منتديات الضالع بوابة الجنوب - جواب تمام السقلدي على بدع الشاعر حامد احمد السقلدي

اقتباس:

المشاركة الأصلية كتبت بواسطة نايف عبدالسلام السقلدي (المشاركة 11233)

هذه القصيده مرسله الى تمام السقلدي
من الشاعر حامد احمد السقلدي

[poem=font="Simplified Arabic,5,darkblue,bold,normal" bkcolor="transparent" bkimage="" border="double,6,black" type=2 line=0 align=center use=ex num="0,black"]
السقلدي قال يارحمن سالك سأله=انته مُجيب السؤال
يسر لعبدك همومه حالته حاله=سهل لرزق الحلال
كنت حسب الغربة جنيهات صفراء و داله=مجهزة بالسلال
وجيت و أنه شيبه غيل الشلاله=يضيع بين الجبال
مُبعد من الأهل فاقد لحضن الغزاله=و أهل قرية بخال
حنين لما يلين الحيد ذي في حداله=يرجع مثيل النخال
لاكنه الوقت ذي شداء علينا حباله=و لازال يشد الحبال
ها بعد يامرسلي شل ظرف الرساله=لتمام سيد الرجال
و قله ان اليمن النار تشعل شعاله=دقة طبول القتال
لابل ذي دخلونا سوق بيع السهاله=و تابعون الريال
وولو علينا امام يدعى علي باثعاله يجيد مكر الثعال
حكم الامامه يعاملنا كما ولاد خاله=ظلم ماله حتمال
لاكين قامة عليهم ساكنين الرماله=و ثار عجيج الرمال
ياصبر لما يقع ما ينفع الفسل ماله=فرار نحو الشمال
وعادنا فتيك من بازل شغلنا شغاله =هو همنا والشغال
يوم يخلق تموت امه وتبقاء السلاله=حكمه عظيم الجلال
يوكل عظام امه ويوكلينه عياله=هذا الجزاء بالعيال
والف صلوا على المبعوث بشرع العداله=قسطاس مابه ميال[/poem]

جواب تمام السقلدي
عسى تنال اعجابكم

[poem=font="Simplified Arabic,5,darkblue,bold,normal" bkcolor="transparent" bkimage="" border="ridge,5,black" type=2 line=0 align=center use=ex num="0,black"]
السقلدي قال يا غفار رب الجلاله=أنت ياعالم الحال
تعلم السر في قلب عبدك وباله=والجزاء حسب الأعمال
بعد حيا بشاعر كد نضم الرساله=عبر فاكس وجوال
والهاجس استقبله ورش الورد لاقباله=لشخص فارس وخيال
حيا بحامد وحيا بنسل السلاله=نسلها نسل ابطال
بخال فاقت خيال من تخيل خياله=بالجمال والدلال
مركز العلم فيها والأدب والأصاله=أرض لجداد والخال
وشدني الشوق لهلي ووادي حداله=والزرع مابين لجبال
وغربت المغترب في ارض راجي حلاله=أمر ماله محال
يجمع القرش بالقرش ورسله لاعياله=تحسين وضع العيال
والصبر ياحامد الجيد من صفات الرجاله =وانت من ناس عقال
والوضع كالشمس واضح بالصحف والمقاله=حان حشد الرجال
ضد غدار حب يشعل فتيل الذباله=وسحق مستقبل أجيال
قولوا لعلي صعب والله مابيوصل مناله=بالقمع والأغتيال
والا بأشخاص تعمل بس فقط بالعماله=قصدها جمع لموال
عاد الجنوبي وقاداته هرم في قباله=باتزلزل الأرض زلزال
مابنخضع ولانهاب فعل الحرش والفساله=والدم بالعرق سيال
والحق لابد يعلا فوق صهلة صهاله=والحق صاروخ قتال
يقصف الخاين اللي يتصف بالرذاله=ومن معه كان طبال
وانطهر الأرض والتربه ونمحي الجهاله =ونعدل الوضع عدال
وان حد بقي منهم بانشحنه لاشماله= بالقيد مكبل والاغلال
وحل لغزك معقد ماكان حله سهاله=والعقل به دوم شغال
واتضح أنه الحًب ذي بيؤكل أكاله= ونزرعه عبر لحوال
والختم صلوا على سيدي محمد وأله=أخر مبشر ومرسال[/poem]

لكم خالص ودي واحترامي
تمام السقلدي
2008-14-05