برَّع يا حـرس جمهـوري=اسحب شيشتـك والبـوري

جر جر شملتـك والرقعـة= فوق العر حصـل صفعـة

في عـزم الشبـاب الثـوار= مـن ابطال يافـع لحـرار

من ساقوا الجحافـل قرعـه= فوق العر حصـل صفعـة

انهـار اللـواء بالكـامـل= أرعبهـم سمـاع الـزامـل

هذا الصوت كيـف البرعـة= فوق العر حصـل صفعـة

الصوت أرعبه قلـي كيـف= لو شاف الجنابي والسيـف

بيـد اليافعـي لـه لمـعـه= فوق العر حصـل صفعـة

أجبرنـا جحافـل صـالـح= تستسلـم مـن اول قـارح

خوفـاً تعتريـهـم فجـعـه= فوق العر حصـل صفعـة

شتتنـا لــوا الجربـانـي= شـرّدنـاه كالـجـرذانـي

أتمـزق تـفـرق جمـعـه= فوق العر حصـل صفعـة

أجبرنـاه قسـراً يـرحـل= نحو البيضاء أسرع هـرول

يركض خوف بأقصى سرعة= فوق العر حصـل صفعـة

في كمـن مناضـل شاجـع= أسقطنـا علـي فـي يافـع

نفـذنـا بيـافـع خلـعـه= فوق العر حصـل صفعـة

التاريـخ كــرر نفـسـه= النكسـة تلتـهـا نكـسـة

في نفس المكـان والبقعـة= فوق العر حصـل صفعـة

مـا ذاق الإمـام القـاسـم= ذوقـنـاه هــذا الــرازم

جرّعنـاه نفـس الجـرعـة= فوق العر حصـل صفعـة

حصّل درس موجع قاسـي= ذكّرنـا علـي لـو ناسـي

حجمنـاه يعـرف وضعـه= فوق العر حصـل صفعـة

جرّعنـا علـي بـا نـواس= المُـر المخلـط بسـبـاس

من جـوره ذرفهـا دمعـه= فوق العر حصـل صفعـة

أسقيناه مـن نفـس الكـأس= ذي اسقينا الإمـام المنـداس

حامي نـار ساخـن ولعـه= فوق العر حصـل صفعـة

من لطمت يفاعـة مصـدوم= أخرجنـا لواهـم مـهـزوم

درمحنـا رؤوسـه صلعـه= فوق العر حصـل صفعـة

لـم يخـرج مكـرم غانـم= بل مهـزوم خاسـر غـارم

فلّـت بقشتـه والقـرعـه= فوق العر حصـل صفعـة

دبابـاتـهـم والـمـدفــع= استولـت عليـهـا يـافـع

في جلدة خـرج أو قمعـه= فوق العر حصـل صفعـة

لو ما كـان شيـخ الزاهـر= أنقذهـم وربــك سـاتـر

كان الليـث سيهـم لُجعـة= فوق العر حصـل صفعـة

في وجه الوسيـط الضامـن= تـم الانسـحـاب الأمــن

طهرنـا نواحـي شـرعـه= فوق العر حصـل صفعـة

أقـوى درس لُقـن عفـاش= من يافـع بدحر الأوبـاش

طـرد المركـزي اول دفعـه= فوق العر حصـل صفعـة

رحلـنـاه خـالـي يــده= طقمـه سلـمـه والـعـدة

وألحقنـا بـأثـره ربـعـه= فوق العر حصـل صفعـة

أجبرنا الحـرس أن ترحـل= جرو بعدهـم ثـوب الـذل

أول رد سبـعـه سبـعـه= فوق العر حصـل صفعـة

والتحضيـر جـاري قائـم= لدرس الأخيـر الـقادم

من قصر الرئاسة نزعـه= فوق العر حصـل صفعـه
تاريخـي مشـرف ناصـع= رأسي فوق نجمـي ساطـع

يافع في العلا لـي وضعـه= فوق العر حصـل صفعـة

الماضـي شهـد والواقـع= ويلـه مـن تجاهـل يافـع

نطفـئ لمبتـه والشمـعـة= فوق العر حصـل صفعـة

دوري في البطولـة زاخـر= ميـزه كابـراً عـن كابـر

ما في ليـث غيـر طبعـه= فوق العر حصـل صفعـة

مـن حقـي بـان أتفاخـر= ذكري مسك ريحـه عاطـر

تنفـح شهرتـي والسمعـة= فوق العر حصـل صفعـة

لـي عـادة كريمـة رائـع= طبعـي والسمـة متواضـع

من مركز قـوي ذا فرعـه= فوق العر حصـل صفعـة

لكـن مـن يحـاول يرفـع= رأسه فوق حتمـاً يخضـع

ولا لا محـالـة قـطـعـه= فوق العر حصـل صفعـة

افخـر بالرجـال الأجـود= خطـو مـأثـرة للأحـفـاد

حفظـاً لسمـو والرفـعـة= فوق العر حصـل صفعـة