|
أقــــــــــولـــــــه إيــــــــه
أقــــــــــولـــــــه إيــــــــه ــــــــــــــــــــــــــ أقوله إيه لو قـال مـالي نفس تهواك ---- مـالي إذن تسمعـك مـالي عين تتمنى تراك أقوله إيه لـوقـال مـاحبك ولا بـاك ---- مـانفرح بقـربك ولا بـالريح لاهب من قداك أقـولـه حـبني بـالغصب .... لا لا ---- أثـور .. أعـلن عـليـه الحـرب .... لا لا ---- أقوله إيه مـاحيلتي إلا أسـامح وأصـبر خـاف عـاده يـرد عقـله عليه ---- **** أقــــــــــولـــــــه إيــــــــه ترى ذا تيه مـن صـاحبي و لا تهنتاك ---- يواخذنـا بلا ذنب يتحكم علـي مثل المـلاك يكن مـاكان مقـبول منه ورد وأشواك ---- منه خـير أو شـر منه عـافيه و لا هـلاك عـلي بعـد ذا شـي ذنـب .... لا لا ---- قـصر عـزمي و فـات الـركـب .... لا لا ---- طـريق التيه مـاحيلتي مـدري بخلي إذا نـا مـاسلكته يبـي يسلـكه ليه ---- **** أقــــــــــولـــــــه إيــــــــه أسوي إيه لو شفت ذا يغـريه أو ذاك ---- ذا يطرح له الشمس في كفه وذا نجم السماك ينصبوله كما الوعل في الوديان لشباك ---- هذا من هنـا قيم يتحيـل وهذا مـن هنـاك أعـامل مثلـهم بـالنصـب .... لا لا ---- وأغــري بـالـكـلام الـكـذب .... لا لا ---- أسوي إيه مـاحيلتي إلا أصـارح وأصدق خـاف بـالصدق أتـوصل إليه ---- **** أقــــــــــولـــــــه إيــــــــه تريده ليـه قـالوا لي العـذال ذولاك ---- قـالوا ليه تبقـى معـه دايم وهو ماهو معاك تريده ليـه فُـك منك الغـدار الفـاك ---- بـاتلقـى مثيلـه و هو ما بـايلاقي حد كماك نصـدقهم و نعـصى القلب .... لا لا ---- ونـمـشـي فـوق هـذا الـدرب .... لا لا ---- وذا لا إيه مـاحيلتي إلا أطـالـب بقـلبي لان قـلبي مكـانه فـي يـديـه ---- |
اقتباس:
رحمه الله المحضار |
|
Loading...
|
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.