منتديات الضالع بوابة الجنوب - فرق شاسع بعدلك وعدلنا العادل=عدلكم ظلم خالي من حكمة الألباب

يقول ابوقيس ضربه تقتل القاتل=ضربه عنيفه تدمر خيله الكذاب
رمز العدا والنفاق في أرضنا كامل=شوه بأمي عدن وخرب بها خراب
عروسة البحر الأحمر من صدق ماجامل=ومعلم سياحي مؤرخ بحسنها الجذاب
ومركز لأم الملاحه ومعبر الناقل=موقع يصل بين كل العُجم والأعراب
ولكن الصالح اقبل بعقله الغافل=عقل شاويش فرط بالعم والأنساب
باعنا وارخص السعر للمار والسائل=واحنا الذي كل طاغي من اسمنا يهتاب
وكل مسئول حاكم ضدي متفاعل=في كل مبنى وزاري يقفلون الباب
عندما اسعى لرزقي يبان متكاسل=لأني جنوبي فقط يتخلقوا الأسباب
بيمارس اعمال فوقي ذا العنصري السافل=ماخير إلا وهو كشر عليه الناب
وارغام شعبي بوحدة من طرف باطل=وحدة الشمل ماتجي ياعلي غصاب
فرق شاسع بعدلك وعدلنا العادل=عدلكم ظلم خالي من حكمة الألباب
والنتيجه خلل بان بالقضاء الفاشل=تحكموا اعدام عالحر وتطلقوا الأرهاب
حتى يظلوا ستاره وشغله الشاغل=يرضي بها بوش واهل الغرب والأغراب
تمثيل واضح وقد مل منه العاقل=وفي كل ساعه ولحظه يظهرلنا بجلباب
ماقول وجهين بل مية وجه للجاهل=عايش حياته بسفك الدم والهنزاب
والشعب مسكين عايش بالمستوى النازل=لاشراب لاطعام لاحتى عصير عناب
وهم لهم كل حالي واحنا لنا الحاصل=ذي شله اعضاء بسلطه مجلس النواب
اما الوعود ذي وعدها لصالح العامل=كان لجل انتخابه حطه لنا محناب
وكل ماسمع واشوف إن كل شي عاطل=خاب ضني وضن شعبي بهم قد خاب
واصبح إللي يطبل ويمدحه بزامل=تهل عليه الرشاوي ورتبه مع الألقاب
واليوم بانت نواياه وحقده الداخل=حقد يسعى لتفريق الأخ والأصحاب
وسرعان ما الرد تفجر بالموجز العاجل=كسر رؤوس العدو حين توحدوا لحباب
يوم الصفى والنقى اصبحت به حافل=والشعب بالمثل هلل واستقبله بترحاب
صف واحد موحد والكل متفائل=حراك سلمي يليه ثورة اسود الغاب
ثورة مع الحق وانا للحق باناضل=وأقتل إللي قتلنا وخظبه خظاب
وعاد بأرض الجنوب كم من بطل باسل=تقدرعلى ردع صالح داخل السرداب
يظل مقيد ومحبوس (بالحلق والسلاسل)=عبره لمن عقله أتجمد وولا وغاب
رجال وقت الشدايد توقف وبتقاتل=وتدق راس البلا وتعذبه عذآب
تستاهل النصر والخير والله تستاهل=دخول مجد الأساطير ذي دونه الكُتاب
وسبحان ربي وسبحان وقوله القائل=من سرق تقطع يده وذي حكمة الوهاب
وختمها عالنبي أخر رسول الرسائل=شفيعنا يوم نبعث للواحد التواب