منتديات الضالع بوابة الجنوب - انا الجنوبي وراسي بالشامخ الأصيم=مادن إلا لواحد والي النعمه)) بدع و جواب

بدع الشاعر مانع ناشر الشعيبي

سلام لتمام ما فاح الشقر با لشم = وعداد ما الفل والكاذي نفح شمه
للشاعر الشاب ذي للقافية نضم =نافس لبلعيد ذي هو شاعر القمة
خليت خالك لبدع القافية ملزم=لن هاجسه طاب جاب الشعر من عدمه
ويا رسول المعنى بالخطاب اعزم =قدم مع من وثق بك هذه الخدمة
لما مريكن تصل لاحيت ما خيم=تمام ذي هو مدوا بالخطاب اسمه
سلم له الخط قلة بالجواب اهتم=لأنني من لغتكم خارج الخدمة
وقل له الوضع غامض كل شيء مبهم =ذي عالوطن روح خالة انشغل همة
وكل مأجور تالي اليوم بايندم= مهما المصالح قبضها المرتشي قدمه
والشعب زلزال لأقد هاج لايرحم=وإلا معه للخون والمرتشي رحمة
وقل لبلعيد إن الحزب هيج اردم =وبالزجى با يعود الحزب والنجمة
لن الحنش لا حوص جاهز لنفث السم =من يلقصة مات يا بالعيد من سمة
وذي بدع بالنبي والهاشمي ختم=على محمد شفيع الخلق والأمة
صلاة تغشه ما الحجاج لا تحرم =وعداد ما يقرا الآيات بالختمة

جواب تمام السقلدي على الشاعر مانع ناشر الشعيبي

بسم العزيز القوي الخالق الأعظم =ربي ومن يذكره يرتاح من همه
هوالواحد اللي في يوم الأخره يرحم=عبداً مصلي دعاء من ربه الرحمه
يقول ابوقيس حيا الشاعرالملهم=حيا عداد ما قراء القارئ وتلاى الختمه
بالخال يامرحبا ذي الكل له بصم=والكل يشهد بأنه شاعر الكلمه
وانا افتخر بالدرر ذي كدها ونظم=قيفان مثل الذهب تمتازبالحكمه
وان قلنا مثقف نعم من بحره اتعلم=شاعر ويتقن حروف الجر والظمه
والأن يامستمع بالرد انا ملزم=باجاوب الخال من كاس يعجبه طعمه
شربه هنيه بسقيه من عذب زمزم=تروي العطش والتعب وترد له البسمه
وانت يا هاجسي بالقاف لي اتقدم=وانثر درر من قواقيك ساعه الخرمه
باكتب ابيات مثل اللول والبلسم=تبقى مدى الدهر بصفح الكٌتب بصمه
باقول شعب الجنوب قد ثار واتكلم=ماعاد يعطي اهتمام لظالم واظلمه
وثارت اسود الخلا بالصوت تتهنجم=صوت سبب لصالح بالجمجمه صدمه
انا الجنوبي وانا وضاح لاتحلم=يالغاشم المعتدي ان قد نسيت دمه
والله لثأر لدم الشهيد بالدم=لتبكي اماتكم ساع ما بكت امه
ياذي تماديت بحكم المال واتحكم=بكل وارد وصادر واحرمتني اللقمه
ماليوم تبكي وتحزن مالطفل يتندم=وانته اللي زرعت الشر والأزمه
ومديت يدك على ما ربنا حرم=وكلت مال اليتيم وقطعت في لحمه
وشرع إسلامنا قال من قتل يعدم=وكل طاغي ارتكب في حقنا جرمه
وينهار صالح بيد الشعب واتحطم=ويجوز رجمه بحد السيف والجزمه
والخيل ذي يفتخربه بالنار يتألم=صابته نار شعبي ذي حسم حسمه
والقايد البيض أعلن موقفه وصمم=فك ارتباطه وكلاً بايخذ قسمه
مالفرق بيناتنا فرق السماء واليم=ماعاد نقبل بك اليوم يا علي شمه
فينا الريادي وفينا عالم المُعجم=وانتم ورب الجلاله ماتوصلوا علمه
احنا الحضاره وانتم ماتملكوا معَلم=واحنا الأصاله وانتم ماعندكم ذمه
احنا الحراك الجنوبي ذي حلف واقسم=يرد ارضه وماله بقوته واعزمه
انا الجنوبي وراسي بالشامخ الأصيم=مادن إلا لواحد والي النعمه
أما وابونصر ذي استكبر وابى يفهم=خله ماكانه بخفره داخل الظلمه
مايفهم الا مسلسل عدنان او طمطم=ومايصحى إلا وقد في صابره لطمه
مغرور والخوف حل في داخله وخيم=ماعنده أيت شجاعه ينطق بحق كلمه
ياسامعيني رجاء قولوله اتنسم=ذي جاني بالأمس حافي مستعرضً جسمه
والكل يدري بأنه لسقلدي سلم=واسقيته المر بيدي وكسرت له عظمه
ليته يكون مثلما بوظافر المفعم=بالفكر والوعي ذي محد بلغ رقمه
يسلم لما قدمه هذا البطل يسلم=روض حروف اللغه واتفنن بنظمه
يابونصور اجتهد ومن عمك اتعلم=فرصه ليرقي ويوصل لامستوى عمه
وختمها عالنبي قال السقلدي تمم=صلوا على المصطفى كل ما ذٌٌكراسمه