منتديات الضالع بوابة الجنوب - اليوم مولا الشام شامه بيتجه واليام يام(( جديد ابو سيف الكازمي ))

هذه القصيده من كلمات الشاعر الكبير حسين عوض جعيول الكازمي ( ابو سيف )

اللهم اني سالك الرفق بي يوم الوعيد=من حوم حمرا لاهبه وزفيرها والانظرام
هل امتلئتي تقلها وتقول لك هل من مزيد=ما بينها وبيني عسا تفرع صلاتي والصيام
بوسيف قال تأكدو أن كل ما قوله اكيد=وني مسالم واليمن ماريد له غير السلام
انا لسان المعتصم وكبر مناضل بالقصيد=لو ما حجاني حيدره قدني بساحة لعتصام
وفي الخيام اصمد مع كم من بطل شاجع وجيد=اما وحققنا الهدف ولا حرقنا في الخيام
لكن ضرفي ماسمح لي ضرف ماساوي نكيد=نظام اجبرني نبطح للفقر وستسلم ونام
زاد النكد زاد الغلا وحنا ارادتنا تزيد=السلمية بالسلمية والسام به باروت سام
لكن خوفي والفزع أن الجماعه ايد بيد=لفات صنعاء ودورها درستها عشرين عام
والحمد لله انني طالب ذكي مانا بليد=عرفت اش مقصودهم بجهد مني ولتزام
أن المحب بيحبني على سمك بحري وصيد=حب ابتدا بالمصلحة نهايته كان الخصام
ون نار صالح بن علي حبه لخو صادق حميد=ونار خو صادق لصالح تعتبر نفس الكلام
بالطايران المعركة ولا سقط واحد شهيد=من بيت لحمر كلهم دي يقتلو عسكر وزام
صنعاء لها كل مشتهت لذيذ ومقذي مفيد=كل ما حلي للعاصمة وحنا من الحالي صيام
ورقم هذا ودنا يصبح يمنا خضر سعيد=اذا نسجمنا لبعضنا لكن مافيش انسجام
الشعب قام بثورته والمافيا اصحاب الرصيد=ماودهم للشعب يعلو صوت أو ثورة تقام
ياشعب لتكلم علي وقال ماذا اللي تريد=قولو له الله يلعنك نريد اسقاط النظام
لأي حاجة في اليمن طابور نمسك من بعيد=عالغاز والديزل وعالبترول والماء والطعام
طابورنا يصل للعرم وبناء العرم لما الصعيد=وبناء الصعيد تصل عتق وبناء عتق توصل شبام
راح اليمن في مشكلة وانا أراء الحل الوحيد=اما ويتنحى علي وحمد علي ولا نقسام
انا قبيلي كازمي مانا زبيدي من زبيد=صبري عليكم لاهنا وبعدها فا صاد لآم
قلنا لكم مافيش ماء ونتو تقولو نشا عصيد=بأيش نعصدها لكم وكيف يعيال الحرام
قلنا لكم ان الوليدة ماتبا هذا الوليد=لن الوليدة كالقمر اما الولد صايع وخام
شطرينها متحانبه حديد حانب في شديد=لا خير دايم يايمن قالو ولاشي شر دام
ورددي يا ايها الدنيا لبوسيف النشيد=اليوم مولا الشام شامه يتجه واليام يام
وختمها بسم النبي مرخا على سيلة وحيد=على النبي بوفاطمة صلي وسلم بالختام