|
قصيدة الكازمي والسليماني المشهوره
قصيدة الشاعر احمد سالم حسين الكازمي ومرسله للشاعر الكبير محمد علي غالب السليماني ابولحمدي بالله ياعازم يقول الكازمي ----------------شل الرساله واعطها شاعر زكين بو لحمدي ذي نستمع له باالغنى --------------------ونستمع شعار يافع كل حين ماهل قصيده ذي بها تأثرت أنا -----------------قال اليمن ضايع وأهله ضايعين كذاب ماقاله ماقاله ولكن ماعلى ----------------من صار مثله في عداد الشاردين قد حيد يافع دن راسه وانحنى ---------------يوم التوحد صار راسه وسط طين وضاعت الضالع وردفان الذي ------------------قلتوا أبي ماشي لكم علم اليقين عقولكم قد ضيعتها الشوعيه ----------------ياذي جهلتوا دين ختم المرسلين ياذي بيناير عملتوها غلط -----------------خنتوا علي وقبل خنتوا سالمين قد الخيانه بهل يافع زارعه ---------------------وأعدائنا قد كلمونا الأولين لكن أجائت وحدة الشعب الأبي -------------------فيها تغاضينا باالنصر المبين دسنا عدن وابين ولحج العبدلي -----------------والاشتراكي صنعة ابليس اللعين واليوم مابتقول يابو لحمدي ---------------شفني اسألك يااليافعي وابدا بسين الشوعيه قد انتهت من روسيا -----------------حدد مكانك باليسار اوباليمين انت مع الوحده تكن ام منفصل -------------للبيض والجفري قد اعطيت اليمين هل تستلم من موج راتب مستمر -------------على القصد ذي تنشروها كل حين انته وثابت بن عوض واليافعي ---------------ذي دايما بالشعر وانتم خاطئين ماتعرفون ان وحدة الشعب البطل -------------مبنيه شعها من على الساس المتين بانيها الأول هو القايد علي -----------------والثاني احنا وانتوا المتخلفين والتاليه باقولها وانت استمع ------------يااصحاب يافع باتضلوا خاضعين هذا وجاوبني وشفني منتظر -------------وحذرك يابن علي من هرج شين وقد عرفتك من زمان العسكره ------------رجال لك موقف وفي قولك رزين إن كان باتقدر تجاوبني بها -------------- ارسل جوابك يسمعون السامعين وان كنت عاجز عنها يالحمدي -------------------بارسل الثانيه لك لما تبين وبنشر ابيات القصيده في ورق --------من شان تعرف عجزك الناس اجمعين واحزيك من بكره لها بازل قسم -----------------وبان فيها شي عمره مايبين عبر بها ذي شلها من ساعته ----------------ومر واهلك من بثأره أجمعين والختم صلوا ع النبي سيد البشر ----------------وهادي الأمه على دنيا ودين * //////////////////////////////////////////////////////////////// رد الشاعر الكبير محمد علي غالب السليماني اليافعي قال السليماني مكان اليافعي -----------------شامخ على شامخ عجي مابايلين شامخ عجي قد ماخضع لانجلترا -------------------ولا الإمامه والجيوش الطامعين بركان يتفجر حمم ذي تحرقك -------------------وتحرق امثالك من المتعجرفين مرفوع راسه دايما لما السماء ----------------رغما على انف الخون والحاسدين اليوم ياالهاجس شفه دق الجرس ----------------------بادر بلطمه تسلم اليد اليمين لطمه بوجه الكازمي لاترحمه ----------------من دلع العسني لعب له باالطحين يمين ماسكت يحنقوا جدي وابي -------------------قد قالها ثابت عبد من قبل حين لنتوا تقولوا جن قلنا مائة جن ----------------------بانعتجن ونعجن الدنيا عجين يااحمد كتابك جا وليته ما اجا --------------------- ولى زمانك وانت باقي ياحنين تغلط على يافع وانا قد بعرفك -----------------------مثلك امامي مايكفون اربعين يافع أفاعي بالكتب تاريخهــا -----------------معروف من حمير ومن دولة معين وحش الجبل ياويل من يتعرضه -------------- بيلوي المخلب ويصطاد السمين إسأل عدن وابين وسل باب اليمن -------------والخامسه واسأل على قصر المعين واسأل شيوبتكم وبايحكو لكم -----------------وانته بذاتك تعرفه وانته فطين انا الذي نجيت روحك في كرش ---------------يوم الثلتعشر وعندي شاهدين حبتور يشهد والعليا صاحبك ----------------ليلة لقيتك وانت منكوس الجبين من اهل فضل احبابنا واخواننا -------------والعوذلي والكازمي كم من حسين واخوان في البيضا وفي مارب لنا ------------واصحاب شبوه شفهم الجنب اليمين وانته فقط يافسل خارج منهم ------------------عادك بتتذكر وعادك ياأنين لو كنت شاجع ماسميت التفرقه ------------------انته ذنب تابع ذنب للتابعين انته من اهل الفيد عُشاق البيس ----------------ياذي بدال الناصفه خذتوا ثمين مااحداث يناير خطانا مشترك -------------واحداث من عهد المناضل سالمين هم اللقالق حرضوا مابيننا --------------اهل المخابز والبرم واهل العجين امثال جار الله عمر والشرجبي ----------------ذي احتضناهم بها تاك السنين مااشبال يافع شف قد اعطينا قسم -----------------إنا لوحدة شعبنا الدرع المتين وانا قبيلي مثل ماجدي وابي ---------------ماشي بنسعر من ثلاثه واربعين لكننا باننتقد أية خطا ------------لأنعادل نحنا باالصراحه جيم شين ماشا يقع صنعا لها ثوب العرس ---------------ولا عدن تتلبس الثوب الحزين أو عسكري جاهل يشل اعلى رتب ----------------وهذا الكادر وسط داره سجين لو كان عمره باالثلاثين السنه -----------------قالوا له تقاعد مع المتقاعدين وذا سلاحه والذخيره يستلم ------------وذا سلاحه وسط صندوق الخزين وش عاد بقوا لك ولي ياالكازمي --------------لاالجو معهم بايبيعوا الأكسجين بس الأمل مربوط باالقايد علي --------------وعبد ربه ويش ذي عاده يعين قال المثل ماخاس في الجسم إقطعه ------------------ماعاد بايشفى بحبه بنسلين العدل ثم العدل هو ساس البناء ------------وغير ذا شوفه حجر من فوق طين واللغز ذي رسلت هو موسى النبي ------------ذي قال ربه خذ عصاتك بااليمين أهلك بها فرعون واهله بعد ما --------------أعتق اناثي بعد ذباح البنين واحزيك من بكره لبازل منتجه ---------------بازل وعنده عين وحده قد تبين فيه الدوا ولااختفت عنه مرض ----------------مايرحم الشيبه ولا يرحم جنين والختم صلوا عاالنبي صفوة مُضر ---------------نور الهدى من عند رب العالمين |
|
Loading...
|
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.