منتديات الضالع بوابة الجنوب - جــنــوبـيــه اصـــيـــلـــــه

جـنــوبـيـه اصيله
جنوبيه اصيله ونعم في اصلها -- من راسها لاالساق كل اوصافها حاليه
جميله كامله اوصافها في شكلها -- عالوصف بالاشعار والتمجد مستغنيه
وعيني في الصبايا لم تشاهد مثلها -- خدود ورديه حلا وعيون عنابيه
وقامتها طويله تكتنف في ظلها -- وصدر ملعب للفرس وخدودها ورديه
خظاب العيد باين في رواهش رجلها -- ومخظبه لبنان والكفين متحنه
انا حبيتها وسوف ظحي لاجلها -- لأن البنيه فاتنه تستاهل التظحيه
وتستاهل قصيد الشعر ذي سجلتها -- بالانجليزيه وبالفصحاء وبالعبريه
انامدمن بحب البنت متولع بها -- والقلب هائم في هواها مايبا الاهيه
مساء الاثنين في حي السعاده شفتها -- علئ الطريق اللي مؤدي ساحة الحريه
وقليت الادب وقفت وتسائلتها -- من فين اصلش جاوبي بوصقر يالغاليه
ادري انك جنوبيه قبلك قلتها -- بس علميني من عدن والا من الباديه
اوانتي مهريه من حيد جادب اصلها -- اوحضرميه من غزال الريده الشرقيه
اوانتي من ظباء شبوه وناقص عقلها -- هبلا علئ النعرات والثارات متربه
اوردفانيه اويافعيعه قدها -- اوابينيه اوانتي يافاتنه لحجيه
دقيقه جاوبوني واصله لاحدها -- عندي بسرعه جاوبيني تركي الكبريه
بكلمه جاوبتني والغظب ظاهر بها -- وقالت انته ايش مقصودك وذي تشتيه
خل الزندقه والفلسفه ذي كلها – من انت وش اسمك وهات علومك الباقيه
وقلت لها انامجنون يابنت اهلها -- قيس الملوح في هواكم خارج التغطيه
انا بوصقر ياسيد الغواني كلها -- الشاعر اللي من رموش العين عدبتيه
انا الصقر الذي فريسته يرقص لها -- والصقر ذي مايعرفه قال المثل يشويه
وقالت مرحبا الفين يملي سهلها -- وبحورها والحيد راس اللقمه العاليه
مراحب عد مالاشجار تفتش وردها -- يامرحبا في شاعرك يا الثوره السلميه
الشاعر ذي مقالاته تترجم قصدها -- يامرحبا بين السبل والنون باسويه
وسارت نحوي بخطوه ومدة يدها – والقلب حقق مطلبه في الخيله الاصليه
عساء ان الله يحفظها بعونه لاهلها – وانا يصبرني علئ فرقاك يالغاليه
الشاعر ابوصقر السليماني