـــي === بين الجوامع والمدارس نازحين
حمامة الخيسة متى تردي علـــــــي === وتخبريني عن وطن هو ضاع وين
ان ضاع في الوحده قل يالوحــــدوي=== بادوس عالوحده وكل الوحدوين
حمامة الخيسة نوحي وسجعــــــي === وتبلغي حقُات شوقي والحنين
وفرش جناحاتك سويعات العشــــــي === فوق الطويلة ورشهم بالياسمين
وعبر بين والكود حل السامـــــــــري=== ومسح دموع اللي يمسن ينحبين
قسم عيوني بينهم ون شي بقــــــي === خله وسل لايوم دحر المعتدين
وعبر عدن ميّح فوق البـــــــــــــادري=== مر المعلى وخور مكسر والدرين
وعمد على المنداة فوق الهاشمــــي === ونثر دموعي برد فوق الساكنين
وسكب لهم روحي لما تمتلــــــــــــي === كل الحواري الساكنة فوق الجبين
وشعل يديني شمع للكهرب طفـــــي === خذ من ضلوعي منوفة للصايمين
ون شي بقت لي عروق خذها والنبي=== داوي بها المجروح بين النازحين
زنجبار كله ينتحب والعوذلـــــــــــــــي===وديار باكازم بقت رملة وطين
لانامت الدنيا وغاب الــسامــــــــــري=== ونسنس الغربي وشتد الونين
عد الليالي والليالي تعدنــــــــــــــــي === وناللي عبر عمرة ميعد السنين
ويمر ليلي فوق خدي دمعتــــــــــــي === وسراج مايضوي وحبة اسبرين
لامر ذكرك ياعدن في خاطــــــــــــري=== تسقط نياط القلب من عالخافقين
بين الجوارح والحشى تتربعــــــــــــي===أتأمري في.. تدللي اش تطلبين
لو تطلبين الشمس بيمينك خــــــــذي===والبدر باليسرى..بس تأشرين
يالديمنة يللي علينا تظللـــــــــــــــــي===يابوي انا كل ماكبرتي تسحرين
ون شي انكسر منك غصن ولا غسي===ماتنكسر الا غصون الياسمين
ون هز جذعك يالمليحة بلطجــــــــــي=== عاد الجند متماسكة لاتيأسين
ملّى الشواعف والاذيـــــــــــة والاذي=== ولا صبية ماوصلتي الأربعين
ون الذهب يبقى ذهب مهما بلـــــــــ === ون شي وهن العيب عيب الصايغين
والشهر يخسف حين قرصه يستـــوي=== ومايرجمو الا الشجار المثمرين
والله لو بيدي سقيتك من دمـــــــــــي === يالوافية للبهذلة ماتستخين
في كل حارة وحي ذكرى تختبـــــــي === لحباب راحو . آااه يالوقت اللعين
في كل حبة رمل تلقى بصمتـــــــــي === وبكل شقفة طين تتبادى السنين
في كل ضحكة طفل تلقى ضحكتـــي === من اي دمعة يتم يومي قد يحين
ليت الليالي والقمر والسامـــــــــــري=== والناس والأيام ترجع والسنين
وتعود ايام الموالد والهـــــــــــــــــدي=== والزار والزاوية والمستدخلين
أبان والسبعة وعيدروس التقـــــــــي=== يهل الكرامة لأوليا الصالحين
زمان واهابوي كنا نشتــــــــــــــــري=== عند الشحاري رطل حلوى بعانتين
كانت لنا ايام مابتنتســـــــــــــــــــــي === وين الكمسري ووين بستان الحسين
وتمر هاتاك الخنابة تحتلـــــــــــــــي===بالفل والكادي وثوب الموسلين
تاك الغرش تعمد لجف في السامـري== لاهز شاعف ليّلت فوق الجبين
ياباطلي من ذا السعف دي يعتلـــــي=== فوق الهمات السود يطحني طحين
لا فللت شل السلب يالواحـــــــــــدي===ون سبّلت صلّو علي يالسامعين
لاهز لزيب فوق صيرة مطــــــــــري=== تشرب كرع صافي بلاد المصعبين
وعبر على ردفان قل للخُبّجـــــــــــي===بنت السحيمي في مغارة لربعين
من قلة الخطاب باعوها لعلـــــــــــي===وتنعتشتها كلاب صنعاء والعدين
الكلب (جاوع) والوليمة بربــــــــري===يابخت باعلوان باللحم السمين
متعسرة يالبيض ماشي قيصـــــري؟=== لنتو تبون البنت ضحوا بالجنين
ومسرطنة.هذه أشعة اكـــــــس.ري===ومرقدة فالآي.سي عالاكسجين
سحايا وشوكية وكبدي وسكـــــــري===لاديزبم ينفع ولا ثرومايسين
ولاكويناها عند المصعبـــــــــــــــــي===او فدرلوها ودفنو ياسالمين
ولابعدو ولحل عند الواحــــــــــــــدي===لا{ صبحت } نعمان الطف يامعين
احفر لصنعاء قبرها يالعربجــــــــــي===وقرو عليها الفاتحه يامسلمين
باذكره بللي مضى لاهو نســــــــي === قواتنا وصلت نقم والازرقين
ولولا صحاب الخير قالو نكتفـــــــــي===كنا حرقنانصف صنعاء بساعتين
ونته يجي لك كم سنة تضرب علـي ===كل يوم حجة ياعدو المسلمين
قسماً برب العرش دي هو معتلـــي ===بارد لك بالصاع لاحن الحنين
باشربك بالكاس دي شربتنــــــــــي ===باشربك مره ومره ومرتين
غريمي اليمن كله ماهو بس علــــي===حتى اليمن لسفل جو مستوطنين
من الركن للعسكر حتى القهوجــي ===لاراعي البسطة والمتسولين
قولو لبو فادي سحابة وتنجلــــــــي ===غمة وباتنزاح يابو المناظلين
يالحضرمي والله ضفرك والحــــــذي===بصنعاء وعنس وإب دي فيها القرين
هذا مقدر كل مومن مبتلـــــــــــــي===اصبر وان الله خير الصابرين
ماننتظر من آدمي يصبح نبــــــــــي===والآدمي مخلوق من ماءاً مهين
وترك كلام النائحة والمحتبـــــــــــي===يامسهل الرقصة للمتفرجين
يبن اليهودية حب الحضرمـــــــــــي===من صبّة المصرى لتشوف العجين
ملّى النزيلة يوم قلت لها خبـــــــزي===من غيشمتها كثرت ماء فوق الطحين
باسندوة يشخل لصحن الحاشـــدي ===وللحم شله منهم بانخلتين
والصقر خيم فوق شاة الشرعبـــي===لما لغب من نهشها كلب العفين
على كريتر دمعتي ماتنطفــــــــــي ===وعلى المكلا القلب ينزف من سنين
والختم صلو ياجماعة عالنبــــــــــي===المصطفى الهادي رسول العالمين..

بو ياسين ردمان