صح لسانك واعتقد بان حرفا سقط منك سهوا وهو حرف النون في البيت التالي:

لما متى وحنا نرقعها رقيع

تحياتي

برنو مدحّل ماضرب ضربة نصع :D= ماينفعك دحباش أكّلك الضريع

من يدخل الحمّام منه ماطلع = في حالته الأولى ولا هو مستطيع

أمّا خرج طاهر ومتوضّي ورع = وامّا النجاسه في ثيابه شي مريع

بعتوا وطن بالتجزئة والاّ القِطع = والشعب يتجرّع مرارتكم جريـــع :mad:

يوم (امْبِرِك) والنحس ينحس من خضع :p = للغادر المحتل دحباش الوضيع

يوم اللقا الثاني جنوبي قد ولع = من شرق مهرة لا عدن نوره سطيع :)

فن السياسة ماتخليني ادع = أرضي وعرضي في يد الغاصب يبيع

ومن فشل في شبّته مابايقع = فوزه وهو شايب مخرف به صليع :D

قد قالها المحتل بارضك قد وضع = سيفه وجنده واستلبها عا السريع

وقال : (ماهو) فيدراليه؟ و(مَعْ) :D = مابش (حكوك) اركع انا الفارس (وكيع)

ثروات ارضك في جيوبي تتسع = لاهلي.. وقدامك انا السد المنيع

ننهب جنوبك نختلق فيه الخدع = ونسوقكم مثل البرابر والقطيع

في باب صنعاء بيعكم واللي دفع = شلك سبي عنده وخادم له مطيع

ماهمنا اقناعك وعنّك مااقتنع = طبّل على زمري وكن حملن وديع ;)

من قبل لاجبتوا بضاعتكم رجع= مرسالكم خايب فشل (فشلا ذريع) :p

لا نا من الماضي وما قد لي وقع = ياما مظالم جورها منهم صنيع

الشعب فجر ثورته الكبرى ودع = عنك وساويسك وخليك النكيع

هم يلحقوا الثورة - وللثورة صنع= اجيالها الحرة وكم شاجع صريع

في جنة الفردوس سابق او تبع = لا فضل (للماضي) عليهم ياربيع

لايخدعك دحباش إعلامه اصطرع = لما يرى شعبي وشنّع بي المذيع

لاتستمع لاعداءنا خل الجزع = هم قصدهم فتنه وتفريق الجميع

حط يدّك بيدي وحسك تستمع = مهما رثى حالك ودمع لك دميع

كله كذب ، تمثيل قصده بالبقع = يسلب لثروتنا وارضي با يبيع

وانته وانا نبقى محلك سر يضع = كل مننا سيفه على الثاني قريع

خلك ذكي (برنو) وخلك ممتنع = لاتدخل الماخور باتصبح تبيع

هذي نصيحه شلها مني وشع = ماينفعك ياريت او توجد نفيع